ନୂଆଦିଲ୍ଲୀ,୧୦ ।୨: ଉତ୍ତର ପ୍ରଦେଶ ବିଧାନସଭା ନିର୍ବାଚନ ପାଇଁ ଗୁରୁବାର ପ୍ରଥମ ପର୍ଯ୍ୟାୟ ଭୋଟ ଗ୍ରହଣ କରାଯାଉଛି । ଏଥିରେ ୧୧ ଜିଲାର ୫୮ ଆସନ ପାଇଁ ଭୋଟ ଗ୍ରହଣ କରାଯିବ । ଏହା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୁଇଟ୍ କରି ସମସ୍ତେ ସମସ୍ତଙ୍କର ମତଦାନ ଅଧିକାର ପ୍ରୟୋଗ କରିବାକୁ ଅପିଲ କରିଛନ୍ତି । ଏହା ସହ କୋଭିଡ ନିୟମ ମାନିବାକୁ ବି ସେ ଜନତାଙ୍କୁ ଅନୁରୋଧ କରିଛନ୍ତି ।
ମୋଦି କହିଛନ୍ତି , ଉତ୍ତର ପ୍ରଦେଶ ବିଧାନସଭା ନିର୍ବାଚନର ଆଜି ପ୍ରଥମ ପର୍ଯ୍ୟାୟ ଭୋଟ ଗ୍ରହଣ । ମେ।।ର ଆଶା ସମସ୍ତ ମତଦାତା କୋଭିଡ ନିୟମ ପାଳନ କରି ଲୋକତନ୍ତ୍ରର ଏହି ପାବନ ପର୍ବରେ ବହୁ ସଂଖ୍ୟାରେ ଭାଗ ନିଅନ୍ତୁ । ମନେ ରଖନ୍ତୁ ପ୍ରଥମେ ମତଦାନ, ତା’ପରେ ଜଳପାନ ।
