ନୂଆଦିଲ୍ଲୀ,୨୫।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦ ମଙ୍ଗଳବାର ବିରୋଧୀ ଦଳର ମେଣ୍ଟ ‘ଇଣ୍ଡିଆ’କୁ ଇଷ୍ଟ ଇଣ୍ଡିଆ ସହ ତୁଳନା କରି କହିଛନ୍ତି ଯେ, ତାଙ୍କ ଭଳି ବିରୋଧୀ ମଧ୍ୟ ଇଣ୍ଡିଆ ମେଣ୍ଟ ଗଠନ କରିଛନ୍ତି। ସେ କହିଛନ୍ତି , ବ୍ରିଟିଶମାନେ ଆସି ନିଜର ନାମ ଇଷ୍ଟ ଇଣ୍ଡିଆ କମ୍ପାନୀ ରଖିଥିଲେ, ସେହିଭଳି ବିରୋଧୀ ‘ଇଣ୍ଡିଆ’ ନାମରେ ନିଜକୁ ଉପସ୍ଥାପନ କରୁଛନ୍ତି।
ଭାଜପା ସଂସଦୀୟ ଦଳର ବୈଠକରେ ପ୍ରଧାନମନ୍ତ୍ରୀ କହିଛନ୍ତି, ବିରୋଧୀଙ୍କ କାର୍ଯ୍ୟ ହେଉଛି ବିରୋଧ କରିବା, ସେମାନଙ୍କୁ ତାହା କରିବାକୁ ଦିଅନ୍ତୁ ଏବଂ ଆପଣମାନେ ନିଜ କାର୍ଯ୍ୟରେ ଧ୍ୟାନ ଦେବା ଉଚିତ୍। ସେ କହିଛନ୍ତି ୨୦୨୭ ସୁଦ୍ଧା ଭାରତକୁ ଏକ ବିକଶିତ ଦେଶ କରିବା ଏବଂ ତୃତୀୟ ଅବଧିରେ ଭାରତକୁ ତୃତୀୟ ବୃହତ୍ତମ ଅର୍ଥନୀତି କରିବା ମୋର ଲକ୍ଷ୍ୟ।
