ନୂଆଦିଲ୍ଲୀ,୨୪।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର (୨୪ ସେପ୍ଟେମ୍ବର)ରେ ଦେଶବାସୀଙ୍କୁ ୯ ବନ୍ଦେ ଭାରତ ଟ୍ରେନ ଉପହାର ଦେବେ। ଦକ୍ଷିଣ କେନ୍ଦ୍ରୀୟ ରେଳବାଇ (ଏସଆରସି) ର ଦୁଇଟି ସେବା ସମେତ ମୋଦି ୯ ବନ୍ଦେ ଭାରତ ଟ୍ରେନକୁ ପତାକା ଦେଖାଇ ଶୁଭାରମ୍ଭ କରିବେ। ସରକାରୀ ବୟାନ ଅନୁଯାୟୀ ପ୍ରଧାନମନ୍ତ୍ରୀ ଭିଡିଓ କନଫରେନ୍ସିଂ ମାଧ୍ୟମରେ କାଚିଗୁଡା-ଜସଓ୍ବନ୍ତପୁର ଏବଂ ବିଜୟୱାଡା- ଏମଜିଆର ଚେନ୍ନାଇ କେନ୍ଦ୍ରୀୟ ରୁଟ ମଧ୍ୟରେ ବନ୍ଦେ ଭାରତ ଟ୍ରେନ ସେବାକୁ ଉଦଘାଟନ କରିବେ। ଏହି କାର୍ଯ୍ୟକ୍ରମରେ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ମଧ୍ୟ ଅଂଶଗ୍ରହଣ କରିବେ।
ସରକାରୀ ବୟାନ ଅନୁଯାୟୀ, ଏହି ମାର୍ଗରେ ଥିବା ଅନ୍ୟ ଟ୍ରେନ ତୁଳନାରେ କାଚେଗୁଡା-ଜସଓ୍ବନ୍ତପୁର ମଧ୍ୟରେ ବନ୍ଦେ ଭାରତ ଟ୍ରେନ ସେବା ଦୁଇ ସହର ମଧ୍ୟରେ ଦ୍ରୁତତମ ଟ୍ରେନ ହେବ। ଏଥିରେ ୫୩୦ ଯାତ୍ରୀଙ୍କ ବସିବାର କ୍ଷମତା ଅଛି। ବିଜୟୱାଡା – ଏମଜିଆର ଚେନ୍ନାଇ କେନ୍ଦ୍ରୀୟ ମାର୍ଗରେ ଟ୍ରେନ ଏହା ପ୍ରଥମ ଏବଂ ଦ୍ରୁତତମ ଟ୍ରେନ ହେବ। ଏହା ବ୍ୟତୀତ ପଶ୍ଚିମବଙ୍ଗ ପାଟନା-ହାଓ୍ବଡା ଏବଂ ରାଞ୍ଚି-ହାଓ୍ବଡା ମାର୍ଗରେ ଏବଂ ହାଓ୍ବଡା-କୋଲକାତାର ସଂଯୋଗ ସହର ମଧ୍ୟରେ ଆଉ ଦୁଇଟି ବନ୍ଦେ ଭାରତ ଟ୍ରେନ ସେବା ପାଇବ।