ଗୁଆହାଟି,୧୪।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଆସାମ ଗସ୍ତରେ ଅଛନ୍ତି। ଗୁଆହାଟିରେ ସେ ଏକ ଜନସଭାକୁ ସମ୍ବୋଧନ କରିଛନ୍ତି। ଏହି ସମୟରେ ମୋଦି କହିଛନ୍ତି ଦେଶକୁ ଏକ ନୂଆ ରୋଗ ଆସିଯାଇଛି। ମୁଁ ଯେତେବେଳେ ଆପଣଙ୍କୁ ମୋ କାମର ଗଣତି କରାଉଛି ସେତେବେଳେ କେତେ ଲୋକଙ୍କୁ ଏହା ପସନ୍ଦ ଆସୁନାହିଁ, କାରଣ ସେମାନଙ୍କୁ କ୍ରେଡିଟ କାହିଁକି ଦିଆଯାଉ ନାହିଁ।
ଆଜିକାଲି ଏକ ନୂଆ ରୋଗ ଦେଖିବାକୁ ମିଳୁଛି। ସେମାନେ ଅଭିଯୋଗ କରୁଛନ୍ତି କି ଦଶକ ଦଶକ ଧରି ସେମାନେ ଦେଶରେ ରାଜ କଲେ ହେଲେ ଏବେ ତାଙ୍କୁ କାହିଁକି କ୍ରେଡିଟ ଦିଆଯାଉ ନାହିଁ। କ୍ରେଡିଟ ଭୋକିଲା ଲୋକେ ଓ ଜନତାଙ୍କ ଉପରେ ରାଜ କରିବାର ଭାବନା ଦେଶର ବହୁତ ଅହିତ କରିଛି।
ମୋଦି କହିଛନ୍ତି, ଆମେ ଭୋଟବ୍ୟାଙ୍କ ବ୍ୟତୀତ ଦେଶର ଜନତାଙ୍କ ସମସ୍ୟାକୁ କମ କରିବା ଉପରେ ଫୋକସ କଲୁ। ଆମର ଲକ୍ଷ୍ୟ ଥିଲା ଯେ ଆମର ଭଉଣୀଙ୍କ ଚିକିତ୍ସା ଲାଗି ଆମକୁ ଦୂରକୁ ଯିବାକୁ ନ ପଡୁ। ଆମେ ସ୍ଥିର କରିଥିଲୁ କି କୌଣସି ଗରିବଙ୍କୁ ଅର୍ଥ ଅଭାବରୁ ଚିକିତ୍ସା ନ ହୋଇ ପାରିବା ଭଳି ପରିସ୍ଥିତିର ସାମ୍ନା କରିବାକୁ ନ ପଡୁ।
୨୦୧୪ ପୂର୍ବରୁ ୧୦ ବର୍ଷରେ ମାତ୍ର ୧୫୦ ମେଡିକାଲ କଲେଜ ତିଆରି ହୋଇଥିଲା। ଗତ ୯ ବର୍ଷରେ ଆମ ସରକାରରେ ପ୍ରାୟ ୩୦୦ ନୂଆ ମେଡିକାଲ କଲେଜ ତିଆରି ହୋଇଛି। ଗତ ୯ ବର୍ଷରେ ଦେଶରେ ଏମବିବିଏସ ସିଟ ଦୁଇଗୁଣା ବଢି ୧ ଲକ୍ଷରୁ ଅଧିକ ହୋଇଯାଇଛି।
