ନୂଆଦିଲ୍ଲୀ,୧୦।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ରାଜସ୍ଥାନ ଗସ୍ତ କରିବେ। ଏହି ସମୟରେ ସେ ରାଜସ୍ଥାନରେ ୫ ହଜାର କୋଟିରୁ ଅଧିକ ମୂଲ୍ୟର ଭିତ୍ତିଭୂମି ପ୍ରକଳ୍ପର ମୂଳଦୁଆ ପକାଇବେ। ପ୍ରଧାନମନ୍ତ୍ରୀ ପୂର୍ବାହ୍ନ ପ୍ରାୟ ୧୧ଟା ସମୟରେ ନାଥଦ୍ୱାରସ୍ଥିତ ଶ୍ରୀନଥଜୀ ମନ୍ଦିରକୁ ଯିବାର କାର୍ଯ୍ୟକ୍ରମ ରହିଛି। ଏହି ପ୍ରକଳ୍ପର କେନ୍ଦ୍ରବିନ୍ଦୁ ଭିତ୍ତିଭୂମି ଏବଂ ସଂଯୋଗକୁ ମଜବୁତ କରିବା ଉପରେ ରହିବ। ସଡକ ଏବଂ ରେଳ କ୍ଷେତ୍ରର ପ୍ରକଳ୍ପଗୁଡିକ ସାମଗ୍ରୀ ଏବଂ ସେବାଗୁଡିକର ଗତିବିଧିକୁ ମଧ୍ୟ ସହଜ କରିବ। ଏଥି ସହିତ ପ୍ରଧାନମନ୍ତ୍ରୀ ରାଜସମନ୍ଦଏବଂ ଉଦୟପୁରରେ ଦୁଇ ଲେନ ବିଶିଷ୍ଟ ରାସ୍ତା ନିର୍ମାଣର ପ୍ରକଳ୍ପର ମୂଳଦୁଆ ପକାଇବେ।
ଭାଜପା ରାଜ୍ୟ ଅଧ୍ୟକ୍ଷ ସିପି ଯୋଶୀ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶ୍ରୀନାଥଜୀ ମନ୍ଦିର ଗସ୍ତ କରିବେ। ଏହା ପରେ ସେ ଏକ ସାଧାରଣ ସଭାରେ ସମ୍ବୋଧିତ କରିବେ ଏବଂ ଅନେକ କାର୍ଯ୍ୟକ୍ରମର ମୂଳଦୁଆ ମଧ୍ୟ ଉଦ୍ଘାଟନ କରିବେ। ଏହା ବ୍ୟତୀତ ମାବଲି ମାରୱାଡ ବ୍ରଡଗେଜ ଲାଇନର ମୂଳଦୁଆ ପକାଇବେ।
