ନୂଆଦିଲ୍ଲୀ,୧୦।୯: ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ଅଧୀନରେ ଦେଶର କୋଟି କୋଟି କୃଷକ ବାର୍ଷିକ ୬୦୦୦ ଟଙ୍କା ଲାଭ କରୁଛନ୍ତି। ଏହି ଯୋଜନାର ହିତାଧିକାରୀଙ୍କ ସଂଖ୍ୟା ୧୪ କୋଟି ଅତିକ୍ରମ କରିଛି। ଫେବୃଆରୀ ୨୦୧୯ରେ ଆରମ୍ଭ ହୋଇଥିବା ଏହି ଯୋଜନାର ଉଦ୍ଦେଶ୍ୟ ହେଉଛି କ୍ଷୁଦ୍ର ଏବଂ ମଧ୍ୟବିତ୍ତ ଚାଷୀଙ୍କ ଆୟ ବୃଦ୍ଧିରେ ସାହାଯ୍ୟ କରିବା। ଗତ ମାସରେ ଅଗଷ୍ଟ ୯ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଯୋଜନାର ନବମ କିସ୍ତି ପ୍ରଦାନ କରିଥିଲେ।
ଏବେ ଆପଣ ଏହାର ଆପ୍ ଡାଉନଲୋଡ କରିବେ:
ଯୋଜନାର ଲାଭ ଉଠାଇବାକୁ ହେଲେ ନିକଟସ୍ଥ ଡାକଘରକୁ ଯାଇ ସିଏସ୍ସି କାଉଣ୍ଟରରେ ପଞ୍ଜୀକୃତ କରାଇପାରିବେ। ଏହା ବ୍ୟତୀତ ଆପଣ ପିଏମ୍ କିଷାନ ନିଧିର ୱେବସାଇଟ୍କୁ ଯାଇ ପଞ୍ଜିକରଣ କରିପାରିବେ। ଯଦି ଆପଣ ଆଣ୍ଡ୍ରଏଡ ଫୋନ ବ୍ୟବହାର କରନ୍ତି ତେବେ ଗୁଗୁଲ ପ୍ଲେ ଷ୍ଟୋରକୁ ଯାଇ ଆପଣ PM Kisan GoI ମୋବାଇଲ ଆପ ଡାଉନଲୋଡ କରିପାରିବେ।
କିପରି ପଞ୍ଜିକରଣ କରିବେ:
-ସର୍ବପ୍ରଥମେ ନୂତନ ପଞ୍ଜୀକରଣର ଲିଙ୍କରେ କ୍ଲିକ କରନ୍ତୁ।
-ଏହା ପରେ ଆଧାର ନମ୍ବର ପୁରଣ କରନ୍ତୁ ଏବଂ ଆପଣଙ୍କର ରାଜ୍ୟ ଚୟନ କରନ୍ତୁ।
-ଏହା ପରେ ଇମେଜ କୋଡ (କ୍ୟାପ୍ଚା କୋଡ) ଦିଅନ୍ତୁ। ସୂଚନା ଦେବା ପରେ ଆପଣଙ୍କୁ ନାମ, ଠିକଣା, ବ୍ୟାଙ୍କ ଆକାଉଣ୍ଟ ବିବରଣୀ, IFSC କୋର୍ଡ ପୂରଣ କରିବାକୁ ପଡିବ।
ଏହା ପରେ ଆପଣଙ୍କୁ ଜମିର ସବିଶେଷ ତଥ୍ୟ ପୂରଣ କରିବାକୁ ପଡିବ।
-ସମସ୍ତ ବିବରଣୀ ପୂରଣ କରିବା ପରେ ଦାଖଲ ବଟନ ଉପରେ କ୍ଲିକ କରିବାକୁ ହେବ। ଏହାପରେ ତୁମର ମୋବାଇଲ ପଞ୍ଜିକରଣ ସମାପ୍ତ ହେବ।
କହିରଖୁସୁଛୁ ଯେ, ଏହି ଯୋଜନା ପାଇଁ କୃଷକମାନଙ୍କୁ ପଞ୍ଜୀକରଣ କରିବାକୁ ସାଧାରଣ ସେବା କେନ୍ଦ୍ର (CSC) କୁ ମଧ୍ୟ ଅନୁମତି ଦିଆଯାଇଛି। ଉପରୋକ୍ତ ସୁବିଧା ମଧ୍ୟ CSC ମାଧ୍ୟମରେ ଉପଲବ୍ଧ ହେଉଛି। କୃଷି ଜନଗଣନା ୨୦୧୫-୧୬ ଉପରେ ଆଧାର କରି, ଏହି ଯୋଜନା ଅଧୀନରେ ଉପକୃତ ହେବାକୁ ଥିବା ମୋଟ ହିତାଧିକାରୀଙ୍କ ସଂଖ୍ୟା ହେଉଛି ୧୪ କୋଟି।ରାଜ୍ୟ ନୋଡାଲ ଅଫିସର (SNO) ଦ୍ୱାରା PM-Kisan ପୋର୍ଟାଲରେ ପ ପଞ୍ଜିକୃତ ହିତାଧିକାରୀମାନେ ୪ ମାସ ଅବଧି ମଧ୍ୟରେ ସେମାନଙ୍କ ସୁବିଧା ପାଇପାରିବେ ।
