ଦିଗପହଣ୍ଡି/ମୋହନା,୧୧|୯(ଅଶେଷ ନାଥ ମିଶ୍ର/ ମନ୍ମଥ ମିଶ୍ର) ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ପୋଡ଼ାମାରି ଗ୍ରାମ ସ୍ଥିତ ବନ ବିଭାଗ ଚନ୍ଦ୍ରଗିରି ରେଞ୍ଜ କାର୍ଯ୍ୟାଳୟ କର୍ମଚାରୀ ବୃନ୍ଦ ଗଜପତି ଜିଲା ଚନ୍ଦ୍ରଗିରି – ଅନ୍ତର୍ବା ରାସ୍ତା କଡ଼ରୁ ଏକ ଶାଗୁଆନ କାଠ ବୋଝେଇ ପିକଅପ୍ ଭ୍ୟାନ (ନଂ. ଓଡ଼ି୦୭ ଏମ -୧୩୬୨) କୁ ଜବତ କରିଛନ୍ତି।ଫରେଷ୍ଟର ଗଣେଶ ପ୍ରଧାନ ସଦଳବଳେ ରାତ୍ରୀକାଳୀନ ପାଟ୍ରୋଲିଂ କରୁଥିବା ବେଳେ ଦୂରରୁ ବନ କର୍ମଚାରୀ ଙ୍କୁ ଦେଖି ଭ୍ୟାନ ଟିକୁ ରାସ୍ତାକଡ଼ ରେ ଛାଡି ଦେଇ ଚାଳକ ଚମ୍ପଟ ମାରିଥିଲେ। ପରେ ଫରେଷ୍ଟର କାଠ ବୋଝେଇ ଭ୍ୟାନ କୁ ଜବତ କରିଥିଲେ।ସେଥିରେ ଖାନ ତଲାସି କରାଯାଇ ଜବତ କାଠ କୁ ମାପ ଚୁପ କରାଯିବାରୁ ସମୁଦାୟ ୧୫.୮୮ ଘନଫୁଟ ଶାଗୁଆନ ପଟା ଥିବା ଜଣାପଡିଥିଲା। ଫରେଷ୍ଟର ଙ୍କ ରିପୋର୍ଟ କ୍ରମେ ପୋଡ଼ାମାରି ରେଞ୍ଜର ପ୍ରଶାନ୍ତ ବେହେରା ବନ କାର୍ଯ୍ୟାଳୟ ୟୁ. ଡି ମାମଲା ନଂ.୫/୨୬-୨୭ ଅନୁଯାୟୀ ମକଦ୍ଦମା ରୁଜୁ କରିଛନ୍ତି।