ପଦ୍ମପୁର,୨୬।୯(ଡି.ଏନ.ଏ.): ଭଦ୍ରକ ଜିଲା ବାସୁଦେବପୁର ବ୍ଲକ ନାୟକାଣିଡିହୀ ଥାନା ପୋଲିସ ଜଗନ୍ନାଥପ୍ରସାଦ ପଞ୍ଚାୟତର ହତାଶିଆ ଛକଠାରେ ଏକ ଚୋରା କୋଇଲା ବୋଝେଇ ପିକ୍ଅପ୍ ଭ୍ୟାନ୍ ଜବତ କରିଛି। ଏଥିସହ ଗାଡ଼ି ଚାଳକ ବାଲେଶ୍ୱର ଜିଲା ସିମୁଳିଆ ଥାନା ଅଞ୍ଚଳର ଅନାର ସିଂଙ୍କୁ ଗିରଫ ପରେ ସୋମବାର କୋର୍ଟଚାଲାଣ କରିଛି। ସୂଚନା ମୁତାବକ ଚୋରା କୋଇଲା ବୋଝେଇ ପିକ୍ଅପ୍ଟି ତିହିଡ଼ି ଅଞ୍ଚଳରୁ ଆସୁଥିବା ବେଳେ ଖବରପାଇ ନାୟକାଣିଡିହୀ ଥାନା ଏଏସ୍ଆଇ ଦେବେନ୍ଦ୍ର ମୁର୍ମୁ, ସୁନାରାମ ମାରାଣ୍ଡି, କନଷ୍ଟେବଳ ଅନୀଲ ନାୟକ, ନିରଞ୍ଜନ ନାୟକ ପ୍ରମୁଖ ଜଗି ରହିଥିଲେ। ହତାଶିଆ ଛକଠାରେ ପିକ୍ଅପ୍ଟି ପହଞ୍ଚିବା ପରେ ଅଟକାଇ ଥାନାକୁ ନେଇଥିଲେ। ଗାଡ଼ିରେ ୧୬ କୁଇଣ୍ଟାଲ କୋଇଲା ଥିଲା। ଏନେଇ ଥାନାରେ ମାମଲା (ନଂ.୨୨୭/୨୨) ରୁଜୁ ହୋଇଛି।
