ନୂଆଦିଲ୍ଲୀ,୧୦।୬: ବୁଧବାର, ୧୦ ଜୁନରେ ଦେଶରେ ପେଟ୍ରୋଲ ଏବଂ ଡିଜେଲ ଦର ସ୍ଥିର ରହିଥିଲେ ମଧ୍ୟ, ସାମ୍ପ୍ରତିକ ଦିନଗୁଡ଼ିକରେ ହୋଇଥିବା ପ୍ରବଳ ବୃଦ୍ଧି ସାଧାରଣ ଜନତାଙ୍କ ଅଣ୍ଟା ଭାଙ୍ଗି ଦେଇଛି। ଗତ ଦୁଇ ସପ୍ତାହରୁ ମଧ୍ୟ କମ ସମୟ ଭିତରେ ତୈଳ ବିପଣନ କମ୍ପାନୀଗୁଡ଼ିକ (OMCs) ଚାରି ଚାରି ଥର ଦାମ ବଢ଼ାଇ ଗ୍ରାହକମାନଙ୍କୁ ମହଙ୍ଗା ମାଡ଼ର ଏକ ବଡ଼ ଝଟକା ଦେଇଛନ୍ତି। ଏହା ଯୋଗୁଁ ଇନ୍ଧନର ମୂଲ୍ୟ ମେ’ ୨୦୨୨ ପରଠାରୁ ଏପର୍ଯ୍ୟନ୍ତର ସବୁଠାରୁ ସର୍ୱୋଚ୍ଚ ସ୍ତରରେ (Record High) ପହଞ୍ଚି ଯାଇଛି।
ଯଦିଓ ଆଜି ତୈଳ ଦର ସ୍ଥିର ରହିଛି, କିନ୍ତୁ ଏହା ପୂର୍ୱରୁ ସୋମବାର, ୨୫ ମେ’ରେ ପେଟ୍ରୋଲ-ଡିଜେଲ ଦର ଲିଟର ପିଛା ୨.୫୦ଟଙ୍କାରୁ ଅଧିକ ବୃଦ୍ଧି କରାଯାଇଥିଲା। ୧୫ ମେ’ଠାରୁ ଏପର୍ଯ୍ୟନ୍ତ ଦୁଇ ସପ୍ତାହରୁ କମ ସମୟ ମଧ୍ୟରେ ଇନ୍ଧନ ମୂଲ୍ୟରେ ମୋଟ ଟଙ୍କା ୭.୫ର ବଡ଼ ଧରଣର ବୃଦ୍ଧି ଘଟିଛି, ଯାହା ଘରୋଇ ବଜେଟକୁ ସମ୍ପୂର୍ଣ୍ଣ ଭାବେ ବିଗାଡ଼ି ଦେଇଛି।
ବିଶେଷଜ୍ଞଙ୍କ ମତରେ, ପଶ୍ଚିମ ଏସିଆ (ମିଡିଲ ଇଷ୍ଟ)ରେ ଜାରି ରହିଥିବା ଯୁଦ୍ଧ ଏବଂ ଉତ୍ତେଜନା ଯୋଗୁଁ ଆନ୍ତର୍ଜାତୀୟ ବଜାରରେ ଅଶୋଧିତ ତୈଳ (କ୍ରୁଡ ଅଏଲ) ମୂଲ୍ୟ ଆକାଶଛୁଆଁ ହେବାରେ ଲାଗିଛି। ଗ୍ଲୋବାଲ ମାର୍କେଟ୍ରେ ଅଶୋଧିତ ତୈଳର ଏହି ବଦ୍ଧିତ ବୋଝକୁ ଗ୍ରାହକମାନଙ୍କ ଉପରକୁ ସ୍ଥାନାନ୍ତର କରିବାରେ (Price Pass-on) ତୈଳ କମ୍ପାନୀଗୁଡ଼ିକ ପକ୍ଷରୁ କିଛିଟା ବିଳମ୍ୱ ହୋଇଥିଲା, ଯାହାର ଭରଣା ଏବେ କ୍ରମାଗତ ଚାରି ଥର ଦାମ ବଢ଼ାଇ କରାଯାଇଛି।
ପ୍ରମୁଖ ସହରଗୁଡ଼ିକରେ ଆଜିର ପେଟ୍ରୋଲ ଦର (ଲିଟର ପିଛା)
ଭୁବନେଶ୍ୱର:୧୦୮.୮୯
ନୂଆଦିଲ୍ଲୀ:୧୦୨.୧୨
କୋଲକାତା:୧୧୩.47
ଡିଜେଲ ଦର ମଧ୍ୟ ଜାଣି ରଖନ୍ତୁ (ଲିଟର ପିଛା)
ଭୁବନେଶ୍ୱର:୧୦୦.୬୦
ନୂଆଦିଲ୍ଲୀ:୯୫.୨୦
କୋଲକାତା:୯୯.୮୨