ଜୀବନରେ ଖୁସିରେ ରହିବାକୁ ହେଲେ ନିଜକୁ ସକାରାତ୍ମକ ରଖିବା ଜରୁରୀ। ଅନେକ ଥର ଚାହୁଁ ନ ଥିଲେ ବି ନକାରାତ୍ମକ ଚିନ୍ତାଧାରା ଘେରି ବସେ। ମନରେ ନକାରାତ୍ମକ ଚିନ୍ତାଧାର ଆସିଲେ ଖୁସି ଗାଏବ ହୋଇଯାଏ। ଅନେକ ଥର ଏଭଳି ଚିନ୍ତା ପଛରେ ଅନ୍ୟ ଲୋକ ଦାୟୀ ରହିଥାନ୍ତି, ହେଲେ ଅଧିକାଂଶ ସମୟରେ ଜାଣତରେ ହେଉ ଅବା ଅଜଣାତରେ ଆମେ ଏଭଳି ଅଭ୍ୟାସରେ ପଡ଼ିଯାଉ, ଯାହା ଆମକୁ ନକାରାତ୍ମକ ଚିନ୍ତା ଆଡ଼କୁ ନେଇ ଯାଏ। ଆସନ୍ତୁ ଜାଣିବା କେଉଁ ଅଭ୍ୟାସ ଆପଣଙ୍କ ଖୁସି କମ୍ କରୁଛି:-
କୁସଙ୍ଗ ଛାଡ଼ନ୍ତୁ: ଜୀବନରେ ପ୍ରତିଟି ଜିନିଷର ପ୍ରଭାବ ପନିଥାଏ। ସେଥିରୁ ଗୋଟିଏ ହେଲା ଆପଣ କାହାସହ ବସାଉଠା କରୁଛନ୍ତି। ନିଜକୁ ନକାରାତ୍ମକ ଚିନ୍ତାଠାରୁ ଦୂରରେ ରଖିବା ଲାଗି ନିଜେ କୁସଙ୍ଗରୁ ଦୂରେଇ ରୁହନ୍ତୁ। ଅନ୍ୟର ଚୁଗୁଲି ନଚେତ କଥା କଥାରେ ଭୁଲ ଖୋଜୁଥିବା ଲୋକଙ୍କ ସହ ସମୟ ବିତାନ୍ତୁ ନାହିଁ।
କଥା କଥାରେ ଅଭିଯୋଗ କରିବା ବନ୍ଦ କରନ୍ତୁ:- ଯଦି ଆପଣଙ୍କୁ ପ୍ରତି ଛୋଟ-ଛୋଟ ଜିନିଷରେ ଅଭାବ ନଜର ଆସୁଛି,ଆପଣ କଥା କଥାରେ ଅଭିଯୋଗ କରୁଛନ୍ତି ତେବେ ଆପଣ ଖୁସିଠାରୁ ଦୂରେଇ ଯାଇପାରନ୍ତି। ଏଣୁ ଏଭଳି ଅଭ୍ୟାସ ପରିବର୍ତ୍ତନ କରନ୍ତୁ। ଅଭିଯୋଗ କରିବା ବଦଳରେ ସମସ୍ୟାର ସମାଧାନ ଖୋଜନ୍ତୁ। ଫଳରେ ଆପଣ ଚିନ୍ତା ମୁକ୍ତ ହୋଇ ଖୁସି ଅନୁଭବ କରିବେ।
ଅନ୍ୟ ସହ କରନ୍ତୁ ନାହିଁ ନିଜର ତୁଳନା:- ଅନ୍ୟ ସହ ନିଜର ତୁଳନା କରିବା ଠିକ୍ ନୁହେଁ। ସବୁବେଳେ ଆପଣ ଏଭଳି ଅଭ୍ୟାସ ରଖିଥିଲେ ଜୀବନରେ କେବେହେଲେ ଖୁସିରେ ରହିପାରିବେ ନାହିଁ। ଏହା ଅଧିକ ଚିନ୍ତା ବଢ଼ାଇବା ସହ ଆପଣଙ୍କ ମୁହଁରୁ ହସ ଛଡ଼ାଇ ନେଇପାରେ।
ଅତୀତରେ ରହି ନିଜକୁ ବ୍ୟତିବ୍ୟସ୍ତ ନ କରନ୍ତୁ: ଅତୀତର କଥାକୁ ମନେ ପକାଇ ବର୍ତ୍ତମାନକୁ ଖରାପ କରିବା ଠିକ୍ ନୁହେଁ। ଖୁସିରେ ରହିବାକୁ ହେଲେ ନିଜକୁ ବର୍ତ୍ତମାନରେ ଖୁସିରେ ରଖନ୍ତୁ। ଅତୀତ କିମ୍ବା ଭବିଷ୍ୟତର ଚିନ୍ତାକୁ ନେଇ ବର୍ତ୍ତମାନକୁ ଖରାପ ନ କରନ୍ତୁ।
