ପୁଣେ,୮।୩: ମହାରାଷ୍ଟ୍ରର ଥାନେ ଜିଲାରେ ବୁଧବାର ପ୍ରବଳ ପବନ ଯୋଗୁ କେନ୍ଦ୍ର ଗ୍ରାମୀଣ ବିକାଶ ତଥା ପଞ୍ଚାୟତ ରାଜ ମନ୍ତ୍ରୀ ଗିରିରାଜ ସିଂଙ୍କ ଏକ କାର୍ଯ୍ୟକ୍ରମ ପେଣ୍ଡାଲ ଭୁଶୁଡି ପଡିଛି। ଶାହାପୁରରେ ଘଟିଥିବା ଏହି ଦୁର୍ଘଟଣାରେ କିଛି ମହିଳା ସାମାନ୍ୟ ଆହତ ହୋଇଛନ୍ତି। ମହିଳା ଦିବସ କାର୍ଯ୍ୟକ୍ରମରେ ଯୋଗଦେବାକୁ କେନ୍ଦ୍ର ମନ୍ତ୍ରୀ ଆସିଥିବାବେଳେ ପ୍ରବଳ ପବନ ଯୋଗୁ ଏହି ଦୁର୍ଘଟଣା ଘଟିଛି। ଅବଶ୍ୟ ମନ୍ତ୍ରୀ କାର୍ଯ୍ୟକ୍ରମ ସାରି ବାରକୁ ଯାଉଥିବାବେଳେ ଏହା ଘଟିଥିଲା।
ଏହି ଦୁର୍ଘଟଣାରେ ଜଣେ ମହିଳାଙ୍କ ଆଖିରେ ଆଘାତ ଲାଗିଛି। ତାଙ୍କୁ ଥାନେର ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି। ଅନ୍ୟମାନଙ୍କୁ ସ୍ଥାନୀୟ ମେଡିକାଲରେ ଚିକିତ୍ସା କରାଯାଉଥିବା ଅଧିକାରୀ କହିଛନ୍ତି।
