ମୁମ୍ବାଇ,୬।୧୨: ପାକିସ୍ତାନରେ ଚାମ୍ପିୟନ୍ସ ଟ୍ରଫି ଆୟୋଜନ ହେବାର ରାସ୍ତା ଏକ ପ୍ରକାର ପରିସ୍କାର ହୋଇଛି। କିନ୍ତୁ ଏହା ସମୁର୍ଣ୍ଣ ଭାବେ ପାକିସ୍ତାନରେ ଆୟୋଜିତ ହେବନାହିଁ। ଭାରତ ପାକିସ୍ତାନ ଗସ୍ତ ନ କରୁଥିବାରୁ ହାଇବ୍ରିଡ୍ ମଡେଲରେ ଏହା ଅନୁଷ୍ଠିତ ହେବ। ଭାରତ ଏହାର ସମସ୍ତ ମ୍ୟାଚ୍ ଦୁବାଇରେ ଖେଳିବ। ତେବେ ପାକିସ୍ତାନ ଏହି ହାଇବ୍ରିଡ୍ ମଡେଲ ଗ୍ରହଣ କରିଥିଲା ବେଳେ ଭାରତକୁ ମଧ୍ୟ ଅମକୁଏହି ମଡେଲ ଗ୍ରହଣ କରିବାକୁ ପଡିବ।
ପିଟିଆଇ ରିପୋର୍ଟ ଅନୁଯାୟୀ ଜୟ ଶାହାଙ୍କ ନେତୃତ୍ୱାଧୀନ ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ଏବଂ ଏହାର ସଦସ୍ୟ ଦେଶମାନେ ଚାମ୍ପିଅନ୍ସ ଟ୍ରଫି ୨୦୨୫ ଆୟୋଜନ କରିବାର ହାଇବ୍ରିଡ୍ ମଡେଲ୍ ସହିତ ଆଗକୁ ବଢିବାକୁ ସହମତ ହୋଇଛନ୍ତି। ତେବେ ଏଥିରେ ଭାରତ ପାଇଁ ଏକ କେଁ ରହିଯାଇଛି। ୨୦୨୭ ପର୍ଯ୍ୟନ୍ତ ସମସ୍ତ ଆଇସିସି ଇଭେଣ୍ଟରେ ହୋଷ୍ଟିଂର ସମାନ ‘ହାଇବ୍ରିଡ୍ ମଡେଲ୍’ ବ୍ୟବହୃତ ହେବ। ଯେତେବେଳେ କି ୨୦୨୫ ଚାମ୍ପିଅନ୍ସ ଟ୍ରଫି ଆସନ୍ତା ବର୍ଷ ଫେବୃଆରୀ-ମାର୍ଚ୍ଚରେ ଅନୁଷ୍ଠିତ ହେବ।
ତେବେ ୨୦୨୫ ରୁ ୨୦୨୭ ଅବଧି ମଧ୍ୟରେ ଭାରତ ଏବଂ ଶ୍ରୀଲଙ୍କା ମିଶି ମହିଳା ଦିନିକିଆ ବିଶ୍ୱକପ୍ ଏବଂ ପୁରୁଷ ଟି-୨୦ ବିଶ୍ୱକପ ଆୟୋଜନ କରିବେ। ହୋଷ୍ଟିଂ ବ୍ୟବସ୍ଥାକୁ ଦୃଷ୍ଟିରେ ରଖି ହାଇବ୍ରିଡ୍ ମଡେଲ୍ ନଥିଲେ ୨୦୨୬ ମସିହାରେ ପାକିସ୍ତାନ ଭାରତ ଯାତ୍ରା କରିବାକୁ ବାଧ୍ୟ ହୋଇଥାନ୍ତା। ଯଦି ଉପରୋକ୍ତ ରିପୋର୍ଟଟି ସତ, ତେବେ ଭାରତ ପାକିସ୍ତାନ ବିପକ୍ଷରେ ମ୍ୟାଚ୍ ପଡୋଶୀ ଶ୍ରୀଲଙ୍କାରେ ଖେଳିପାରେ।
ଅର୍ଥାତ ସ୍ଥିତି ଏପାରିହେବ ଯେ, ଭାରତ ଟୁର୍ନାମେଣ୍ଟ ଆୟୋଜନ ପରେ ମଧ୍ୟ ଘରୋଇ ମ୍ୟାଚ୍ ଖେଳିବା ପାଇଁ ଅନ୍ୟ ଦେଶକୁ ଯାତ୍ରା କରିବାକୁ ପଡିବ। ୨୦୨୬ ପୁରୁଷ ଟି -୨୦ ବିଶ୍ୱକପ ସମୟରେ ପାକିସ୍ତାନ ଶ୍ରୀଲଙ୍କାରେ ଏହାର ମ୍ୟାଚ୍ ଖେଳିବ। ତେବେ ଚାମ୍ପିଅନ୍ସ ଟ୍ରଫି ହାଇବ୍ରିଡ ମଡେଲ ଗ୍ରହଣ କରିବା ପାଇଁ ପିସିବି ଦ୍ୱାରା ମଗାଯାଇଥିବା କ୍ଷତିପୂରଣ ଏବେବି ବିଚାରକୁ ନିଆଯାଉଛି ବୋଲି ସୂତ୍ରରୁ ପ୍ରକାଶ।
ଏହି ବ୍ୟବସ୍ଥାରେ ରାଜି ହେବା ଅର୍ଥ ହେଉଛି ଯେ ଭାରତୀୟ ମହିଳା ଦଳ ପାକିସ୍ତାନ ବିପକ୍ଷରେ ଲିଗ୍ ମ୍ୟାଚ୍ ଖେଳିବା ପାଇଁ ଏକ ନିରପେକ୍ଷ ସ୍ଥାନକୁ ଯାତ୍ରା କରିବାକୁ ପଡିବ, ଯଦି କାର୍ୟ୍ୟସୂଚୀ ଅନୁଯାୟୀ ଏହା ଆବଶ୍ୟକ ହେବ ଯାହା ଏପର୍ୟ୍ୟନ୍ତ ବାହାରକୁ ଆସିବ ନାହିଁ।
୨୦୦୮ ମୁମ୍ବାଇ ଆତଙ୍କବାଦୀ ଆକ୍ରମଣରେ ଭାରତ ପାକିସ୍ତାନ ଗସ୍ତ କରି ନାହିଁ, ଯେଉଁଥିରେ ୧୫୦ ରୁ ଅଧିକ ଲୋକ ପ୍ରାଣ ହରାଇଛନ୍ତି। ଦୁଇ ଦେଶ ମଧ୍ୟରେ ଶେଷ ଦ୍ୱିପାକ୍ଷିକ ସିରିଜ ୨୦୧୨ ରେ ଖେଳା ରେଯାଇଥିଲା।
