ହିନ୍ଦୀ ସିନେମା ପାଇଁ ଚଳିତ ବର୍ଷ ଆରମ୍ଭ ଧମାକାଦାର ରହିଛି। ସୁପରଷ୍ଟାର ଶାହରୁଖ ଖାନଙ୍କ ଫିଲ୍ମ ‘ପଠାନ’ ବକ୍ସ ଅଫିସରେ ଜବରଦସ୍ତ ରୋଜଗାର କରି ବଲିଉଡକୁ ଏକ ବଡ ଲାଇଫଲାଇନ ଦେଇଛି। ଦୀର୍ଘ ଦିନ ପରେ ପ୍ରଶଂସକମାନେ କିଙ୍ଗ ଖାନଙ୍କ ପ୍ରତ୍ୟାବର୍ତ୍ତନକୁ ପସନ୍ଦ କରିଛନ୍ତି। ରିଲିଜ୍ର ପ୍ରଥମ ସପ୍ତାହରେ ‘ପଠାନ’ ଅନେକ ରେକର୍ଡ ଭାଙ୍ଗିଛି।
ଜାନୁଆରୀ ୨୫ରେ, ପ୍ରେକ୍ଷାଳୟରେ ମୁକ୍ତିଲାଭ କରିବା ‘ପଠାନ’ର ବକ୍ସ ଅଫିସ ସଂଗ୍ରହ ଦ୍ରୁତ ଗତିରେ ବୃଦ୍ଧି ପାଇଛି। ଶାହରୁଖ ଖାନଙ୍କ ଫିଲ୍ମର ମୋଟ ବକ୍ସ ଅଫିସରେ ସଂଗ୍ରହ ମାତ୍ର ସପ୍ତାହ ମଧ୍ୟରେ ୬୦୦ କୋଟି ଅତିକ୍ରମ କରିଛି। ଆଜି ପର୍ଯ୍ୟନ୍ତ କୌଣସି ହିନ୍ଦୀ ଫିଲ୍ମ ରିଲିଜ ହେବାର ପ୍ରଥମ ସପ୍ତାହ ମଧ୍ୟରେ ଏତେ ବଡ଼ ସଂଗ୍ରହ ସଂଗ୍ରହ କରିପାରି ନାହିଁ।
ଅନ୍ତର୍ଜାତୀୟ ସ୍ତରରେ ମଧ୍ୟ ଏହି ଫିଲ୍ମ ଭଲ ପ୍ରଦର୍ଶନ କରିଛି। ଇଣ୍ଡଷ୍ଟ୍ରି ଟ୍ରାକର ସାକନିଲକଙ୍କ ଅନୁଯାୟୀ, ସାଉଥ ଆରବ (କେଏସଏ) ରେ ‘ପଠାନ’ ୧ ମିଲିୟନ ଡଲାର ଏବଂ ଉତ୍ତର ଆମେରିକାରେ ୧୦ ମିଲିୟନ ଡଲାର ଅତିକ୍ରମ କରିଛି। ବକ୍ସ ଅଫିସ ୱାଲର୍ଡଓ୍ବାଇଡ୍ ରିପୋର୍ଟ ଅନୁଯାୟୀ, ବିଦେଶରେ ‘ପଠାନ୍ ୨୮.୭୫ ମିଲିୟନ୍ ଡଲାର ରହିଛି। ଏହାର ବିଶ୍ୱବ୍ୟାପୀ ରୋଜଗାର ୬୩୪ କୋଟି ଟଙ୍କାରେ ପହଞ୍ଚିଛି।
ଅଭିନେତା ଶାହରୁଖ ଖାନ, ଜନ ଆବ୍ରାହମ ଓ ଅଭିନେତ୍ରୀ ଦୀପିକା ପାଦୁକୋନଙ୍କ ଫିଲ୍ମ ‘ପଠାନ’ ଜାନୁଆରୀ ୨୫ ରିଲିଜ ହୋଇଥିଲା। ଏହାପୂର୍ବରୁ ଫିଲ୍ମର ଗୀତ ‘ବେସରମ ରଙ୍ଗ ଏବଂ ଝୁମେ ଜୋ ପଠାନ’ ରିଲିଜ ହୋଇଥିଲା, ଯାହାକୁ ଦର୍ଶକ ବହୁତ ପ୍ରଶଂସା କରିଥିଲେ।