କୋକସରା,୨୨ା୪(ଡି.ଏନ୍.ଏ.): ଜାତୀୟ ରାଜପଥ ୨୬ କଳାହାଣ୍ଡି ଜିଲା ଆମପାଣି ଘାଟିରେ ଦୁର୍ଘଟଣା ଘଟିଛି। କୋକସରା ବ୍ଲକ ଆମପାଣି ଘାଟିର ବୁଲାଣିରେ ଶନିବାର ଯାତ୍ରୀବାହୀ ଘରୋଇ ବସ୍ ଓ କାର୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଦୁର୍ଘଟଣାରେ ବସ୍ ଓ କାରରେ ଥିବା ସମସ୍ତ ଯାତ୍ରୀ ଅଳ୍ପକେ ରକ୍ଷା ପାଇଛନ୍ତି। କାରର ଆଗପଟ ଚୂର୍ମାର ହୋଇଛି। ତେବେ ଦୁର୍ଘଟଣା ପରେ ବସ୍ଟି ଯାତ୍ରୀଙ୍କୁ ନେଇ ଗନ୍ତବ୍ୟ ସ୍ଥଳକୁ ଯାଇଛି। ଖବର ପାଇ ଘଟଣାସ୍ଥଳରେ ଆମପାଣି ପୋଲିସ ପହଞ୍ଚିଥିଲା।
ସୂଚନା ମୁତାବକ, ଶନିବାର ସକାଳେ କଳାହାଣ୍ଡି ଜିଲା ଆମପାଣି ଘାଟିର ବୁଲାଣିରେ ଏକ ଯାତ୍ରୀବାହୀ ଘରୋଇ ବସ୍( ଓଆର୍ ୧୦ ଇ୭୭୭୪) ଓ କାର୍ ଓ ୦୨ ଏପି ୩୭୫୨ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ମୁଖୀଗୁଡ଼ାରୁ ଜୟପୁର ଯାଉଥିବା ଘରୋଇ ବସ୍ ଏସ୍ବିଏମ୍ଏସ୍ ଓ ନବରଙ୍ଗପୁର ପଟୁ କଳାହାଣ୍ଡି ଆସୁଥିବା ଏକ କାର୍ ମଧ୍ୟରେ ମୁହାଁମୁହିଁ ଦୁର୍ଘଟଣା ଘଟିଥିବା ଜଣାପଡ଼ିଛି। ଦୁର୍ଘଟଣା କାର୍ଟି କେସିଙ୍ଗା ଅଞ୍ଚଳର ବୋଲି ଜଣାପଡ଼ିଛି। ଆମପାଣି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
