ନୂଆଦିଲ୍ଲୀ, ୧୮।୮ : ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନ ଅଗଷ୍ଟ ଅତିକ୍ରମ କରନ୍ତୁ। ଏଭଳି କହି ଭାରତୀୟ ଜନତା ପାର୍ଟି ପୁଣି ଥରେ ଚ୍ୟାଲେଞ୍ଜ କରିଛି। ଶେଲ କମ୍ପାନୀ ମାମଲାରେ ସୁପ୍ରିମକୋର୍ଟ ଏହି ରାୟ ସଂରକ୍ଷଣ କରି ହାଇକୋର୍ଟରେ ଶୁଣାଣି ଜାରି ରଖିଥିବାବେଳେ ଝାଡଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) ଏହାକୁ ନିଜ ପାଇଁ ଏକ ଆଶ୍ୱସ୍ତି ଭାବରେ ବିବେଚନା କରୁଥିବା ବେଳେ ଗୌଡ୍ଡାର ଭାଜପା ଏମ୍ପି ନିଶିକାନ୍ତ ଦୁବେ ଟୁଇଟରରେ ଏହାର ଜବାବ ଦେଇ ଏଭଳି ଚ୍ୟାଲେଞ୍ଜ କରିଛନ୍ତି।
ଟୁଇଟରରେ ସୁପ୍ରିମକୋର୍ଟଙ୍କ ଆଭିମୁଖ୍ୟ ବିଷୟରେ ଉଲ୍ଲେଖ କରି ଝାଡଖଣ୍ଡ ମୁକ୍ତି ମୋର୍ଚ୍ଚା ନେତା ଲେଖିଛନ୍ତି ଯେ ମାନ୍ୟବର ସୁପ୍ରିମକୋର୍ଟ ଯାହା କହୁଛନ୍ତି ତାହା ଆମ ମୁଙ୍ଗେରିଲାଲ ନିଶିକାନ୍ତ ଦୁବେ ଶୁଣିନାହାଁନ୍ତି। ଖିଆଲି ପଲାଉ ଦୁନିଆରୁ ବାହାରକୁ ଆସନ୍ତୁ ଏବଂ ମାନ୍ୟବର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ବିଷୟରେ କ’ଣ କୁହାଯାଇଛି ଜାଣନ୍ତୁ ଏବଂ ବାବୁଲାଲ ମାରାଣ୍ଡିଙ୍କ ସହିତ ସିଧା ହରିଦ୍ୱାରକୁ ଯାଆନ୍ତୁ। ବୋଧହୁଏ କିଛି ପାପ ଧୋଇ ହୋଇଯିବ। ଦୁବେ ଜବାବରେ ଲେଖିଛନ୍ତି, ସୁନା କାରିଗର ବଣିଆଙ୍କର ଶହେ ଥର ମାଡ଼ ସହ ଲୁହା କାରିଗର କମାରଙ୍କର ଥରେ ମାଡ଼ ସହ ସମାନ। ମୁଖ୍ୟମନ୍ତ୍ରୀ ଅଗଷ୍ଟ ଅତିକ୍ରମ କରନ୍ତୁ ବୋଲି ସେ କହିଛନ୍ତି।
ଦୁମକାରେ ପହଞ୍ଚିଥିବା ଦୁବେ କହିଛନ୍ତି ଯେ ଅଗଷ୍ଟ ୩୧ ମଧ୍ୟାର ଅନେକ ଅଶାନ୍ତି ହୋଇପାରେ। ସେ କହିଛନ୍ତି ଯେ ଚଳିତ ମାସରେ ରାଜ୍ୟରେ ଅନେକ ପରିବର୍ତ୍ତନ ହୋଇପାରେ। ସେ ମଧ୍ୟ ପୂର୍ବାନୁମାନ କରିଥିଲେ ଯେ ଦୁମକା ଏବଂ ବରହେଟ ଆସନରେ ଉପ-ନିର୍ବାଚନ ସ୍ଥିତି ଆସିପାରେ। ଦୁବେ କହିଛନ୍ତି ଯେ ଚାରି ଦଶନ୍ଧି ଧରି ଦୁମକା କେବଳ ଗୋଟିଏ ପରିବାର ଦ୍ୱାରା ଅଧିକୃତ ହୋଇଆସୁଛି ଏବଂ ବର୍ତ୍ତମାନ ଏହା ଶେଷ ହୋଇପାରେ। ସେ କହିଛନ୍ତି ଯେ ନିର୍ବାଚନ ଆୟୋଗଙ୍କ ଠାରୁ ଆରମ୍ଭ କରି ହାଇକୋର୍ଟ ପର୍ଯ୍ୟନ୍ତ ଲୋକପାଲ ତଥା ବେଆଇନ ଖଣି, ଦୁର୍ନୀତି, ଆଦେଶ ସମେତ ଅନ୍ୟାନ୍ୟ ମାମଲାର ରାୟ ଆସିବ।
ମୁଖ୍ୟମନ୍ତ୍ରୀଙ୍କ ବନ୍ଧୁବାନ୍ଧବ ଶେଲ କମ୍ପାନୀ ଚଳାଉଥିବା ତଥା ଖଣି ଲିଜ ଆବଣ୍ଟନ ମାମଲାର ଶୁଣାଣି ଶେଷ ହେବା ପରେ ସୁପ୍ରିମକୋର୍ଟ ବୁଧବାର ଏହି ରାୟ ସଂରକ୍ଷିତ ରଖିଛନ୍ତି। ଏହି ମାମଲାରେ ଝାଡଖଣ୍ଡ ହାଇକୋର୍ଟଙ୍କ ନିଷ୍ପତ୍ତି ବିରୋଧରେ ରାଜ୍ୟ ସରକାର ଏବଂ ମୁଖ୍ୟମନ୍ତ୍ରୀ ସୁପ୍ରିମକୋର୍ଟରେ ଏସଏଲପି ଦାଖଲ କରିଥିଲେ। ଜଷ୍ଟିସ ୟୁୟୁ ଲଲିତ, ଜଷ୍ଟିସ ଏସ ରବିନ୍ଦ୍ର ଭଟ୍ଟ ଏବଂ ଜଷ୍ଟିସ ସୁଦର୍ଶନ ଧୁଲିଆଙ୍କ କୋର୍ଟରେ ଏହା ଶୁଣାଣି ହୋଇଥିଲା। ଝାଡ଼ଖଣ୍ଡ ହାଇକୋର୍ଟରେ ଉଭୟ ପିଟିଣନର ଶୁଣାଣି ମଧ୍ୟ କୋର୍ଟ ସ୍ଥଗିତ ରଖିଛନ୍ତି।