ଭବାନୀପାଟଣା,୩ା୫ (ଉତ୍ତମ କୁମାର ଦାଶ): ମାଧ୍ୟମିକ ଶିକ୍ଷା ବୋର୍ଡ ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା ଫଳ ଶୁକ୍ରବାର ଅପରାହ୍ନରେ ପ୍ରକାଶ ପାଇଛି। ଚଳିତ ବର୍ଷ କଳାହାଣ୍ଡି ଜିଲାରେ ପାସ୍ ହାର ୯୫.୨୨% ରହିଛି। ଜୟପାଟଣା ବ୍ଲକ ମୁଖିଗୁଡ଼ା ସରସ୍ବତୀ ଶିଶୁ ବିଦ୍ୟା ମନ୍ଦିରର ଛାତ୍ରୀ ଶ୍ରୀୟାଂଶୀ ସାହୁ ସର୍ବାଧିକ ନମ୍ବର ରଖି ଜିଲା ଟପ୍ପର ହୋଇଛନ୍ତି। ସେ ମୋଟ ୫୮୨ନମ୍ବର (୯୭%) ରଖି ପ୍ରଥମ ସ୍ଥାନ ଅଧିକାର କରିଛନ୍ତି। ସେହିପରି ଜିଲାରେ ଚଳିତବର୍ଷ ଏ-୧ ଗ୍ରେଡରେ ୧୯ଜଣ ଛାତ୍ରୀଛାତ୍ର କୃତକାର୍ଯ୍ୟ ହୋଇଛନ୍ତି। ଶ୍ରୀୟାଂଶିଙ୍କ ସମେତ ମୁଖିଗୁଡ଼ା ସରସ୍ବତୀ ଶିଶୁ ବିଦ୍ୟା ମନ୍ଦିରର ଛାତ୍ର ଅନ୍ବେଷ କୁମାର ଠାକୁର ୫୬୬ (୯୪.୩୩%), ଭବାନୀ ଶଙ୍କର ନାଗ ୫୬୦ (୯୩.୩୩%), ରାହୁଲ ବଣିଆ ୫୫୪ (୯୨.୩୩%), ଛାତ୍ରୀ ତନିଶା ରାଣୀ ରଥ ୫୫୩ (୯୨.୧୬%), ପ୍ରଗତିକା ପଟ୍ଟନାୟକ ୫୪୮ (୯୧.୩୩%), ଛାତ୍ର ଶୁଭାଶିଷ ଗୋପାଳ ୫୪୩ (୯୦.୫୦%), ଛାତ୍ରୀ ଅଙ୍କିତା ବେହେରା ୫୪୪ (୯୦.୬୬%), ଜୁନାଗଡ଼ ସରସ୍ବତୀ ଶିଶୁ ବିଦ୍ୟା ମନ୍ଦିରର ଛାତ୍ର ଅଂଶୁମାନ କଟା ୫୪୩ (୯୦.୫୦%), ଛାତ୍ରୀ ସ୍ମୃତି ପ୍ରଜ୍ଞା ସାହୁ ୫୪୩ (୯୦.୫୦%), ରାଜପୁର ସରକାରୀ ଅପଗ୍ରେଡ ହାଇସ୍କୁଲର ଛାତ୍ରୀ ପ୍ରଣତୀ ମିଶ୍ରା ୫୫୩ (୯୧.୧୬%), ଛାତ୍ର ଜିଜ୍ଞାସୁ ଶବର ୫୪୫ (୯୦.୮୩%), ଚିଚୈଗୁଡା ନୋଡାଲ ହାଇସ୍କୁଲର ଛାତ୍ର ରିତିକ କୁମାର ମେହେର ୫୪୧ (୯୦.୧୬%), ମେଦିନିପୁର ପଞ୍ଚାୟତ ହାଇସ୍କୁଲର ଛାତ୍ର ଭୁପେଶ ନାଏକ ୫୫୪ (୯୨.୩୩%), ଭବାନୀପାଟଣା ପୋଲିସ ହାଇସ୍କୁଲ ଛାତ୍ରୀ ଝିଲି ସାହୁ ୫୬୦ (୯୩.୩୩%), ଦେପୁର ଏସ୍ଏସ୍ଡିଏଚ୍ଏସ୍ ଛାତ୍ର ଆୟୁଷ କୁମାର ସା ୫୪୬ (୯୧%), ଛାତ୍ରୀ ପ୍ରିୟଙ୍କା ସାହୁ ୫୫୦ (୯୧.୬୬%) ଓ କେସିଙ୍ଗା ବ୍ଲକ କଶ୍ରୁପଡା ଜନତା ହାଇସ୍କୁଲର ଛାତ୍ର ଦୁଷ୍ମନ୍ତ ରଣା ୫୪୪ ନମ୍ବର (୯୦.୬୬%) ରଖି କୃତକାର୍ଯ୍ୟ ହୋଇଛନ୍ତି।
ନୂଆପଡ଼ା,୩ା୫(ମକାରୁ ବେମାଲ): ମାଧ୍ୟମିକ ଶିକ୍ଷା ବୋର୍ଡ ଦ୍ୱାରା ପରିଚାଳିତ ଦଶମ ଶ୍ରେଣୀ ପରୀକ୍ଷା ଫଳ ଶୁକ୍ରବାର ଅପରାହ୍ନରେ ପ୍ରକାଶିତ ହୋଇଛି। ରାଜ୍ୟରେ ପାସ୍ହାର ୯୩% ଥିବାବେଳେ ନୂଆପଡ଼ା ଜିଲାରେ ୯୭.୦୫% ରହିଛି। ଚଳିତଥର ଛାତ୍ରଙ୍କୁ ପଛରେ ପକାଇଛନ୍ତି ଛାତ୍ରୀ। କୋମନା ବ୍ଲକ ମୁଣ୍ଡାପାଲା ଉଚ୍ଚ ବିଦ୍ୟାଳୟ ଛାତ୍ରୀ ଶ୍ରେଷ୍ଠା ପଣ୍ଡା ୬ ଶହରୁ ୫୫୯ ମାର୍କ ରଖି ଜିଲା ଟପ୍ପର ହୋଇଛନ୍ତି। ସିନାପାଲି ବ୍ଲକ ପିଏମ୍ଶ୍ରୀ ଉଚ୍ଚ ବିଦ୍ୟାଳୟ ଛାତ୍ରୀ ଝରଣା ମେହେର ୫୪୪ ମାର୍କ ରଖି ଜିଲାରେ ଦ୍ୱିତୀୟ ସ୍ଥାନରେ ରହିଛନ୍ତି। ସୂଚନା ଅନୁଯାୟୀ ଚଳିତ ଶିକ୍ଷାବର୍ଷରେ ଜିଲାର ୧୫୫ ବିଦ୍ୟାଳୟରେ ମୋଟ ୬୫୨୩ ଛାତ୍ରୀଛାତ୍ର ପରୀକ୍ଷା ଦେବା ପାଇଁ ନାମ ପଞ୍ଜୀକୃତ କରିଥିଲେ। ସେଥିରୁ ୧୫୬ ଜଣ ପରୀକ୍ଷାରେ ଅନୁପସ୍ଥିତ ରହିଥିଲେ। ପରୀକ୍ଷା ଦେଇଥିବା ୬୩୬୭ ଜଣଙ୍କ ମଧ୍ୟରୁ ୩୦୩୪ ଜଣ ବାଳକ ଓ ୩୧୪୫ ଜଣ ବାଳିକା କୃତକାର୍ଯ୍ୟ ହୋଇଛନ୍ତି। ଏ-୧ରେ ୨ ଛାତ୍ରୀ ରହିଥିବା ବେଳେ ଏ-୨ରେ ୯୯ ଜଣ, ବି-୧ରେ ୮୮୬, ବି-୨ରେ ୧୮୦୩, ସି ଗ୍ରେଡରେ ୧୯୮୮, ଡି ଗ୍ରେଡରେ ୧୧୦୪, ଇ ଗ୍ରେଡ ୨୯୨ ଓ ଏଫ ଗ୍ରେଡରେ ୧୮୬ ଛାତ୍ରୀଛାତ୍ର ପାସ କରିଛନ୍ତି।
