ଗଞ୍ଜାମ,୨୧ା୮(ବିଦ୍ୟାଧର ସାହୁ): ଆସୁଛି ପଞ୍ଚାୟତ ଓ ପୌର ନିର୍ବାଚନ। ଏଥିପାଇଁ ଚଳଚଞ୍ଚଳ ଶଙ୍ଖଭବନ। ଦଳୀୟ ସଂଗଠନ କିଭଳି ସୁଦୃଢ଼ ହେବ ସେଥିପାଇଁ ଚାଲିଛି ମାନସ ମନ୍ଥନ। ରାଜ୍ୟ ଶଙ୍ଖଭବନରୁ ଡାକରା ଆସିବା ପରେ ଶୁକ୍ରବାର ଶଙ୍ଖ ଭବନରେ ପହଞ୍ଚିଛନ୍ତି ଗଞ୍ଜାମ ବିଜେଡି ଆଗ ଧାଡ଼ିର ନେତା। ଭାଜପା ସରକାରଙ୍କ ଅପାରଗତା ନେଇ ଲୋକଙ୍କ ପାଖରେ ପହଞ୍ଚାଇ ଗରିବ ଜନସାଧାରଣଙ୍କ ନିକଟତର ହେବାକୁ ଦଳୀୟ ସୁପ୍ରିମୋ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପରାମର୍ଶ ଦେଇଥିବା ଗଞ୍ଜାମ ଏନ୍ଏସି ଯୁବ ବିଜେଡି ସଭାପତି ସୁଧୀର କୁମାର ପାଢ଼ୀ ଗଣମାଧ୍ୟମକୁ ସୂଚନା ଦେଇଛନ୍ତି। ଏଥିସହ ନିର୍ବାଚନବେଳେ ଭାଜପା ଦେଇଥିବା ପ୍ରତିଶ୍ରୁତି ପ୍ରତିଶ୍ରୁତିରେ ହିଁ ରହିଯାଇଛି। ପଞ୍ଚାୟତ ପୌର ନିର୍ବାଚନରେ ଭୋଟର ଉଚିତ ଜବାବ ଦେବେ ବୋଲି ପାଢ଼ୀ କହିଛନ୍ତି।
ଜିଲା ପରିଷଦ ସଭ୍ୟ ସନାତନ ବେହେରା, ପୂର୍ବତନ ଜିଲା ପରିଷଦ ସଭ୍ୟ ତଥା ବର୍ତ୍ତମାନ ସମିତି ସଭ୍ୟାଙ୍କ ସ୍ବାମୀ ଗଗନ ସ୍ବାଇଁ, ଛତ୍ରପୁର ବ୍ଲକ ସଭାପତି ଚକରା ରେଡ୍ଡୀ, ଏନ୍ଏସି ସଭାପତି ରାଜି ବାବୁ, ଗଞ୍ଜାମ ବ୍ଲକ ସଭାପତି ରଞ୍ଜନ ପଲାଇ, ଶ୍ରମିକ ସଂଗଠନ ନେତା ଶଙ୍କର ଦାସ, ମୁନା ଦାସ, ବରିଷ୍ଠ ନେତା ବାନାମ୍ବର ପଲାଇ, ପୂର୍ବତନ ଉପନଗରପାଳ ନୀଳାଞ୍ଚଳ ବାରିକ୍, ବରିଷ୍ଠ ବିଜେଡି ନେତା ସୁଦାମ ଚରଣ ଜେନା, ରାଜେଶ ମହାରଣା, ଗଞ୍ଜାମ ଏନ୍ଏସି ବିଜୁ ଜନତା ଦଳ ସଭାପତି ସୁଧୀର କୁମାର ପାଢ଼ୀ, ବିମଳ ପଣ୍ଡା, କାହ୍ନୁ ବେହେରା, ମୁନା ଦାସ, ସୁରେଶ ଦାସ, ବୁଚିବାବୁ, ଅଭି ପ୍ରଧାନ, ଯୁବ ନେତା ବିଭୂତି ପଲାଇ, ଛାତ୍ରନେତା ବାଦଲ ପ୍ରଧାନ, ଶ୍ରୀକାନ୍ତ ବିଶ୍ୱାଳ ପ୍ରମୁଖ ଦଳୀୟ ନେତୃବୃନ୍ଦଙ୍କ ସହ ଆଲୋଚନାବେଳେ ଉପସ୍ଥିତ ଥିଲେ।