ଭୁବନେଶ୍ୱର,୯।୭ (ଅଭୟ ଦାଶ): ଅଲ୍ ଇଣ୍ଡିଆ କାଉନସିଲ ଫର୍ ଟେକ୍ନିକାଲ ଏଜୁକେଶନ ବା ଏଆଇସିଟିଇ ଏବଂ ଓପୋ ଇଣ୍ଡିଆ ମଧ୍ୟରେ ଏକ ଦ୍ୱିପାକ୍ଷିକ ସହଭାଗିତା ନିକଟରେ ହୋଇଯାଇଛି। ଏପରିକି ଉଭୟ ସଂସ୍ଥାର ମିଳିତ ସହଯୋଗରେ ଏକ ନୂଆ ଅଭିଯାନ ‘ଜେନେରେଶନ ଗ୍ରୀନ୍ କ୍ୟାମ୍ପେନିଂ’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ୧ଏମ୍୧ବି (ୱାନ୍ ମିଲିୟନ ଫର୍ ୱାନ୍ ବିଲିୟନ) ଦ୍ୱାରା ପରିଚାଳିତ ଏହି ୧୦୦ ଦିନିଆ ପ୍ରୋଗ୍ରାମ ଭାରତୀୟ କଲେଜର ୫୦୦୦ ଛାତ୍ରୀଛାତ୍ରଙ୍କୁ ଇଣ୍ଟର୍ନଶିପ୍ ସୁଯୋଗ ଯୋଗାଇଦେବା ସହିତ ଯୁବପିଢ଼ିଙ୍କ ମଧ୍ୟରେ ସବୁଜ ଦକ୍ଷତାକୁ ପ୍ରୋତ୍ସାହିତ କରୁଛି। ଉଲ୍ଲେଖଯୋଗ୍ୟ, ଓପୋ ଇଣ୍ଡିଆ ହେଉଛି ଏଆଇସିଟିଇ ମାଧ୍ୟମରେ ଇଣ୍ଟର୍ନଶିପ ପ୍ରଦାନ କରୁଥିବା ପ୍ରଥମ ଇଲେକ୍ଟ୍ରୋନିକ୍ସ ମାନୁଫାକ୍ଚରିଂ କମ୍ପାନୀ ହୋଇଥିଲାବେଳେ ଏହି କ୍ୟାମ୍ପେନ ହେଉଛି, ଏଆଇସିଟିଇ, ଭାରତ ସରକାରଙ୍କ ଶିକ୍ଷା ମନ୍ତ୍ରଣାଳୟର ୧କୋଟି ଟଙ୍କା ମୂଲ୍ୟ ଇଣ୍ଟର୍ନଶିପ୍ ମିଶନର ଏକ ଅଂଶ। ଏପରିକି ଏହା ୟୁଏନ୍ ସଷ୍ଟେନେବୁଲ ଡେଭ୍ଲପ୍ମେଣ୍ଟ ଗୋଲ୍ସ ହାସଲ କରିବା ଦିଗରେ ଯୋଗଦାନ ଦେବ। ଏ ସମ୍ପର୍କରେ ଏଆଇସିଟିଇର ଅଧ୍ୟକ୍ଷ ଡ. ଟିଜି ସୀତାରାମ କହିଛନ୍ତି,ଗ୍ରୀନ୍ ଇଣ୍ଟର୍ନଶିପ୍ ପ୍ରୋଗ୍ରାମ ପାଇଁ ଓପୋ ଇଣ୍ଡିଆ ସହ ସହଭାଗିତା କରି ଆମେ ବେଶ୍ ଉତ୍ସାହିତ (ଏଆଇସିଟିଇ ଗର୍ବ ଅନୁଭବ କରୁଛି) ଅଛୁ। ସେହିଭଳି ଓପୋ ଇଣ୍ଡିଆର ପବ୍ଲିକ ଆଫାୟାର୍ସ ବିଭାଗର ମୁଖ୍ୟ ରାକେଶ ଭରଦ୍ୱାଜ କହିଛନ୍ତି, ଆମେ ଏହି ପରିବର୍ତ୍ତନଶୀଳ ଅଭିଯାନରେ ଏଆଇସିଟିଇ ସହ ସହଭାଗିତା କରି ବେଶ୍ ଉତ୍ସାହିତ (ଖୁସି ଅନୁଭବ କରୁଛୁ) ଅଛୁ ଏବଂ ଆମର ସାମୂହିକ ପ୍ରୟାସଗୁଡିକ ଏହି ଦିଗରେ ପ୍ରଭାବକୁ ବୃଦ୍ଧି କରିବା ଜାରି ରଖିବ। ସେହିପରି ଏଆଇସିଟିଇର ଚିଫ୍ କୋର୍ଡିନେଟିଂ ଅଫିସର ଡ. ବୁଦ୍ଧ ଚନ୍ଦ୍ରଶେଖର କହିଛନ୍ତି, ଏଆଇସିଟିଇ ଇଣ୍ଟର୍ନଶିପ ପୋର୍ଟାଲ ୫୦ ଲକ୍ଷରୁ ଅଧିକ ଇଣ୍ଟର୍ନଶିପ୍ର ଆୟୋଜନ କରିଛି ଏବଂ ୨୦୨୫ ସୁଦ୍ଧା ୧କୋଟିରେ ପହଞ୍ଚିବାକୁ ଲକ୍ଷ୍ୟ ରଖିଛି। ଆମେ ୫୦୦୦ ସଷ୍ଟେନେବିଲିଟି ଇଣ୍ଟର୍ନଶିପ ପ୍ରଦାନ କରିବା ପାଇଁ ଓପୋ ଇଣ୍ଡିଆ ସହ ସହଭାଗିତା କରି ଆନନ୍ଦିତ। ଏଭଳି ଇଣ୍ଟର୍ନଶିପରେ ଅଂଶଗ୍ରହଣ କରୁଥିବା ଛାତ୍ରୀଛାତ୍ରମାନେ ୨ରୁ ୩ଟି ଏକାଡେମିକ କ୍ରେଡିଟ ମଧ୍ୟ ଜିତିପାରନ୍ତି। ଏହି ସୁଯୋଗ ଏବେ ଏଆଇସିଟିଇ ଇଣ୍ଟର୍ନଶିପ୍ ପୋର୍ଟାଲରେ ଉପଲବ୍ଧ ହେଉଛି ଏବଂ ଛାତ୍ରୀଛାତ୍ରମାନେ ଏହି ଲିଙ୍କ୍ www.iamgenerationgreen.com ମାଧ୍ୟମରେ ଆବେଦନ କରିପାରିବେ।
