କୋକସରା,୩।୫(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ବ୍ଲକ ଲଡୁଗାଁଠାରେ ମଙ୍ଗଳବାର ପର୍ଶୁରାମ ଜୟନ୍ତି ପାଳିତ ହୋଇଯାଇଛି। ବ୍ରାହ୍ମଣ ସମାଜ ପକ୍ଷରୁ ଲଡୁଗାଁ ଶିଶୁମନ୍ଦିର ଛକରୁ ହନୁମାନ ତିନିଛକ ପର୍ଯ୍ୟନ୍ତ ଏକ ବିରାଟ ଶୋଭାଯାତ୍ରାରେ ପର୍ଶୁରାମ ଜୟନ୍ତୀ ପାଳନ କମିଟିର କର୍ମକର୍ତ୍ତା ବାହାରି ସହର ପରିକ୍ରମା କରିଥିଲେ। ମୁଖ୍ୟ ପୁରୋଧା ଭାବେ ସମାଜସେବୀ ବଜେନ୍ଦ୍ର ପାଟ୍ଟଯୋଷୀ, ସୁବାସ ଭାଇ,ଶ୍ରୀମନ୍ତ ପାଢୀ, ରମେଶ ଶର୍ମା, ସୁଶିଲ କୁମାର ପାଢୀ, ଭାରତ ଭୂଷଣ ଠାକୁର, ପ୍ରଣବ ବେହେରା, ଗୋପାଳ ଶର୍ମା, ଗଣେଶ ନନ୍ଦ, ଦୀପକ ଶର୍ମାଙ୍କ ନେତୃତ୍ୱରେ ଶତାଧିକ ପର୍ଶୁରାମ ସେନା ପକ୍ଷରୁ ନଗର ପରିକ୍ରମା ସହ ପ୍ରଭୁ ଶ୍ରୀ ପର୍ଶୁରାମଙ୍କ ଧ୍ୱନିରେ ସହର ଗୁଞ୍ଜରିତ ହୋଇଥିଲା। ଲଡୁଗାଁ ବ୍ରାହ୍ମଣ ସମାଜ ସମେତ ଅଞ୍ଚଳର ବିଭିନ୍ନ ଗ୍ରାମରୁ ସଦସ୍ୟ ଉପସ୍ଥିତ ରହିଥିଲେ।
