ବଲାଙ୍ଗୀର,୧୯ା୧୧(ସୁନିଲ କୁମାର ମହାନ୍ତି): ପଞ୍ଚାୟତିରାଜ ବିଭାଗ ମନ୍ତ୍ରୀ ରବିନାରାୟଣ ନାଏକ, ବଲାଙ୍ଗୀର ଲୋକ ସଭା ଏମ୍ପି ସଙ୍ଗୀତା କୁମାରୀ ସିଂଦେଓ, ସଚିବ ଏସ୍ଏନ୍ ଗିରିଶ, ଓରମାସ ଡାଇରେକ୍ଟର, ଦାଦନ ଟାକ୍ସ ଫୋର୍ସ ଟିମ ସଦସ୍ୟ, ଅତିରିକ୍ତ ଜିଲାପାଳ ପବିତ୍ର ବେହେରା, ସିଡିଓ ତରୁଣୀ ସୁନା, ଜିଲାସ୍ତରୀୟ ଅଧିକାରୀ ବୁଧବାର ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅନ୍ତର୍ଗତ ତୁର୍ଲା ଗାଁ ପରିଦର୍ଶନ କରିଛନ୍ତି। ଦାଦନ ଶ୍ରମିକ ପ୍ରବଣ ଏହି ଗାଁରେ ଲୋକେ କିଭଳି ସରକାରୀ ଯୋଜନାର ସୁଫଳ ପାଇବେ ସେ ସମ୍ପର୍କରେ ଆଲୋଚନା ହୋଇଥିଲା। ମନ୍ତ୍ରୀ ନାଏକ ବିଭିନ୍ନ ଲୋକଙ୍କ ଘରକୁ ଘର ଯାଇ ଆଲୋଚନା କରିଥିଲେ। ପରେ ଦାଦନ ଶ୍ରମିକ ପରିବାର, ଏସ୍ଏଚ୍ଜି ସଦସ୍ୟା ଏବଂ କ୍ଷେତ୍ର ଅଧିକାରୀଙ୍କ ସହ ଆଲୋଚନା ହୋଇଥିଲା।
