ଜେରୁଜେଲମ,୧୪।୧୦: ପାଲେଷ୍ଟାଇନ ଶୁକ୍ରବାର ମିଳିତ ଜାତିସଂଘରେ ଇସ୍ରାଏଲର କାର୍ଯ୍ୟକଳାପ ବନ୍ଦ କରିବାକୁ ଆହ୍ବାନ କରିଛି। ମିଳିତ ଜାତିସଂଘରେ ପାଲେଷ୍ଟାଇନ ରାଷ୍ଟ୍ରଦୂତ ଜାତିସଂଘର ମୁଖ୍ୟ ଆଣ୍ଟୋନିଓ ଗୁଟେରସଙ୍କୁ ଇସ୍ରାଏଲର କାର୍ଯ୍ୟକଳାପକୁ ରୋକିବା ପାଇଁ ପଦକ୍ଷେପ ନେବାକୁ ନିବେଦନ କରିଛନ୍ତି। ଏଠାରେ ଇସ୍ରାଏଲ ଗାଜା ଅଞ୍ଚଳର ଲୋକଙ୍କୁ ଯୁଦ୍ଧ କ୍ଷେତ୍ରରୁ ଦୂରେଇ ଯିବାକୁ ଚେତାବନୀ ଦେଇଛି।
ମିଳିତ ଜାତିସଂଘରେ ପାଲେଷ୍ଟାଇନର ରାଷ୍ଟ୍ରଦୂତ ରିୟାଦ ମାନସୁର ଖବରଦାତାମାନଙ୍କ ସହ କଥାବାର୍ତ୍ତା ବେଳେ କହିଛନ୍ତି ଯେ, ସେମାନଙ୍କୁ ଅଧିକ ଚେଷ୍ଟା କରିବାକୁ ପଡିବ। ଯାହା କରାଯାଇଛି ତାହା ଯଥେଷ୍ଟ ନୁହେଁ । ମାନବିକତା ବିରୋଧରେ ଏହି ଅପରାଧକୁ ରୋକିବା ପାଇଁ ଆମ ସମସ୍ତଙ୍କୁ ଅଧିକ ଚେଷ୍ଟା କରିବା ଆବଶ୍ୟକ।
ଶୁକ୍ରବାର ଅନେକ ଦେଶ ଇସ୍ରାଏଲକୁ ଉତ୍ତର ଗାଜା ଉପରେ ଆକ୍ରମଣ ବନ୍ଦ କରିବାକୁ ଅନୁରୋଧ କରିଛନ୍ତି। ଏଥି ସହିତ ଇସ୍ରାଏଲ ସୈନ୍ୟ ଗାଜାରେ ପ୍ରବେଶ କରିଛନ୍ତି। ହମାସ ଆତଙ୍କବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପୂର୍ବରୁ ଇସ୍ରାଏଲ ଏକ ଲକ୍ଷରୁ ଅଧିକ ଲୋକଙ୍କୁ ଗାଜାର ଅନ୍ୟ ଅଞ୍ଚଳକୁ ଯିବାକୁ କହିଥିଲା।
