ପାଟଣା,୧ା୫(ବୀରକିଶୋର ଦାଶ: କେନ୍ଦୁଝର ଜିଲା ପାଟଣା ବ୍ଲକ ବଡ଼ପାଟଣା ପଞ୍ଚାୟତ ସ୍ବାମ ଶାସନର ୭୦ ତମ ବାଦୀପାଲା ମହୋତ୍ସବ ଉପଲକ୍ଷେ କଳା ଓ ସଂସ୍କୃତି ପାଇଁ ସମର୍ପିତ ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯାଇଛି। ଆୟୋଜିତ ସମ୍ବର୍ଦ୍ଧନା ଉତ୍ସବ ସ୍ବାମ୍ ପାଲା କମିଟିର ସଭାପତି ଭାଗିରଥି ଦାଶଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ ଯୋଗ ଦେଇ ଏହି ପ୍ରାଚୀନ ପାଲା ଅନୁଷ୍ଠାନଟି ଉତ୍କଳୀୟ ପାଲା ପରମ୍ପରା ପୁରାଣ,କଳା, ସଂସ୍କୃତି ଓ ସାହିତ୍ୟକୁ ଉଦ୍ଜୀବିତ କରି ରଖିବା ସହ ଏକ ସୁସ୍ଥ ସମାଜ ଗଠନରେ ସହାୟକ ହେଉଛି ବୋଲି କହିଥିଲେ।
ଏଥିରେ ମୁଖ୍ୟ ବକ୍ତା ଭାବେ ବଡ଼ପାଟଣା ସରପଞ୍ଚ ବିନତି ବାନରା, ସମ୍ମାନିତ ଅତିଥି ଭାବେ ପାଲାର ପୃଷ୍ଠପୋଷାକ ତଥା ଯୋଡ଼ା ଏବିଡିଓ ଦିଲ୍ଲୀପ କୁମାର ବେହେରା ପ୍ରମୁଖ ଯୋଗଦେଇ ଥିଲେ। ଏହି ଅବସରରେ ମୁଖ୍ୟ ଅତିଥି ବିଧାୟକ ଚଳିତବର୍ଷ ପାଲା ପରିବେଷଣ କରୁଥିବା ଗାୟକ ଗୋପାଳକୃଷ୍ଣ ଜେନା ଓ ବିଜୟ କୁମାର ଓଝାଙ୍କୁ ପୁଷ୍ପ ଗୁଚ୍ଛ, ମାନପତ୍ର, ଅଙ୍ଗବସ୍ତ୍ର ଦେଇ ସମ୍ବର୍ଦ୍ଧିତ କରିବା ସହ ଯଥା କ୍ରମେ ଗାୟକ ସୌରଭ ଓ ଗାୟକ ଲଳିତ ଉପାଧିରେ ମଣ୍ଡିତ କରିଥିଲେ। ଗ୍ରାମର ପାଲା ,କଳା,ସଂସ୍କୃତି, ଓ ସାମାଜିକ ଅନୁଷ୍ଠାନ ପାଇଁ ଜୀବନ ବ୍ୟାପୀ ଅବଦାନ ପାଇଁ ବଳଭଦ୍ର କର ଓ ଜ୍ଞାନେନ୍ଦ୍ର କୁମାର ମିଶ୍ରଙ୍କୁ ମୁଖ୍ୟ ଅତିଥି ପୁଷ୍ପ ଗୁଚ୍ଛ, ଅଙ୍ଗ ବସ୍ତ୍ର ଓ ମାନ ପତ୍ର ଦେଇ ସମ୍ବର୍ଦ୍ଧିତ କରିଥିଲେ। ସରପଞ୍ଚ ଶ୍ରୀମତୀ ବାନାରା, ଏ ବି ଓ ଶ୍ରୀ ବେହେରା, ଉପସଭାପତି ଶ୍ରୀନିବାସ ଶତପଥୀ,ପାଲା କମିଟି ସଦସ୍ୟ ସୁମିତି ପତି ପ୍ରମୁଖ ଉଭୟ ପାଲାଦଳ ର ବାୟକ ଓ ପାଳିଆ ଙ୍କୁ ସମ୍ବର୍ଦ୍ଧିତ କରିଥିଲେ। ସ୍ବାଗତ ଭାଷଣ ଓ ଅତିଥି ପରିଚୟ ଶ୍ରୀନିବାସ ଶତପଥୀ ଦେଇଥିବା ବେଳେ ଧନ୍ୟବାଦ ପାଲା କମିଟିର କୋଷାଧକ୍ଷ କଳ୍ପତରୁ କର ପ୍ରଦାନ କରିଥିଲେ। କାର୍ଯ୍ୟ କ୍ରମ କୁ ପାଲା କମିଟି ବୀରମୋହନ ଦ୍ବିବେଦୀ, ସନ୍ତୋଷ ତ୍ରିପାଠୀ, ଚିରଞ୍ଜୀବ ଦାଶ, ସଂଜତ କର, ସୌମ୍ୟ ରଞ୍ଜନ ଦାଶ, ପ୍ରକାଶ ଦାଶ, ଅରୁଣ କୁମାର ଦାଶ , ସିଦ୍ଧାର୍ଥ ଦାଶ, ଆର୍ଯ୍ୟପ୍ରସାଦ ଦାଶ, ସମୀର ଦାଶ, ଦେବାଶିଷ ତ୍ରିପାଠୀ, ଭବତୋଶ ଶତପଥୀ ପ୍ରମୁଖ ପରିଚାଳନା କରିଥିଲେ।
