ନୂଆଦିଲ୍ଲୀ,୬।୬:ପାକିସ୍ତାନର ଗିଲଗିଟ-ବାଲ୍ଟିସ୍ତାନ ବିଧାନସଭା ପାଇଁ ନିର୍ବାଚନ ଆୟୋଜନ ଯୋଜନା କରୁଛି। ଏହି ଅଞ୍ଚଳଟି ପାକିସ୍ତାନ ଦ୍ୱାରା ଅବୈଧ ଏବଂ ବଳପୂର୍ବକ ଭାବରେ ଦଖଲ କରାଯାଇଥିବା ଭାରତୀୟ ଅଞ୍ଚଳ। ବୈଦେଶିକ ବ୍ୟାପାର ମନ୍ତ୍ରଣାଳୟ ଏ ନେଇ ସୂଚନା ଦେଇଛି।
ଭାରତ କହିଛି ଯେ, ପଡ଼ୋଶୀ ଦେଶର ଏପରି ପ୍ରୟାସ ପାକିସ୍ତାନ ଦ୍ୱାରା ଅବୈଧ ଭାବରେ ଦଖଲ କରାଯାଇଥିବା ଅଞ୍ଚଳରେ ଗମ୍ଭୀର ମାନବାଧିକାର ଉଲ୍ଲଂଘନ, ରାଜନୈତିକ ଦମନ, ଅର୍ଥନୈତିକ ଶୋଷଣ ଏବଂ ସ୍ବାଧୀନତା ପ୍ରତ୍ୟାଖ୍ୟାନ ଭଳି ମୂଳ ପ୍ରସଙ୍ଗଗୁଡ଼ିକୁ ଘୋଡାଇ ପାରିବ ନାହିଁ।
ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି, ସପାକିସ୍ତାନ ଦ୍ୱାରା ଅବୈଧ ଏବଂ ବଳପୂର୍ବକ ଭାବରେ ଦଖଲ କରାଯାଇଥିବା ଭାରତୀୟ ଅଞ୍ଚଳରେ ଜୁନ ୭ରେ ତଥାକଥିତ ‘ଗିଲଗିଟ-ବାଲ୍ଟିସ୍ତାନ ବିଧାନସଭା’ ପାଇଁ ସାଧାରଣ ନିର୍ବାଚନ ଆୟୋଜନ କରିବା ପାଇଁ ପାକିସ୍ତାନର ଯୋଜନା ସମ୍ପର୍କରେ ଭାରତ ସରକାର ପାକିସ୍ତାନ ନିକଟରେ ଏକ ଦୃଢ଼ ପ୍ରତିବାଦ ଦାଖଲ କରିଛି।
ଭାରତ ଏହାର ସୁପ୍ରତିଷ୍ଠିତ ସ୍ଥିତିକୁ ପୁନର୍ବାର ଦୋହରାଇଛି ଯେ, ୧୯୪୭ରେ ଭାରତ ସହିତ ଜମ୍ମୁ-କଶ୍ମୀରର ସମ୍ପୂର୍ଣ୍ଣ, ଆଇନଗତ ଏବଂ ଅପରିବର୍ତ୍ତନୀୟ ମିଶ୍ରଣ ଫଳରେ ‘ଗିଲଗିଟ-ବାଲ୍ଟିସ୍ତାନ’ ସମେତ ସମଗ୍ର କେନ୍ଦ୍ର ଶାସିତ ଅଞ୍ଚଳ ଜମ୍ମୁ-କଶ୍ମୀର ଏବଂ ଲଦାଖ ଭାରତର ଏକ ଅବିଚ୍ଛେଦ୍ୟ ଅଂଶ।
ବୈଦେଶିକ ବ୍ୟାପାର ମନ୍ତ୍ରଣାଳୟ ଏକ ବିବୃତ୍ତିରେ କହିଛି, ପାକିସ୍ତାନର ଏପରି ପ୍ରୟାସ ଗମ୍ଭୀର ମାନବାଧିକାର ଉଲ୍ଲଂଘନ, ରାଜନୈତିକ ଦମନ, ଆର୍ଥିକ ଶୋଷଣ ଏବଂ ଅବୈଧ ଦଖଲ ଅଧୀନରେ ଥିବା ଅଞ୍ଚଳରେ ସ୍ବାଧୀନତା ପ୍ରତ୍ୟାଖ୍ୟାନ ଭଳି ମୂଳ ପ୍ରସଙ୍ଗଗୁଡ଼ିକୁ ଲୁଚାଇ ପାରିବ ନାହିଁ। ଭାରତ ସରକାର ଅବୈଧ ଦଖଲ ଅଧୀନରେ ଥିବା ଅଞ୍ଚଳରେ କୌଣସି ପରିବର୍ତ୍ତନ ଆଣିବା ପାଇଁ ପାକିସ୍ତାନର ପ୍ରୟାସକୁ ସ୍ପଷ୍ଟ ଭାବରେ ପ୍ରତ୍ୟାଖ୍ୟାନ କରେ। ଏପରି କାର୍ଯ୍ୟ ଏହି ସତ୍ୟକୁ ଲୁଚାଇ ପାରିବ ନାହିଁ ଯେ, ପାକିସ୍ତାନ ଅବୈଧ ଭାବରେ ଭାରତୀୟ ଅଞ୍ଚଳଗୁଡ଼ିକୁ ଦଖଲ କରୁଛି, ଯାହାକୁ ଏହାକୁ ଖାଲି କରିବାକୁ ପଡିବ।
Dharitri – Odisha’s No.1 Odia Daily
