କରାଚୀ,୯ା୯: ପାକିସ୍ତାନର ବାମହାତି ପେସର ଉସ୍ମାନ ଶିନ୍ଓ୍ବାରି ମଙ୍ଗଳବାର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ଜାତୀୟ ଦଳ ତରଫରୁ ସେ ଶେଷ ଥର ପାଇଁ ୬ବର୍ଷ ପୂର୍ବେ ଖେଳିଥିଲେ। ୩୧ ବର୍ଷୀୟ ସିନ୍ଓ୍ବାରୀ ୨୦୧୩ରୂ ୨୦୧୯ ମଧ୍ୟରେ ସମସ୍ତ ଫର୍ମାଟରେ ମାତ୍ର ୩୪ ମ୍ୟାଚ ଖେଳିଛନ୍ତି। ତେବେ ସେ କ୍ରିକେଟ ଲିଗ୍ରେ ଖେଳିବା ଜାରି ରଖିଛନ୍ତି।
ସେ ଗୋଟିଏ ଟେଷ୍ଟ, ୧୭ ଅନ୍ତର୍ଜାତୀୟ ଦିନିକିଆ ଏବଂ ୧୬ ଅନ୍ତର୍ଜାତୀୟ ଟି୨୦ ଖେଳିଛନ୍ତି। ସିନଓ୍ବାରୀ ୨୦୧୩ ଡିସେମ୍ବରରେ ଦୁବାଇଠାରେ ଶ୍ରୀଲଙ୍କା ବିପକ୍ଷ ଏକ ଅନ୍ତର୍ଜାତୀୟ ଟି୨୦ରେ ତାଙ୍କ ଅନ୍ତର୍ଜାତୀୟ ପଦାର୍ପଣ କରିଥିଲେ।
ସେ ୨୦୧୭ ଅକ୍ଟୋବରରେ ଶାରଜାଠାରେ ଶ୍ରୀଲଙ୍କା ବିିପକ୍ଷରେ ତାଙ୍କର ଅନ୍ତର୍ଜାତୀୟ ଟି୨୦ ପଦାର୍ପଣ କରିଥିଲେ। ସେ ତାଙ୍କ କ୍ୟାରିୟରର ଏକମାତ୍ର ମ୍ୟାଚ ୨୦୧୯ରେ ରାଓ୍ବଲପିଣ୍ଡିରେ ଶ୍ରୀଲଙ୍କା ବିପକ୍ଷରେ ଖେଳିଥିଲେ। ପାକିସ୍ତାନ ତରଫରୁ ଏହାଥିଲା ତାଙ୍କର ଶେଷ ମ୍ୟାଚ। ସେ ଅନ୍ତର୍ଜାତୀୟ ଦିନିକିଆରେ ୩୪ ଏବଂ ଅନ୍ତର୍ଜାତୀୟ ଟି୨୦ରେ ୧୩ଟି ଉଇକେଟ ଅକ୍ତିଆର କରିଥିଲେ।
