ଇସଲାମାବାଦ,୫।୧୦: ପାକିସ୍ତାନ କ୍ରିକେଟ ଦଳ ନେଦରଲ୍ୟାଣ୍ଡ ବିପକ୍ଷରେ ବିଶ୍ୱକପ୍ ଅଭିଯାନ ୬ ଅକ୍ଟୋବରରେ ଆରମ୍ଭ କରିବାକୁ ଯାଉଛି। ସେମାନଙ୍କ ମ୍ୟାଚ ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯିବ। ଏହି ମ୍ୟାଚ ଆରମ୍ଭ ହେବାକୁ ୨୪ ଘଣ୍ଟାରୁ କମ୍ ସମୟ ବାକି ଅଛି, ତଥାପି ପାକିସ୍ତାନର ପ୍ରଶଂସକ ଏବଂ ମିଡିଆକୁ ଭାରତୀୟ ଭିଜା ମିଳିନାହିଁ।
ପାକିସ୍ତାନ କ୍ରିକେଟ ବୋର୍ଡ, ପାକିସ୍ତାନର ପ୍ରଶଂସକ ଏବଂ ମିଡିଆ କର୍ମୀମାନେ ଯଥାଶୀଘ୍ର ଭାରତରୁ ଭିଜା ପାଇବାକୁ ଚେଷ୍ଟା କରୁଛନ୍ତି, ଯାହାଫଳରେ ସେ ଭାରତ ଆସି ତାଙ୍କ ଦଳର ମ୍ୟାଚକୁ ଲାଇଭ ଦେଖିପାରିବେ। ପିସିବି ଏହାକୁ ନେଇ ଆଇସିସିରେ ଅଭିଯୋଗ କରିଛି ଯେ, ଭାରତ ପାକିସ୍ତାନୀ ପ୍ରଶଂସକ ଏବଂ ମିଡିଆଙ୍କ ପାଇଁ ଭିଜା ପ୍ରକ୍ରିୟା ତ୍ୱରାନ୍ବିତ କରୁନାହିଁ।
