ରାଓ୍ବଲପିଣ୍ଡି: ସ୍ଥାନୀୟ ରାଓ୍ବଲପିଣ୍ଡି ଷ୍ଟାଡିୟମରେ ଅନୁଷ୍ଠିତ ଜିମ୍ବାଓ୍ବେ ବିପକ୍ଷ ପ୍ରଥମ ଅନ୍ତର୍ଜାତୀୟ ଟି୨୦ ମ୍ୟାଚରେ ପାକିସ୍ତାନ ୬ ଉଇକେଟରେ ବିଜୟ ହାସଲ କରିଛି। ଶନିବାର ଅନୁଷ୍ଠିତ ଏହି ମ୍ୟାଚରେ ପ୍ରଥମେ ବ୍ୟାଟିଂ କରିଥିବା ଜିମ୍ବାଓ୍ବେ ନିର୍ଦ୍ଧାରିତ ୨୦ ଓଭରରେ ୬ ଉଇକେଟ ବିନିମୟରେ ୧୫୬ ରନ କରିଥିଲା। ଜବାବରେ ଘରୋଇ ଦଳ ପାକିସ୍ତାନ ୧୮.୫ ଓଭରରେ ୪ ଉଇକେଟ ବିନିମୟରେ ୧୫୭ ରନ କରି ମ୍ୟାଚ ଜିତିନେଇଥିଲା। ଏହି ବିଜୟ ଦ୍ୱାରା ପାକିସ୍ତାନ ସିରିଜରେ ୧-୦ରେ ଅଗ୍ରଣୀ ଲାଭ କରିଛି।
ସଂକ୍ଷିପ୍ତ ସ୍କୋର
ଜିମ୍ବାଓ୍ବେ: ୨୦ ଓଭରରେ ୧୫୬/୬ (ମାଧେଭେରେ-୭୦*, ସିନ୍ ଓ୍ବିଲିୟମ୍ସ-୨୫, ଚିଗୁମ୍ବୁରା-୨୧, ବ୍ରାଣ୍ଡନ ଟେଲର-୨୦, ହାରିସ ରଫ୍-୨/୨୫, ରିଆଜ-୨/୩୭)।
ପାକିସ୍ତାନ: ୧୮.୫ ଓଭରରେ ୧୫୭/୪ (ବାବର ଆଜାମ-୮୨, ମହମ୍ମଦ ହାଫିଜ୍-୩୬, ବ୍ଲେସିଂ ମୁଜାରାବାନି-୨/୨୬)।
