ଇସଲାମାବାଦ,୨୦।୫: ଭାରତ ୨୨ ମେ’ରୁ ଜୁନ ୧୪ ତାରିଖ ପର୍ଯ୍ୟନ୍ତ କଶ୍ମୀରର ଶ୍ରୀନଗରରେ ଜି -୨୦ ବୈଠକ ଆୟୋଜନ କରିବାକୁ ଯାଉଛି। ଏଥିପାଇଁ ଭାରତ ପକ୍ଷରୁ ଏକ କଡା ସୁରକ୍ଷା ବ୍ୟବସ୍ଥା କରାଯାଇଛି। ତେବେ ଆରମ୍ଭରୁ କଶ୍ମୀରରେ ହେବାକୁ ଥିବା ଜି -୨୦ ବୈଠକକୁ ପାକିସ୍ତାନ ବିରୋଧ କରିଆସୁଛି। ଏହି ସମୟରେ ଏକ ଖବର ସାମ୍ନାକୁ ଆସିଛି ଯେ, ଶତ୍ରୁ ଦେଶ ପାକିସ୍ତାନ ଭାରତ ପାଇଁ ଏକ ବଡ଼ ଅସୁବିଧା ସୃଷ୍ଟି କରିବାକୁ ଯୋଜନା ପ୍ରସ୍ତୁତ କରୁଛି।
ସୂଚନାନୁସାରେ, ଲଶକର-ଏ-ତାଇବା, ଜୈଶ-ଏ-ମହମ୍ମଦ ଏବଂ ହିଜବୁଲ ମୁଜାହିଦ୍ଦିନ ଭଳି ପ୍ରମୁଖ ଆତଙ୍କବାଦୀ ଗୋଷ୍ଠୀ ଶ୍ରୀନଗର ଏବଂ କଶ୍ମୀରରେ ଏକ ବଡ଼ ଆତଙ୍କବାଦୀ ଆକ୍ରମଣ ଯୋଜନା କରିଛନ୍ତି। ଏ ସମ୍ପର୍କରେ ପାକିସ୍ତାନର ରାୱଲପିଣ୍ଡିରେ ମଧ୍ୟ ଏକ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ (ଆଇଏସଆଇ)ମଧ୍ୟ ଅଂଶଗ୍ରହଣ କରିଛି। ବୈଠକରେ କର୍ଣ୍ଣେଲ ଶାୟାନ ଆଇଏସଆଇ ପକ୍ଷରୁ ନେତୃତ୍ୱ ନେଉଛନ୍ତି।
