ଇସଲାମାବାଦ,୨୦।୮: ପାକିସ୍ତାନର ପଞ୍ଜାବ ପ୍ରଦେଶରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ରବିବାର ସକାଳେ ପ୍ରଦେଶର ପିଣ୍ଡି ଭାଟିୟାନ ସହରରେ ଏକ ଚଳନ୍ତା ବସ୍ରେ ନିଆଁ ଲାଗିଯାଇଥିଲା। ଏହି ଦୁର୍ଘଟଣାରେ ୩୦ରୁ ଅଧିକ ଯାତ୍ରୀଙ୍କ ମୃତ୍ୟୁ ଘଟିଛି। ସେହିଭଳି ପ୍ରାୟ ୭ଜଣ ଆହତ ହୋଇଛନ୍ତି। ତେବେ ବସ୍ରେ ୪୦ରୁ ଅଧିକ ଯାତ୍ରୀ ଥିଲେ। ତେଣୁ ଆଗକୁ ମୃତକଙ୍କ ସଂଖ୍ୟା ବଢ଼ିପାରେ ବୋଲି ଆଶା କରାଯାଉଛି।
ଜିଓ ନ୍ୟୁଜ ରିପୋର୍ଟ ଅନୁଯାୟୀ, ନିଆଁ ଲାଗିଥିବା ବସ ରାଜଧାନୀ ଇସଲାମାବାଦରୁ କରାଚି ଅଭିମୁଖେ ଯାଉଥିବା ପୋଲିସ କହିଛି। ଉଦ୍ଧାର କାର୍ଯ୍ୟରେ ଥିବା ଜଣେ ଅଧିକାରୀ କହିଛନ୍ତି ଯେ ବସ ପିଣ୍ଡି ଭାଟିଆନ ନିକଟରେ ପହଞ୍ଚିବା ପରେ ଏହି ଦୁର୍ଘଟଣା ଘଟିଛି। ଏଠାରେ ହଠାତ୍ ବସରେ ନିଆଁ ଲାଗିଯାଇଥିଲା। ନିଆଁ ଏତେ ଭୟଙ୍କର ଥିଲା ଯେ କେଇ ମିନିଟ୍ରେ ପୁରା ବସ ପୋଡି ପାଉଁଶ ହୋଇଯାଇଥିଲା।
