କେନ୍ଦୁଝର,୧୭।୩ (ଡି.ଏନ୍.ଏ.): କେନ୍ଦୁଝର ଟାଉନ ଥାନା ୪୯ ନଂ. ଜାତୀୟ ରାଜପଥ ଜୁଡିଆଘାଟି ନିକଟରେ ଏକ ତରବୁଜ ବୋଝେଇ ଟ୍ରକ୍ ଶୁକ୍ରବାର ଅପରାହ୍ନରେ ଓଲଟି ପଡ଼ିଛି। ଡ୍ରାଇଭର ସାମାନ୍ୟ ଆହତ ହୋଇଥିବା ବେଳେ ରାସ୍ତାସାରା ତରଭୁଜ ବିଛିନ୍ନ ହୋଇ ପଡ଼ିଛି। ଅଧେ ତରଭୁଜ ଲୋକମାନେ ବୋହି ନେଇଥିବା ବେଳେ ଅଧିକାଂଶ ଫାଟି ନଷ୍ଟ ହେଇଯାଇଥିବା ଦେଖିବାକୁ ମିଳିଛି । ଖବରପାଇ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରଛନ୍ତି। ଡବ୍ଲ୍ୟୁବି ୨୩ ଇ ୪୯୫୭ ନମ୍ବର ବିଶିଷ୍ଟ ଗାଡ଼ିଟି ଡ୍ରାଇଭର ଆନ୍ଦୋଳନ ଯୋଗୁ ଦେବଗଡ଼ ଜିଲା ବାରକୋଟଠାରେ ଛିଡ଼ା ହେଇଥିଲା। ଶୁକ୍ରବାର କୋଲକାତା ଅଭିମୁଖେ ଯାଉଥିବା ବେଳେ ଜୁଡିଆଘାଟି ନିକଟରେ ଦୁର୍ଘଟଣା ଘଟିଛି।
