ଆଜିକାଲି ଅନ୍ଲାଇନ୍ କିଣାବିକାରେ ଲୋକମାନେ ଠକାମିର ଶିକାର ହେଉଛନ୍ତି। ନିକଟରେ ଏହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି। ଜଣେ ଗ୍ରାହକ ଆମାଜନରୁ ୧୨,୦୦୦ ଟଙ୍କା ମୂଲ୍ୟର ଟୁଥ ବ୍ରଶ ଅର୍ଡର କରିଥିଲେ, କିନ୍ତୁ ତାଙ୍କୁ ଏମ୍ଡିଏଚ୍ ଚାଟ୍ ମସଲା ମିଳିଥିଲା।
@Badassflowerbby ନାମକ ଜଣେ ଟୁଇଟର ୟୁଜର୍ସଙ୍କ ଦ୍ୱାରା ଅନଲାଇନ ଶପିଂ ସମ୍ବନ୍ଧୀୟ ଏକ ପୋଷ୍ଟ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି। ଏହି ୟୁଜର୍ସ ଇ-କମର୍ସ ପ୍ଲାଟଫର୍ମ ଆମାଜନରୁ ୧୨,୦୦୦ ଟଙ୍କା ମୂଲ୍ୟର ଏକ ଇଲେକ୍ଟ୍ରୋନିକ ବ୍ରଶ ଅର୍ଡର କରିଥିଲେ। ସେ ପାର୍ଶଲ ଖୋଲି ଦେଖିବା ପରେ ଆଶ୍ଚର୍ଯ୍ୟ ହୋଇଗଲେ। ପାର୍ଶଲ ୧୨,୦୦୦ ଟଙ୍କା ମୂଲ୍ୟର ବ୍ରଶ ବଦଳରେ ୪ ଏମ୍ଡିଏଚ୍ ଚାଟ ମସାଲାର ଏକ ପ୍ୟାକେଟ ପାଇଥିଲେ। ଏନେଇ ଆମାଜନରେ ସେ ଅଭିଯୋଗ କରିଛନ୍ତି କିନ୍ତୁ ଏପର୍ଯ୍ୟନ୍ତ ତାଙ୍କୁ କୌଣସି ଉତ୍ତର ମିଳିନାହିଁ।
