କୋଲକାତା,୨୪।୪: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ସୋମବାର କୋଲକାତାରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିଛନ୍ତି। ଏହି ବୈଠକ ପରେ ମମତା ବାନାର୍ଜୀ କହିଛନ୍ତି, ମୁଁ ନୀତୀଶ ଜୀଙ୍କୁ ଅନୁରୋଧ କରିଛି ଯେ, ଜୟପ୍ରକାଶ ଜୀଙ୍କର ଆନ୍ଦୋଳନ ବିହାରରୁ ଆରମ୍ଭ ହୋଇଥିଲା, ତେଣୁ ଆମେ ବିହାରରେ ଏକ ପାର୍ଟି ସଭା ମଧ୍ୟ କରିବା ଉଚିତ୍। ଆମକୁ ଏକ ବାର୍ତ୍ତା ପଠାଇବାକୁ ପଡିବ ଯେ ଆମେ ସମସ୍ତେ ଏକାଠି ଅଛୁ। ଯଦି ଦର୍ଶନ ଏବଂ ମିଶନ ସ୍ପଷ୍ଟ ତେବେ ଆମେ ଏକାଠି ଲଢିବା, ତାହା ନିଶ୍ଚିତ ଅଟେ।
ମମତା ଆହୁରି କହିଛନ୍ତି, କେଉଁ ଆଧାରରେ ହେବ ତାହା ଠିକ ସମୟରେ ସ୍ଥିର କରାଯିବ। ମୁଁ ପୂର୍ବରୁ ଏହା କହିସାରିଛି ଯେ ମୋର ଏଥିରେ କୌଣସି ଆପତ୍ତି ନାହିଁ, ମୁଁ ଚାହୁଁଛି ଭାଜପା ଶୂନ ହେଉ। ଆମର କୌଣସି ବ୍ୟକ୍ତିଗତ ଅହଙ୍କାର ନାହିଁ, ଆମେ ଏକାଠି କାମ କରିବାକୁ ଚାହୁଁଛୁ।
ନୀତୀଶ କହିଛନ୍ତି, ଯେଉଁମାନେ କ୍ଷମତାରେ ଅଛନ୍ତି ସେମାନେ କେବଳ ନିଜ ବିଷୟରେ କଥାବାର୍ତ୍ତା କରନ୍ତି ଏବଂ ଅନ୍ୟ କିଛି ନୁହେଁ, ଏହା ସ୍ବାଧୀନତା ପାଇଁ ଲଢେଇ, ଆମକୁ ସତର୍କ ରହିବାକୁ ପଡ଼ିବ।