ଖଇରା, ୮।୫(ଡି.ଏନ.ଏ.): ସାଳନ୍ଦୀ ବାମପାର୍ଶ୍ୱ ଆମ୍ବହତା କେନାଲ ନୟାଖଣ୍ଡି ପତଡାସାହି ନିକଟରେ ନିମ୍ନମାନର ମୋରମ ପ୍ୟାକିଂ ଓ କଂକ୍ରିଟ କାମ ହେଉଥିବା ଗ୍ରାମବାସୀ ଅଭିଯୋଗ କରିଛନ୍ତି। ଉକ୍ତ କାର୍ଯ୍ୟର ଉଚ୍ଚସ୍ତରୀୟ ତଦନ୍ତ କରିବାକୁ ଗ୍ରାମର ୱାର୍ଡସଭ୍ୟ ନିରଞ୍ଜନ ବେହେରା, ଶ୍ରୀଧର ବାରିକ, ରମାକାନ୍ତ ବେହେରା, ଯଦୁନାଥ ତ୍ରିପାଠୀ, ଉପେନ୍ଦ୍ର କର, ରମେଶ ବେହେରା, ଜଗନ୍ନାଥ ବେହେରା, ହରେକୃଷ୍ଣ ବେହେରା, ମନୋରଞ୍ଜନ କର, ଅନାଦି ବେହେରା ପ୍ରମୁଖ ଲିଖିତ ଅଭିଯୋଗ କରିଛନ୍ତି ା
ମୁତାବକ ସାଳନ୍ଦୀ ବାମପାର୍ଶ୍ୱ ଆମ୍ବହତା କେନାଲର ୧୬କି.ମି. ଠାରୁ ୧୮କି.ମି. ପର୍ଯ୍ୟନ୍ତ ରାସ୍ତା କାମ ଚାଲୁଛି ା କେନାଲର ୨ପାର୍ଶ୍ୱର କଂକ୍ରିଟ ଢଳେଇ କାମ କରାଯିବା ସହ ସାଧାରଣଙ୍କ ବ୍ୟବହାର ପାଇଁ ପାହାଚ ନିର୍ମାଣ କରାଯାଇଛି ା ହେଲେ ମୋରମ ପ୍ୟାକିଂ ଓ କଂକ୍ରିଟ ଢଳେଇ କାମ ଅତ୍ୟନ୍ତ ନିମ୍ନମାନର ହେଉଥିବା ଗ୍ରାମବାସୀ କହିଛନ୍ତି ା କାମ ଶେଷ ହେବାର ଅଳ୍ପଦିନ ମଧ୍ୟରେ ଢଳେଇ ଭାଙ୍ଗି ଖସି ପଡୁଥିବା ନେଇ ଉକ୍ତ ଗ୍ରାମବାସୀ କହିବା ସହ ଏହି କାର୍ଯ୍ୟକୁ ଦେଖାଇଛନ୍ତି ା ଉକ୍ତ କାର୍ଯ୍ୟ ଆନନ୍ଦପୁର ଡିଭିଜନ ଅଧୀନରେ ଆସୁଥିବା ବେଳେ ଯନ୍ତ୍ରୀ କିମ୍ବା ଅଧିକାରୀ ଉପସ୍ଥିତ ନ ରହିବା ଏଭଳି ଅନିୟମିତତା ପାଇଁ ଦାୟୀ ବୋଲି ସେମାନେ କହିଛନ୍ତି ା ଏ ସମ୍ପର୍କରେ ଡିଭିଜନର ଅଧୀକ୍ଷଣ ଯନ୍ତ୍ରୀ ବିଜୟ କୁମାର ସେଠୀଙ୍କୁ ଯୋଗାଯୋଗ କରିବାରେ ଗ୍ରାମବାସୀଙ୍କର ଏଭଳି ଅଭିଯୋଗକୁ ଖଣ୍ଡନ କରିଛନ୍ତି।
