ନୂଆଦିଲ୍ଲୀ,୭।୫: ଭାରତର ଜୋରଦାର ଏୟାରଷ୍ଟ୍ରାଇକ୍ ପରେ ଥରୁଛି ପାକିସ୍ତାନ। ଅପରେଶନ ସିନ୍ଦୂରକୁ ନେଇ ଏବେ ପାକ୍ରେ ପଡିଲାଣି ଚହଳ। ତେବେ ଏହି ଅପରେଶନରେ ୭୦ରୁ ଅଧିକ ଆତଙ୍କୀ ନିପାତ ହୋଇଥିବା ସୂଚନା ମିଳିଛି।
ଏହାରି ଭିତରେ ଭାରତ ସରକାର ଆଜି ଦେଶବ୍ୟାପୀ ଡିଫେନ୍ସ ମକ ଡ୍ରିଲ ଆୟୋଜନ କରୁଛନ୍ତି, ଯାହା ୧୯୭୧ ମସିହା ପରେ ପ୍ରଥମ। ଏହି ଅଭ୍ୟାସ ୨୪୪ଟି ଜିଲାରେ ଅନୁଷ୍ଠିତ ହେବ, ଯେଉଁଥିରେ ଏୟାର ରେଡ ସାଇରନ, ବ୍ଲାକଆଉଟ ସିମୁଲେସନ ଏବଂ ନାଗରିକମାନଙ୍କୁ ଜରୁରୀକାଳୀନ ପରିସ୍ଥିତିରେ ସୁରକ୍ଷା ପାଇଁ ପ୍ରଶିକ୍ଷଣ ଦିଆଯିବ।
ଗୃହ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ, ଏହି ଅଭ୍ୟାସରେ ସାଇରନ ପରୀକ୍ଷଣ, ବିଦ୍ୟୁତ ବିଚ୍ଛେଦ ଅଭ୍ୟାସ ଇତ୍ୟାଦି ଅନ୍ତର୍ଭୁକ୍ତ ହେବ। ଓଡ଼ିଶାରେ ଭୁବନେଶ୍ୱର, କଟକ, ରାଉରକେଲା, ସମ୍ବଲପୁର, ବ୍ରହ୍ମପୁର, ବାଲେଶ୍ୱର, ଭଦ୍ରକ, ବାରିପଦା, ବୌଦ୍ଧ, ପାରାଦୀପ, ଝାରସୁଗୁଡା ଏବଂ ତାଳଚେର ଆଦି ସ୍ଥାନରେ ଏହି ଡ୍ରିଲ ହେବ। ସ୍ଥାନୀୟ ପ୍ରଶାସନ, ଅଗ୍ନିଶମ ବାହିନୀ, ପୁଲିସ, ଏନଡିଆରଏଫ, ଏବଂ ସ୍ବେଚ୍ଛାସେବୀମାନେ ଏଥିରେ ଅଂଶଗ୍ରହଣ କରିବେ। ଗୃହ ସଚିବ ଗୋବିନ୍ଦ ମୋହନ ମଙ୍ଗଳବାର ଏହି ପ୍ରସ୍ତୁତିର ସମୀକ୍ଷା କରିଛନ୍ତି। ଏହି ଅଭ୍ୟାସର ଉଦ୍ଦେଶ୍ୟ ହେଉଛି ଜରୁରୀକାଳୀନ ପରିସ୍ଥିତିରେ ନାଗରିକ ଏବଂ ପ୍ରଶାସନର ପ୍ରସ୍ତୁତିକୁ ମଜବୁତ କରିବା ଏବଂ ସମ୍ଭାବ୍ୟ ବିପଦରୁ ସୁରକ୍ଷା ନିଶ୍ଚିତ କରିବା।
୧୯୭୧ ମସିହାରେ ଭାରତ-ପାକିସ୍ତାନ ଯୁଦ୍ଧ ପରେ ପ୍ରଥମ ଥର ପାଇଁ ଭାରତ ମେ ୭ ତାରିଖରେ ଏକ ଜାତୀୟ ସ୍ତରର ସିଭିଲ ଡିଫେନ୍ସ ମକ ଡ୍ରିଲ ଆୟୋଜନ କରୁଛି। ଏପ୍ରିଲ ୨୨ରେ ଜମ୍ମୁ ଓ କଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ, ଯେଉଁଥିରେ ୨୬ ଜଣ ନିରୀହ ନାଗରିକ ପ୍ରାଣ ହରାଇଥିଲେ, ତା’ ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ଏହି ପରିପ୍ରେକ୍ଷୀରେ କେନ୍ଦ୍ର ଗୃହ ମନ୍ତ୍ରଣାଳୟ ଦେଶର ୨୪୪ଟି ସିଭିଲ ଡିଫେନ୍ସ ଜିଲାରେ ଓ ଓଡ଼ିଶାର ୧୨ଜିଲାରେ ଏହି ବିଶାଳ ସମରାଭ୍ୟାସ କରିବାକୁ ନିର୍ଦ୍ଦେଶ ଦେଇଛନ୍ତି। ଏହା ୧୯୭୧ ପରେ ପ୍ରଥମ। ୧୯୯୯ରେ କାରିଗଲ ଯୁଦ୍ଧ ସମୟରେ ମଧ୍ୟ ଏପରି କୌଣସି ବି ଅଭ୍ୟାସ ହୋଇ ନଥିଲା।
India Pakistan War: ୧୯୭୧ରେ ଭାରତ-ପାକିସ୍ତାନ ଯୁଦ୍ଧ ଦେଖିଥିବା ବ୍ୟକ୍ତିମାନେ ସେହି ସମୟର ସ୍ମୃତି ଶେୟାର କରିଛନ୍ତି। ସାମ୍ବାଦିକ ମଧୁରେନ୍ଦ୍ର ପ୍ରସାଦ ସିନହା (୭୧) କହିଛନ୍ତି, ମୁଁ ସେତେବେଳେ କଲେଜରେ ଥାଏ। ସଂଧ୍ୟା ୭ଟାରେ ସାଇରେନ ବାଜୁଥିଲା ଏବଂ ଆମେ ସମସ୍ତେ ଆଲୁଅ ବନ୍ଦ କରୁଥିଲୁ। ସେତେବେଳେ ସେ ବିହାରର କିଶନଗଞ୍ଜରେ ଥାଆନ୍ତି, ଯାହା ପୂର୍ବ ପାକିସ୍ତାନ (ବର୍ତ୍ତମାନର ବାଂଲାଦେଶ) ନିକଟରେ ଥିଲା। ସେ କହିଛନ୍ତି, ସେହି ସମୟରେ ସୈନ୍ୟ ସହର ନିୟନ୍ତ୍ରଣ କରିଥିଲେ। ସାଇରେନ ଶୁଣି ଆମେ ଲଣ୍ଠନ ଜାଳୁଥିଲୁ।
ଉତ୍ତର ପ୍ରଦେଶର କାନପୁରରେ ରହୁଥିବା ମୌସୁମୀ ରାୟ (୧୯୭୧ରେ ୩ ବର୍ଷ ବୟସ) କହିଛନ୍ତି, କାନପୁର ଏକ ଶିଳ୍ପ ଅଞ୍ଚଳ ଥିଲା। ତାଜମହଲକୁ କଳା କନା ଢାଙ୍କି ଦିଆଯାଇଥିଲା ବୋଲି ଶୁଣିଥିଲୁ, ଯାହା ଆମ ମନରେ ଭୟ ସୃଷ୍ଟି କରିଥିଲା। ସେହି ସମୟରେ ବ୍ଲାକଆଉଟ ଅଭ୍ୟାସ, ସାଇରନ ଓ ଜନସାଧାରଣଙ୍କ ମଧ୍ୟରେ ଆତଙ୍କ ଏକ ସାଧାରଣ ଦୃଶ୍ୟ ଥିଲା।
ଅବଦୁଲ ବାସିତଙ୍କ ବକ୍ତବ୍ୟ ବ୍ୟତୀତ, ଭାରତର ପ୍ରସ୍ତୁତି ମଧ୍ୟ ସୂଚାଇ ଦେଉଛି ଯେ, ଭାରତ ୧୦ କିମ୍ବା ୧୧ ମେ’ରେ ପାକିସ୍ତାନ ଉପରେ ଆକ୍ରମଣ କରିପାରେ। ପ୍ରକୃତରେ, ୭ ମେ’ରେ ଦେଶର ୨୪୪ଟି ଜିଲ୍ଲାରେ ମକ୍ ଡ୍ରିଲ୍ ଆୟୋଜନ କରାଯିବ। ଏଥିରେ, ଯୁଦ୍ଧ ସମୟରେ ନାଗରିକମାନଙ୍କୁ ନିଜକୁ କିପରି ସୁରକ୍ଷା ଦେବେ ସେ ବିଷୟରେ ତାଲିମ ଦିଆଯିବ। ଲୋକଙ୍କୁ ସଚେତନ କରାଯିବ। ଡ୍ରିଲ୍ ସମୟରେ ଏକ ସାଇରନ୍ ମଧ୍ୟ ବାଜିବ ଏବଂ ଏହା ୧୯୭୧ ପରେ ପ୍ରଥମ ଥର ପାଇଁ ହେବ।
ଶେଷ ଥର ପାଇଁ ଏପରି ମକ୍ ଡ୍ରିଲ୍ ୧୯୭୧ ମସିହାରେ ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧ ସମୟରେ କରାଯାଇଥିଲା। ଏହି ଅଭ୍ୟାସ କରାଯିବାର ମାତ୍ର ଚାରି ଦିନ ପରେ, ଦୁଇ ଦେଶ ମଧ୍ୟରେ ଯୁଦ୍ଧ ଆରମ୍ଭ ହୋଇଗଲା। ତା’ପରେ ନଭେମ୍ବର ଶେଷ ସପ୍ତାହରେ ଏକ ମକ୍ ଡ୍ରିଲ୍ ଆୟୋଜନ କରାଯାଇଥିଲା ଏବଂ ଡିସେମ୍ବର ୩ ରେ ଯୁଦ୍ଧ ଆରମ୍ଭ ହୋଇଥିଲା।
India Pakistan War: ଓଡ଼ିଶାର ଭୁବନେଶ୍ୱର, ବାଲେଶ୍ୱର, ଗୋପାଳପୁର, ହୀରାକୁଦ, ରାଉରକେଲା, ତାଳଚେର, କୋରାପୁଟ, ଧାମରା, ଢେଙ୍କାନାଳ, ପାରାଦୀପ, କେନ୍ଦ୍ରାପଡା ଓ ପୁରୀ ଆଦି ୧୨ଟି ସ୍ଥାନରେ ଏହି ମକ ଡ୍ରିଲ ଅନୁଷ୍ଠିତ ହେବ। ଗୃହ ମନ୍ତ୍ରଣାଳୟ କହିଛି, ବର୍ତ୍ତମାନର ଭୂ-ରାଜନୈତିକ ପରିସ୍ଥିତିରେ ନୂତନ ଓ ଜଟିଳ ଚ୍ୟାଲେଞ୍ଜ ଦେଖାଦେଇଛି। ତେଣୁ ସର୍ବଦା ସିଭିଲ ଡିଫେନ୍ସ ପ୍ରସ୍ତୁତି ରହିବା ଜରୁରୀ। ଅଧିକାରୀମାନେ ଜନସାଧାରଣଙ୍କୁ ଆତଙ୍କିତ ନ ହେବାକୁ ଏବଂ ଏହାକୁ ଏକ ସତର୍କତାମୂଳକ ଅଭ୍ୟାସ ଭାବେ ଗ୍ରହଣ କରିବାକୁ ଅନୁରୋଧ କରିଛନ୍ତି। ସ୍ଥାନୀୟ ପ୍ରଶାସନ ଶୀଘ୍ର ଏ ସମ୍ପର୍କରେ ବିସ୍ତୃତ ନିର୍ଦ୍ଦେଶନାମା ଜାରି କରିବ।
