ନୂଆଦିଲ୍ଲୀ,୧୪।୯: କଶ୍ମୀରର ଅନନ୍ତନାଗ ଜିଲାରେ ଆତଙ୍କବାଦୀଙ୍କ ସହ ମୁହାଁମୁହିଁ ବେଳେ ଜମ୍ମୁ କଶ୍ମୀର ପୋଲିସର ଜଣେ ଆର୍ମି କର୍ନେଲ, ଜଣେ ମେଜର ଏବଂ ଜଣେ ଡିଏସପି ଶହୀଦ ହୋଇଛନ୍ତି। ଏହି ଘଟଣାକୁ ନେଇ କଂଗ୍ରେସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ୍ କରିଛି। ଯାହା ହେଉନା କାହିଁକି ପ୍ରଧାନମନ୍ତ୍ରୀ ତାଙ୍କ ପ୍ରଶଂସା ନେବା କେବେ ସ୍ଥଗିତ ରଖିପାରିବେ ନାହିଁ ପାର୍ଟି ମୁଖପାତ୍ର ପୱନ ଖେରା କହିଛନ୍ତି।
ବୁଧବାର ସନ୍ଧ୍ୟାରେ ଅନନ୍ତନାଗରେ ଆତଙ୍କବାଦୀଙ୍କ ସହ ହୋଇଥିବା ଏନକାଉଣ୍ଟରରେ ଆର୍ମି କର୍ନେଲ ମନପ୍ରୀତ ସିଂ, ବାଟାଲିୟନ କମାଣ୍ଡାଣ୍ଟ ମେଜର ଆଶିଷ ଧନୌତ ଏବଂ ଜମ୍ମୁ କଶ୍ମୀର ପୋଲିସର ଡିଏସପି ହୁମାୟୁଂ ଭଟ୍ଟ ଶହୀଦ ହୋଇଥିଲେ। ସେହି ସମୟରେ ଜି-୨୦ ସମ୍ମିଳନୀର ସଫଳତାକୁ ନେଇ ଭାଜପାର ଜାତୀୟ ହେଡ କ୍ୱାର୍ଟରରେ ପ୍ରଧାନମନ୍ତ୍ରୀ ମୋଦିଙ୍କ ଏକ ସ୍ବାଗତ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଦଳର ଜାତୀୟ ସଭାପତି ଜେପି ନଡା ପ୍ରଧାନମନ୍ତ୍ରୀଙ୍କୁ ସ୍ବାଗତ କରିଥିଲେ। ଏହି ସମୟ ମଧ୍ୟରେ ଅନେକ କେନ୍ଦ୍ର ମନ୍ତ୍ରୀ ଓ ଏମ୍ପି ଉପସ୍ଥିତ ଥିଲେ। ଏହାକୁ ନେଇ କଂଗ୍ରେସ ପ୍ରଶ୍ନ ଉଠାଇଛି।
ଖେରା ଏକ୍ସ ଯୋଗେ କହିଛନ୍ତି, ଆଜି ଆମ ସୈନ୍ୟବାହିନୀର ୩ ଅଧିକାରୀଙ୍କ ଶହୀଦ ହେବାର ଦୁଃଖଦ ଖବର ଆସିଛି ସେହି ସମୟରେ ଭାଜପା ମୁଖ୍ୟାଳୟରେ ବାଦଶାହଙ୍କ ପାଇଁ ଏକ ଭବ୍ୟ ସ୍ବାଗତ ଉତ୍ସବ ଆୟୋଜନ କରାଯାଇଥିଲା। ଯାହା ହେଉନା କାହିଁକି ପ୍ରଧାନମନ୍ତ୍ରୀ ତାଙ୍କ ପ୍ରଶଂସାକୁ ଏଡାଇ ପାରିବେ ନାହିଁ।
आज जिस समय सीमा पर हमारी सेना के 3 अधिकारियों के शहीद होने की दुखद खबरें आ रही थीं उसी समय भाजपा हेडक्वर्टर में बादशाह के लिये जश्न की महफ़िल सजी थी।
चाहे कुछ भी हो जाए, प्रधान मंत्री अपनी वाहवाही को टाल नहीं सकते।
— Pawan Khera 🇮🇳 (@Pawankhera) September 13, 2023
