ଚେନ୍ନାଇ,୧୬।୯:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ସେପ୍ଟେମ୍ବର ୧୭ରେ ୭୨ ବର୍ଷରେ ପଦାର୍ପଣ କରିବେ। ତାଙ୍କ ଜନ୍ମଦିନକୁ ନେଇ ଭାଜପା କର୍ମୀଙ୍କ ମଧ୍ୟରେ ଉତ୍ସାହ ଚରମ ସୀମାରେ ରହିଛି। ତାଙ୍କ ଜନ୍ମଦିନକୁ ସ୍ବତନ୍ତ୍ର କରିବା ପାଇଁ ବିଭିନ୍ନ ପ୍ରସ୍ତୁତି ଚାଲିଛି। ସେପଟେ ଭାଜପାର ତାମିଲନାଡୁ ୟୁନିଟ ସ୍ବତନ୍ତ୍ର ବ୍ୟବସ୍ଥା କରିଛି।
ଏଠାରେ ମୋଦିଙ୍କ ଜନ୍ମଦିନରେ ଜନ୍ମ ହୋଇଥିବା ପିଲାମାନଙ୍କୁ ସୁନା ମୁଦି ଦେବାକୁ ନିଷ୍ପତ୍ତି ନିଆଯାଇଛି। କେବଳ ଏତିକି ନୁହେଁ, ଏହି ଦିନ ୭୨୦ କିଲୋଗ୍ରାମ ମାଛ ବଣ୍ଟନ କରିବାର ଯୋଜନା ମଧ୍ୟ ଅଛି।
ପିଲାମାନଙ୍କୁ ଏକ ସୁନା ମୁଦି ପ୍ରାୟ ଦୁଇ ଗ୍ରାମ ହେବ, ଯାହାର ମୂଲ୍ୟ ପ୍ରାୟ ୫୦୦୦ ଟଙ୍କା ହେବ। ଚେନ୍ନାଇର ଆରଏସଆରଏସ୍ ହସ୍ପିଟାଲରେ ଜନ୍ମିତ ଶିଶୁଙ୍କୁ ସୁନା ମୁଦି ଦିଆଯିବ ବୋଲି ଚୟନ କରାଯାଇଛି। ଶନିବାର ଏହି ଡାକ୍ତରଖାନାରେ ୧୫ ରୁ ୨୦ ଶିଶୁ ଜନ୍ମ ହେବେ। ୭୨୦ କିଲୋଗ୍ରାମ ମାଛ ବଣ୍ଟନ ପାଇଁ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ନିର୍ବାଚନମଣ୍ଡଳୀକୁ ଚୟନ କରାଯାଇଛି।
