ନୂଆଦିଲ୍ଲୀ,୨୨ ।୧୨: ଚାଇନାରେ କୋଭିଡ-୧୯ର ସଂକ୍ରମଣ ଓ ପାର୍ଲାମେଣ୍ଟର ଉଷ୍ମ ବାତାବରଣ ସହ କେନ୍ଦ୍ର ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡବିୟଙ୍କ ପତ୍ର ରାଜନୀତିର ପାରାକୁ ଆହୁରି ବଢାଇ ଦେଇଛି । ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଏବେ ଏହାକୁ ବଡ ଆକ୍ରମଣାତ୍ମକ ମୋଡ ଦେଇଦେଇଛନ୍ତି । ଗୁରୁବାର ବି ସଂସଦରେ ରାଜନୈତିକ ପାରା ବଢି ଯାଇଛି । ଜଣେ ପୂର୍ବତନ କେନ୍ଦ୍ରମନ୍ତ୍ରୀ ପ୍ରତିକ୍ରିୟା ଦେଇଛନ୍ତି ଯେ ଆଜି କିଛି ଖବରକାଗଜ ଓ କିଛି ଟେଲିଭିଜନ ଚ୍ୟାନେଲରେ ଅଚାନକ ଭୟ କଲାଭଳି କୋଭିଡ-୧୯ ଖବର ପସାରଣ କରିଛନ୍ତି । ଜବାବରେ ସେ କହିଛନ୍ତତି କି କନ୍ୟାକୁମାରୀରୁ ଯାତ୍ରା ଆରମ୍ଭ କରି ୧୦୭ ଦିନ ପରେ କଂଗ୍ରେସ ନେତା ରାହୁଲ ଗାନ୍ଧୀ ଭାରତ ଯୋଡୋ ଯାତ୍ରା ମାଧ୍ୟମରେ ୨ ଦିନ ପରେ ଦିଲ୍ଲୀରେ ପହଞ୍ଚିବେ ।
୨୪ ଡିସେମ୍ବରକୁ ଭାରତ ଯୋଡୋ ଯାତ୍ରା ଦିଲ୍ଲୀରେ କରାଯିବ । ଏହାପରେ ଏହି ଯାତ୍ରା ହରିୟାଣାରୁ ପଞ୍ଜାବ ଓ ପରେ ଜମ୍ମୁ-କଶ୍ମୀର ଯିବ । ପୂର୍ବତନ ଏମପି କମଲ କିଶୋର କମାଣ୍ଡୋଙ୍କ ସୂଚନା ଅନୁଯାୟୀ, ରାହୁଲ ଗାନ୍ଧୀଙ୍କ ଏହି ଯାତ୍ରାକୁ ନେଇ ଭାରତୀୟ ଜନତା ପାର୍ଟି(ଭାଜପା) ନେତା ଛଯପଟ ହେଉଛନ୍ତି । କମଲ କିଶୋର କହିଛନ୍ତି ୩ ଦିନ ପୂର୍ବରୁ ଭାଜପାର କୌଣସି ନେତା ଓ ମନ୍ତ୍ରୀଙ୍କୁ କରୋନା ଚିନ୍ତା ନ ଥିଲା । ହେଲେ ଗତକାଲିଠାରୁ ସମସ୍ତେ କରୋନାରେ ସଂକ୍ରମିତ ହୋଇ ଯାଇଛନ୍ତିି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବିୟ ତ ମାସ୍କ ପିନ୍ଧି ଟିଭିରେ ନିଜର ପ୍ରତିକ୍ରିୟା ଦେବାକୁ ଚାଲି ଆସିଲେ ।
