ମୁମ୍ବାଇ : ଅକ୍ଟୋବରର ପୂଜା ବଜାରରେ ବଲିଉଡରେ ଟାଇଗର ଶ୍ରଫ ଏବଂ କଙ୍ଗନା ରାଣାଓ୍ବତଙ୍କ ଅଭିନୀତ ଫିଲ୍ମର ଶୁଭମୁକ୍ତି ହେବ। ଗଣପତ ପାର୍ଟ-୧ ଏକ ଆକ୍ସନ ସ୍ପୋର୍ଟସ ମୁଭି। ୨୦ ଅକ୍ଟୋବର, ୨୦୨୩ରେ ଏହାର ଶୁଭମୁକ୍ତି ହେବ।
ଫିଲ୍ମରେ ଟାଇଗର ଶ୍ରଫ, କ୍ରିତି ସାନନ, ଅମିତାଭ ବଚ୍ଚନ ମୁଖ୍ୟ ଭୂମିକାରେ ରହିଛନ୍ତି। ଏହାର ନିର୍ଦ୍ଦେଶନା ବିକାଶ ବହଲ ଦେଇଛନ୍ତି। ଫିଲ୍ମ ନିର୍ମାତା ଭାସୁ ଭାଗନାନି, ବିକାଶ ବହଲ, ଦୀପଶିଖା ଦେଶମୁଖ, ଜ୍ୟାକି ଭାଗନାନି ଅଛନ୍ତି।
ଭବିଷ୍ୟତରେ, ସହରକୁ ଭୟଭୀତ କରିଥିବା ଏକ ଶକ୍ତିଶାଳୀ ଅପରାଧିକ ସାମ୍ରାଜ୍ୟକୁ ଭାଙ୍ଗିବା ପାଇଁ ଗଣପତ ମିଶନ ଆରମ୍ଭ କରିଥିବାର ଦେଖିବାକୁ ମିଳିବ। ଶେଷରେ ଗରିବଙ୍କ ଆଶାର ସାହାରା ପାଲଟି ଯାଇଛନ୍ତି। ଏହାର ପାର୍ଟ-୨ ପରେ ନିର୍ମାଣ କରାଯିବ। ଫିଲ୍ମର ବଜେଟ ୧୫୦ କୋଟି ଟଙ୍କା ରହିଛି।
ସେହିପରି କଙ୍ଗନାଙ୍କ ଫିଲ୍ମ ତେଜସ ମଧ୍ୟ ଅକ୍ଟୋବର ୨୦ରେ ଶୁଭମୁକ୍ତି ହେବ। ଏହା ଏକ ଆକ୍ସନ ,ଦେଶପ୍ରେମ ଫିଲ୍ମ। ଏହାର ନିର୍ଦ୍ଦେଶନା ସରଭେଶ ମେୱାରା ଦେଇଛନ୍ତି। ଫିଲ୍ମର ନିର୍ମାତା ରୋନି ସ୍କ୍ରୁଓ୍ବାଲା। ଭାରତୀୟ ବାୟୁସେନାରେ ୨୦୧୬ରେ ସାମିଲ ହୋଇଥିବା ଲାଇଟ କମ୍ବାଟ ଏୟାରକ୍ରାଫ୍ଟ ତେଜସ ଉପରେ ଏହା ନିର୍ମିତ।
