ଖରାପ ନଜରୁ ରକ୍ଷା ପାଇବା ପାଇଁ ଲୋକେ ଘର ବାହାରେ ଲେମ୍ବୁ କିମ୍ବା କଞ୍ଚାଲଙ୍କା ଟାଙ୍ଗିଥାନ୍ତି। ଏହା କରିବା ଦ୍ୱାରା ଘର ଉପରେ କୌଣସି ଖରାପ ନଜର ପଡ଼ି ନଥାଏ। ବର୍ତ୍ତମାନ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଏହି କ୍ଲିପ୍ ପଞ୍ଜାବର ଏକ ଗାଁର ବୋଲି କୁହାଯାଉଛି। ଯେଉଁଠାରେ ଅନେକଙ୍କ ଘର ବାହାରେ ନୀଳପାଣିଥିବା ବୋତଲ ଟଙ୍ଗାହୋଇଛି। ତେବେ ଏହା ଶୁଣି ଲାଗୁଥିବ ଏଥିରେ ଏପରି କ’ଣ ଅଛି କାହିଁକି ନୀଳ ବୋତଲ ଟଙ୍ଗାଯାଉଛି।
ତେବେ ଏହି ଭିଡିଓ କରୁଥିବା ଲୋକଙ୍କୁ ମଧ୍ୟ ଏ ବିଷୟରେ ଜାଣିବାକୁ ଇଚ୍ଛା ହେଲା ତେଣୁ ସେ ଜଣେ ସ୍ଥାନୀୟ ବାସିନ୍ଦାଙ୍କୁ ପଚାରିଥିଲେ। ସ୍ଥାନୀୟ ବାସିନ୍ଦା ଜଣଙ୍କ ତାଙ୍କୁ କହିଥିଲେ, ବୁଲା କୁକୁରମାନଙ୍କ ପାଇଁ ଏହା ଟଙ୍ଗା ଯାଇଛି। ସେମାନେ ଯେପରି ଘର ଆଗରେ ମଳ ତ୍ୟାଗ କରିବେ ନାହିଁ କି ମଇଳା କରିବେ ନାହିଁ। ତେବେ ଏହା ଟଙ୍ଗାଇବା ଦ୍ୱାରା କୌଶଳ ଫଳପ୍ରଦ ହେଉଛି ବୋଲି ସେମାନେ ଦାବି କରିଛନ୍ତି।
ତେବେ ଏହି ନୀଳ ବୋତଲଗୁଡିକ ଅନେକ ସମୟରେ ଲୋକଙ୍କୁ ଦ୍ୱନ୍ଦରେ ପକାଇଥାଏ। ସମସ୍ତେ ଏହା ବିଷୟରେ ଜାଣିବାକୁ ଚେଷ୍ଟା କରନ୍ତି। ନୀଳ ବୋତଲ ସହ କୁକୁରର ସମ୍ବନ୍ଧ କ’ଣ । ମାତ୍ର ସଠିକ୍ ଘଟଣା ଜଣାପଡ଼ିନାହିଁ।
ଭାଇରାଲ ଭିଡିଓରେ ବ୍ୟକ୍ତି ଜଣକ କହିଛନ୍ତି ଯେ, ଏହି ନୀଳପାଣିଥିବା ବୋତଲକୁ ସେଠାକାର କ୍ଲିନର୍ସ ସେମାନଙ୍କୁ ଦେଇଛନ୍ତି।
ଏହି ଭିଡିଓରେ ଅନେକ ପ୍ରକାର କମେଣ୍ଟ ଆସିଛି। କେହିକେହି ଲେଖିଛନ୍ତି, କୁକୁର ଅନ୍ୟସବୁ ରଙ୍ଗ ଅପେକ୍ଷା ନୀଳ ରଙ୍ଗକୁ ଠିକ୍ ଭାବରେ ଦେଖିପାରେ। ତେଣୁ ସେ ନୀଳ ରଙ୍ଗରେ ବିପଦଥିବା ଭାବି ବୋତଲ ଚାରିପାଖରେ ରୁହନ୍ତି ନାହିଁ। ମାତ୍ର ଏ କଥାରେ କେତେ ସତ୍ୟତା ଅଛି ତାହା ସ୍ପଷ୍ଟ ହୋଇ ନାହିଁ।
https://fb.watch/piwzpiGBVz/
