ନୂଆଦିଲ୍ଲୀ,୧୩।୧: ଦେଶରେ ବିବାହକୁ ଏକ ଉତ୍ସବ ଭାବରେ ପାଳନ କରାଯାଇଥାଏ। ଧୁମଧାମରେ ଚାଲିଥିବା ଏହି କାର୍ଯ୍ୟକ୍ରମରେ ପରିବାର ସଦସ୍ୟଙ୍କ ଠାରୁ ଆରମ୍ଭ କରି ବନ୍ଧୁ ବାନ୍ଧବ ଯାଏଁ ଖୁବ୍ ଖୁସିରେ ଏହାକୁ ପାଳନ କରିଥାନ୍ତି। ଯଦି ବିବାହ ଉିତ୍ସବରେ ମନୋରଞ୍ଜନର ଉତ୍ସ ନ ରହିବ ତେବେ ବିବାହ ଫିକା ପଡିଯାଏ। ନିକଟରେ ଏପରି ଏକ ଘଟଣା ସୋସିଆଲ ମିଡିଆରେ ଭାଇରାଲ ହୋଇଛି ଯାହାକୁ ଶୁଣିଲେ ଆପଣ ହସି ହସି ବେଦମ୍ ହୋଇଯିବେ।
ଭାଇରାଲ ଭିଡିଓରେ ଯୁବତୀଜଣକ ବଲିଉଡ ଗୀତରେ ଡ୍ୟାନ୍ସ କରୁଥିବା ନଜିର ଆସିଛନ୍ତି। କିନ୍ତୁ କୌଣସି ଡିଜେ ଗୀତରେ ନୁହେଁ ଓଲା ଇଲେକ୍ଟ୍ରି ସ୍କୁଟିରେ ଗୀତ ବାଜୁଥିବାର ଶୁଣିପାରିବେ। ସଙ୍ଗୀତ କାର୍ଯ୍ୟକ୍ରମରେ ଓଲାକୁ ବ୍ୟବହାର କରାଯାଇ ଗୀତ ବଜାଯାଇଥିଲା ଯେଉଁଥିରେ କନ୍ୟା ଜଣକ ଜବରଦସ୍ତ ଡ୍ୟାନ୍ସ କରିଥିଲେ। ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ବହୁ ୟୁଜର୍ସ ଏଥିରେ ପ୍ରତିକ୍ରିୟା ଦେଇଥିଲେ। କେବଳ ୟୁଜର୍ସ ନୁହେଁ ଓଲା ସ୍କୁଟିର ସିଇଓ ଭାବିଶ ଅଗ୍ରଓ୍ବାଲଙ୍କୁ ମଧ୍ୟ ଏଥିରେ ନିଜର ପ୍ରତିକ୍ରିୟା ରଖିଥିଲେ।
ଇନଷ୍ଟାଗ୍ରାମରେ ଶେୟାର ହୋଇଥିବା ଭିଡିଓଟି ମହାରାଷ୍ଟ୍ରର ଛତ୍ରପତି ସଂଭାଜୀ ନଗରର କୁହାଯାଉଛି। ଭିଡିଓରେ କୁହାଯାଇଛି, ଷ୍ଟେଜ ସଜା ସରିଥିଲା, କନ୍ୟା ନିଜର ଡ୍ୟାନ୍ସ ପ୍ରଦର୍ଶନ ପାଇଁ ପ୍ରସ୍ତୁତ ଥିଲେ। ଡ୍ୟାନ୍ସ ଦେଖିବା ପାଇଁ ସମସ୍ତେ ପହଞ୍ଚି ସାରିଥିଲେ। ହେଲେ ହଠାତ୍ ପୋଲିସ ପହଞ୍ଚି ଇଭେଣ୍ଟ ପ୍ଲାନରଙ୍କ ମ୍ୟୁଜିକ ସିଷ୍ଟମ ବନ୍ଦ କରି ଦେଇଥିଲେ। କିନ୍ତୁ ଏତିକିରେ କାର୍ଯ୍ୟକ୍ରମ ରୋକି ଯାଇ ନ ଥିଲା। କନ୍ୟାଙ୍କର ସାଙ୍ଗମାନେ ମିଶି ଓଲା ସ୍କୁଟରେ ଗୀତ ବଜାଇଥିଲେ ଯେଉଁଥିରେ ସେ ଜବରଦସ୍ତ ଡ୍ୟାନ୍ସ କରିଥିଲେ। କନ୍ୟାଙ୍କର ନିଜ ବିବାହରେ ଡ୍ୟାନ୍ସ କରିବାର ଇଛା ଥିଲା ଯାହା ପୂରଣ ହୋଇପାରିଲା।
View this post on Instagram
ତେବେ ଏହି ଭିଡିଓକୁ ରିପୋଷ୍ଟ କରି ଓଲାର ସିଇଓ ଭାବିଶ ଖୁସି ବ୍ୟକ୍ତ କରିଛନ୍ତି। ସେ କହିଛନ୍ତି, ଖୁସି ଲାଗୁଛି କି ଓଲା ଏବେ ଦେଶର ସାମାଜିକ କାର୍ଯ୍ୟକ୍ରମର ଏକ ଅଂଶ ପାଲଟିଛି।
4 baj gaye lekin party abhi bhi baaki hai! Haha.! Love how Ola scooters have become a part of our community celebrations across India!
Way to go community, keep the creativity going! https://t.co/58gErrKq4P
— Bhavish Aggarwal (@bhash) January 12, 2024
