କରାଚୀ, ୨୮ା୬ (ପି.ଟି.)-ପାକିସ୍ତାନ ୨୦ ଖେଳାଳି ଓ ୧୧ ସପୋର୍ଟ ଷ୍ଟାଫ୍କୁ ନେଇ ଇଂଲଣ୍ଡ ଟୁର୍ରେ ଯିବ। ୧୦ କରୋନା ସଂକ୍ରମିତ କ୍ରିକେଟରଙ୍କ ମଧ୍ୟରୁ ଦ୍ୱିତୀୟ ଟେଷ୍ଟ ବେଳେ ୬ଜଣଙ୍କ ଫଳାଫଳ ନେଗେଟିଭ୍ ଆସିଛି। ପାକିସ୍ତାନ କ୍ରିକେଟ ବୋର୍ଡ (ପିସିବି) ମୁଖ୍ୟ କାର୍ଯ୍ୟନିର୍ବାହୀ ଓ୍ବାସିମ୍ ଖାଁଙ୍କ କହିବା ଅନୁସାରେ ରିଜର୍ଭ ଖେଳାଳିଙ୍କ ମଧ୍ୟରୁ ନେଗେଟିଭ୍ ହୋଇଥିବା ଫାଷ୍ଟ ବୋଲର ମୂଷା ଖାନ୍ ଏବଂ ଉଇକେଟକିପର ବ୍ୟାଟ୍ସମ୍ୟାନ ରୋହିଲ୍ ନାଜିର ମଧ୍ୟ ଦଳ ସହିତ ଯିବେ। ଖାନ୍ ପୂର୍ବରୁ ସ୍ପଷ୍ଟ କରିଥିଲେ ସଂକ୍ରିମତ ୧୦ ଜଣ ଖେଳାଳିଙ୍କ ମଧ୍ୟରୁ ଯେଉଁମାନେ ଦ୍ୱିତୀୟ ଟେଷ୍ଟରେ ନେଗେଟିଭ୍ ଆସିବ ସେମାନେ ଇଂଲଣ୍ଡ ଟୁର୍ରେ ସାମିଲ ହେବେ। ଦ୍ୱିତୀୟ ଥର ନେଗେଟିଭ ହୋଇଥିବା ୬ଜଣ ଖେଳାଳି ହେଲେ ଫଖର ଜମାନ, ମହମ୍ମଦ ହାସ୍ନେନ୍, ମହମ୍ମଦ ହାଫିଜ୍, ମହମ୍ମଦ ରିଜଓ୍ବାନ, ଶାଦାବ ଖାନ୍ ଏବଂ ଓ୍ବାହାବ ରିଆଜ୍। ପୁଣି ପଜିଟିଭ ହୋଇଥିବା ଖେଳାଳିମାନେ ହେଲେ ହାଇଦର ଅଲି, ହାରିସ୍ ରଫ୍, କାଶିଫ୍ ଭଟ୍ଟି ଓ ଇମ୍ରାନ ଖାନ୍ ଏବଂ ମେସର ମଲଙ୍ଗ ଅଲି। ଖାନ୍ ପୁଣି କହିଛନ୍ତି ଯେ, ଆସନ୍ତା ସପ୍ତାହରେ ଏହି ୬ଜଣ ଖେଳାଳିଙ୍କର ତୃତୀୟ ପର୍ଯ୍ୟାୟ ଟେଷ୍ଟ ହେବ। ଫଳାଫଳ ଯଦି ନେଗେଟିଭ୍ ଆସେ, ତେବେ ପିସିବି ସେମାନଙ୍କୁ ଇଂଲଣ୍ଡ ପଠାଇବା ବ୍ୟବସ୍ଥା କରିବ।
