ଭୁବନେଶ୍ୱର,୨୫।୬(ଅନୁରାଧା ମହାରଣା): କ୍ରମାଗତ ଭାବେ ଓଡ଼ିଶାରେ ନିବେଶ ପ୍ରସ୍ତାବ ବୃଦ୍ଧି ପାଉଥିବାବେଳେ ନିବେଶକମାନେ ମଧ୍ୟ ରାଜ୍ୟରେ ବ୍ୟାପକ ପରିମାଣର ପୁଞ୍ଜି ନିବେଶ ପାଇଁ ଓଡ଼ିଶା ସରକାରଙ୍କୁ ପ୍ରସ୍ତାବ ଦେଇଛନ୍ତି। ଏପରିକି ଶିଳ୍ପ ବିନିଯୋଗ କ୍ଷେତ୍ରରେ ଗତବର୍ଷ ୨୦.୪ ପ୍ରତିଶତ ବୃଦ୍ଧି ଘଟିଛି। ୨୦୨୩ ମସିହାରେ ମୋଟ ୫୧୦,୮୫୨ କୋଟି ଟଙ୍କା ବିନିଯୋଗ ସହିତ ୧,୨୬୭ ଇଣ୍ଡଷ୍ଟ୍ରିଆଲ ଉଦ୍ୟୋଗୀ ସ୍ମାରକପତ୍ର (ଆଇଇଏମ୍) ଦାଖଲ କରାଯାଇଛି। ୨୦୨୨ରେ ୪୨୪,୧୦୧ କୋଟି ଟଙ୍କା ମୂଲ୍ୟର ପାର୍ଟ-ଏ ଆଇଏମ ନାମକ ୧,୧୮୫ଟି ପ୍ରପୋଜାଲ ଦାଖଲ ହୋଇଛି। ଏ କ୍ଷେତ୍ରରେ ଓଡ଼ିଶା ସର୍ବାଧିକ ୨୧୦,୮୩୭ କୋଟି ଟଙ୍କା, ଗୁଜରାଟ ୬୨,୫୩୫ କୋଟି, ମହାରାଷ୍ଟ୍ର ୫୯,୫୫୧ କୋଟି ଏବଂ ମଧ୍ୟପ୍ରଦେଶ ୨୨,୧୬୩ କୋଟି ଟଙ୍କା ପାଇଛି। ଶିଳ୍ପ ବିନିଯୋଗ ଦୃଷ୍ଟିରୁ ତେଲଙ୍ଗାନା ଏବଂ ଆନ୍ଧ୍ରପ୍ରଦେଶର ଦୁଇ ତେଲୁଗୁ ରାଜ୍ୟ ଯଥାକ୍ରମେ ୧୩,୨୪୨ କୋଟି ଏବଂ ୧୨,୨୩୮ କୋଟି ଟଙ୍କା ପାଇଛନ୍ତି। ୨୦୨୩ ଡିସେମ୍ବରରେ, ୧୨,୨୭୪ କୋଟି ଟଙ୍କା ପ୍ରସ୍ତାବିତ ନିବେଶ ସହିତ ୯୨ ଆଇଏଏମ୍ ଦାଖଲ କରାଯାଇଥିଲା। ଗୁଜରାଟ, ଓଡ଼ିଶା ଏବଂ ମହାରାଷ୍ଟ୍ର ଯଥାକ୍ରମେ ୫,୦୮୧ କୋଟି, ୧,୨୮୫ କୋଟି ଏବଂ ୧,୧୪୫ କୋଟି ଟଙ୍କା ବିନିଯୋଗ ସହିତ ଅଗ୍ରଣୀ ରାଜ୍ୟ ଅଟନ୍ତି। ପୁଞ୍ଜି ବିନିଯୋଗ ଉଦ୍ଦେଶ୍ୟରେ ରାସାୟନିକ ପଦାର୍ଥ (ସାର ବ୍ୟତୀତ), ଧାତବ ଶିଳ୍ପ ଏବଂ ବୈଦ୍ୟୁତିକ ଉପକରଣ ପାଇଁ ଯଥାକ୍ରମେ ୩,୦୩୨ କୋଟି, ୧,୮୫୩ କୋଟି ଏବଂ ୧,୮୪୮ କୋଟି ଟଙ୍କା ପ୍ରସ୍ତାବ ରହିଛି। ଆଇଇଏମ୍ଗୁଡିକ ଗତ କ୍ୟାଲେଣ୍ଡର ବର୍ଷରେ ୫୩୦,୨୯୭ ନିଯୁକ୍ତି ସୃଷ୍ଟି କରିବେ ବୋଲି ଆଶା କରାଯାଉଛି। ଏହା ୨୦୨୨ ମସିହାରେ ୩୬୭,୧୭୪ ରୁ ୪୪.୪ ପ୍ରତିଶତ ବୃଦ୍ଧି ପାଇଛି। ପ୍ରକୃତ କାର୍ଯ୍ୟକାରିତା ଦୃଷ୍ଟିରୁ ୧୨.୩ ପ୍ରତିଶତ ବୃଦ୍ଧି ଘଟିଛି। ମୋଟ ୨୨,୦୬୪ କୋଟି ଟଙ୍କା ବିନିଯୋଗ ସହିତ ୨୦୨୨ ମସିହାରେ ୯୧୬ଟି ଶିଳ୍ପ ପ୍ରକଳ୍ପ କାର୍ଯ୍ୟକାରୀ ହୋଇଥିବାବେଳେ ୨୦୨୩ ମସିହାରେ ୯୯୯ଟି ପ୍ରକଳ୍ପ ଥିଲା, ଯେଉଁଥିରେ ମୋଟ ୨୮୦,୯୬୪ କୋଟି ଟଙ୍କା ବିନିଯୋଗ ହୋଇଥିଲା। ଅବଶ୍ୟ ଗତ ବର୍ଷ ଶିଳ୍ପ ପ୍ରକଳ୍ପଗୁଡିକର କାର୍ଯ୍ୟକାରିତା ୨୦୨୧ ତୁଳନାରେ କମ ଥିଲା, ଯାହା ୩୪୭,୯୭୮ କୋଟି ଟଙ୍କା ଥିଲା। ୨୦୨୩ ମସିହାରେ ରାସାୟନିକ ପଦାର୍ଥ (ସାର ବ୍ୟତୀତ) କ୍ଷେତ୍ରରେ ୭୦,୨୦୬ କୋଟି ଟଙ୍କା ପାଇବା ଶିଳ୍ପ ପ୍ରକଳ୍ପର କାର୍ଯ୍ୟକାରିତା ପାଇଁ ସବୁଠାରୁ ଅଧିକ ଲାଭଦାୟକ ଥିଲା।
