ନୂଆଦିଲ୍ଲୀ,୧।୧୦: ପୁଣି ଚର୍ଚ୍ଚାରେ ଦିଲ୍ଲୀର ଜବାହାରଲାଲ ନେହେରୁ ବିଶ୍ୱବିଦ୍ୟାଳୟ(ଜେଏନ୍ୟୁ)। ରବିବାର ସକାଳେ ବିଶ୍ୱବିଦ୍ୟାଳୟ କ୍ୟାମ୍ପସ୍ର କିଛି ସ୍ଥାନରେ ଆପତ୍ତିଜନକ ସ୍ଲୋଗାନ ଲେଖାଯାଇଥିବା ଦେଖାଯାଇଥିଲା। ଏହା ଉପରେ ଛାତ୍ରୀଛାତ୍ରୀଙ୍କ ନଜର ପଡ଼ିବା କ୍ଷଣି ସେମାନେ ଚକିତ ହୋଇଥିଲେ। ତେବେ ଉକ୍ତ ସ୍ଲୋଗାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଫ୍ରି-କଶ୍ମୀର ସହ ଜଡ଼ିତ ଥିବା କିଛି ଗଣମାଧ୍ୟମ ରିପୋର୍ଟରେ ଦାବି କରାଯାଇଛି।
କିଏ ଏବଂ କେବେ ଏହି ସ୍ଲୋଗାନ ଲେଖାଯାଇଥିବା ଜଣାପଡ଼ି ନ ଥିଲେ ହେଁ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି) ଏହାକୁ ନାପସନ୍ଦ କରିଛି। ଯାହା କରାଯାଇଛି ତାହା ଠିକ୍ ନୁହେଁ। ଏମିତିରେ ଏହି ମାମଲାକୁ ନେଇ ତତ୍କାଳ କାର୍ଯ୍ୟାନୁଷ୍ଠାନ ହେବା ଉଚିତ ବୋଲି ଏବିଭିପି ସେକ୍ରେଟାରୀ ବିକାଶ ପଟେଲ ଗଣମାଧ୍ୟମକୁ କହିଛନ୍ତି। ଘଟଣା ପରେ କ୍ୟାମ୍ପସ୍ରେ ସୁରକ୍ଷା ବଢ଼ାଯିବା ଉଚିତ ବୋଲି ସେ କହିଛନ୍ତି।
