ଭଦ୍ରକ ଅଫିସ,୨ା୩: ଭଦ୍ରକ ସବ୍ରେଜିଷ୍ଟ୍ରାରଙ୍କ ମନମୁଖୀ କାର୍ଯ୍ୟ ବିରୋଧରେ ଗୁରୁବାର ମୋହରିର ସଂଘ ଓ ଜନସାଧାରଣଙ୍କ ପକ୍ଷରୁ ଭଦ୍ରକ ପୁରୁଣା କୋର୍ଟ ପରିସରରେ ପ୍ରତିବାଦ ସଭା ଅନୁଷ୍ଠିତ ହୋଇଛି। ଜମି କିଣାବିକା ପାଇଁ ଆସୁଥିବା ଜନସାଧାରଣ ଓ ମୋହରିରମାନଙ୍କୁ ଉଚିତ ସେବା ମିଳୁନାହିଁ। ବିଭିନ୍ନ ଆଳ ଦେଖାଇ ବାରମ୍ବାର ଫେରାଇବା ଦ୍ୱାରା ସାଧାରଣ ଲୋକେ ହଇରାଣ ହେଉଛନ୍ତି। ଆଇନ ବିଷୟରେ କିଛି ଜାଣି ନ ଥିବା ଅଫିସରଙ୍କୁ ଦାୟିତ୍ୱ ଦିଆଯାଇଥିବାରୁ ଏପରି ସମସ୍ୟା ହେଉଥିବା ମୋହରିର ସଂଘ ସଭାପତି ଉମାକାନ୍ତ ସାହୁ, ସମ୍ପାଦକ ରାମଚନ୍ଦ୍ର ନାୟକ, ବିଭୂଚନ୍ଦନ ଜେନା, ବିଜୟ ବେହେରା, ମଦନ ମହାନ୍ତି ପ୍ରମୁଖ ବକ୍ତବ୍ୟ ରଖିଥିଲେ।
