ଢେଙ୍କାନାଳ,୧୬ା୧୧(ରତନ ନାୟାର): ଅନାସ୍ଥାରେ ହାରିଗଲେ ଢେଙ୍କାନାଳ ସଦର ବ୍ଲକ ଅଧ୍ୟକ୍ଷା ରାଜଶ୍ରୀ ନାୟକ। ଫଳରେ ସଦରରେ ଭୁଶୁଡ଼ି ପଡ଼ିଛି ବିଜେଡି ଗଡ଼। ଶନିବାର ଅନାସ୍ଥା ଭୋଟିଂ ସପକ୍ଷରେ ୪୪ଖଣ୍ଡ ଭୋଟ୍ ଗ୍ରହଣ ହୋଇଥିବା ବେଳେ ଅନାସ୍ଥା ବିପକ୍ଷରେ ୧୭ ଖଣ୍ଡ ଭୋଟ୍ ଗ୍ରହଣ ହୋଇଛି। ତେଣୁ ଅଧ୍ୟକ୍ଷା ପଦରୁ ହଟିଛନ୍ତି ବିଜେଡିର ରାଜଶ୍ରୀ ନାୟକ। ଏବେ ଉପାଧ୍ୟକ୍ଷ କାଳିନ୍ଦୀ ବାରିକ ଅଧ୍ୟକ୍ଷ ଦାୟିତ୍ୱ ରହିବେ। ମୋଟ୍ ୬୨ଖଣ୍ଡ ଭୋଟ୍ରୁ ଜଣଙ୍କର ଭୋଟ୍ ନାକଚ ହୋଇଥିବା ବେଳେ ୬୧ଟି ଭୋଟ୍ ଗଣତି ହୋଇଛି। ଏହି ପ୍ରକ୍ରିୟାରେ ଢେଙ୍କାନାଳ ଓ କାମାକ୍ଷାନଗର ନିର୍ବାଚନ ମଣ୍ଡଳୀର ବିଧାୟକ ଓ ଏମ୍ପିଙ୍କ ସହିତ ସମସ୍ତ ସରପଞ୍ଚ ଓ ସମିତିସଭ୍ୟ ଉପସ୍ଥିତ ଥିଲେ। ତେବେ ଆଜିର ଅନାସ୍ଥା ପରେ ରାଜ୍ୟରେ ବିଜେଡି ଗଡ଼ ଭୁଶୁଡିଛି ବୋଲି କହିଛନ୍ତି ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର। ଅପରପକ୍ଷରେ ବିଜେଡି ନେତା ସୁଧୀର ସାମଲ କହିଛନ୍ତି, ସରକାର ଯାହାର ଥାଏ ଲୋକେ ତାଙ୍କ ପାଖରେ ରୁହନ୍ତି। ସରକାର ଗଲା ପରେ ଖୁବ୍ କମ୍ ଲୋକ ନେତାଙ୍କ ପାଖରେ ରହନ୍ତି। ତେଣୁ ଏହା ଏକ ସ୍ବାଭାବିକ ପ୍ରକ୍ରିୟା।
