ଢାକା,୩୦।୩: ପବିତ୍ର ରମଜାନ ମାସରେ ବାଂଲାଦେଶର ଢାକାରେ ଟ୍ରାନ୍ସଜେଣ୍ଡର ବା ତୃତୀୟ ଲିଙ୍ଗ ସମ୍ପ୍ରଦାୟ ପାଇଁ ଏକ ମସଜିଦ ଖୋଲାଯାଇଛି। ବ୍ରହ୍ମପୁତ୍ର ନଦୀରେ ମ୍ୟାମନସିଂହ ନିକଟରେ ସରକାରଙ୍କ ଦ୍ୱାରା ଦାନ କରାଯାଇଥିବା ଜମି ଉପରେ ଟ୍ରାନ୍ସଜେଣ୍ଡର ସମ୍ପ୍ରଦାୟ ପାଇଁ ଏହା ପ୍ରତିଷ୍ଠା କରାଯାଇଛି।
ନ୍ୟୁଜ ଏଜେନ୍ସି ଏଏଫପି ଅନୁଯାୟୀ, ବାଂଲାଦେଶର ଟ୍ରାନ୍ସଜେଣ୍ଡର ସମ୍ପ୍ରଦାୟର ସଦସ୍ୟମାନେ ଏକ ନୂତନ ମସଜିଦ ନିର୍ମାଣ ଏବଂ ଏଥିରେ ପୂଜାପାଠ କରିବାକୁ ଅନୁମତି ଦେଇଥିବା ନିଷ୍ପତ୍ତିକୁ ସ୍ବାଗତ କରିଛନ୍ତି। ଟ୍ରାନ୍ସଜେଣ୍ଡର ସମ୍ପ୍ରଦାୟର ନେତା ଜୋୟିତା ଟୋନୁ ଏହି ନିଷ୍ପତ୍ତିକୁ ସ୍ବାଗତ କରି କହିଛନ୍ତି ଯେ ବର୍ତ୍ତମାନଠାରୁ କୌଣସି ଟ୍ରାନ୍ସଜେଣ୍ଡର ବ୍ୟକ୍ତିଙ୍କୁ ଆମ ମସଜିଦରେ ପ୍ରାର୍ଥନା କରିବାକୁ କେହି ଅସୱୀକାର କରିପାରିବେ ନାହିଁ।
ବାସ୍ତବରେ ଏହି ମସଜିଦ ସରକାର ଦାନ କରିଥିବା ଜମି ଉପରେ ନିର୍ମିତ ହୋଇଛି। ଏହି ମସଜିଦ ଚାରିପାଖରେ ଏକ କାନ୍ଥ ଥିବାବେଳେ ଛାତଟି ଏକ ଟିଣ ସେଡ ଅଟେ। ଜଣେ ଟ୍ରାନ୍ସଜେଣ୍ଡର ଖୁସି ବ୍ୟକ୍ତ କରି କହିଛନ୍ତି ଯେ ବର୍ତ୍ତମାନ କେହି ଆମକୁ ପରିହାସ କରିପାରିବେ ନାହିଁ।
ଟ୍ରାନ୍ସଜେଣ୍ଡର ସୋନିଆ କହିଛନ୍ତି ଯେ ଯେତେବେଳେ ଲୋକମାନେ ତାଙ୍କ ଟ୍ରାନ୍ସଜେଣ୍ଡର ବିଷୟରେ ଜାଣିଲେ, ତାଙ୍କୁ ମସଜିଦରେ ପ୍ରାର୍ଥନା କରିବା ବନ୍ଦ କରାଯାଇଥିଲା। ସୋନିଆ ନ୍ୟୁଜ ଏଜେନ୍ସି ଏଏଫପିକୁ କହିଛନ୍ତି ଯେ ଲୋକମାନେ ତାଙ୍କୁ ଟ୍ରାନ୍ସଜେଣ୍ଡର ବୋଲି କହୁଥିଲେ, ତେଣୁ ସେ ମସଜିଦକୁ ଆସିପାରିବେ ନାହିଁ । ସେ କହିଛନ୍ତି ଯେ ଟ୍ରାନ୍ସଜେଣ୍ଡରମାନେ କେବଳ ଘରେ ପ୍ରାର୍ଥନା କରିପାରିବେ ଏବଂ ମସଜିଦକୁ ଆସିବା ଉଚିତ ନୁହେଁ।
