ବଦନାମ ହେଉଛି ବର୍ଦ୍ଦି

ଢେଙ୍କାନାଳ ଅଫିସ, ୧୭।୧:  ଜନତାଙ୍କ ବିଶ୍ୱାସଭାଜନ ହେବାକୁ ଆରମ୍ଭ ହୋଇଛି ‘ଆମ ପୋଲିସ’। ଥାନାକୁ ଆସୁଥିବା ଅଭିଯୋଗକାରୀଙ୍କୁ ଉତ୍ତମ ବ୍ୟବହାର ପ୍ରଦର୍ଶନ, ଧୈର୍ଯ୍ୟର ସହ ଅଭିଯୋଗ ଶୁଣିବା, ନ୍ୟାୟ ପ୍ରଦାନ ଦିଗରେ ଯତ୍ନବାନ ହେବା ଲାଗି ରାଜ୍ୟ ସରକାରଙ୍କ ପକ୍ଷରୁ ଜାରି ହୋଇଛି ନିର୍ଦ୍ଦେଶାବଳୀ। କିନ୍ତୁ ଶିଳ୍ପ ଜିଲା ଢେଙ୍କାନାଳରେ ପୋଲିସ ବାବୁଙ୍କ ହୁକୁମାତି, ନାଲିଆଖି ଆଗରେ ଏସବୁ ଯେମିତି ଫିକା ପଡ଼ିଯାଇଛି। ନ୍ୟାୟ ପାଇଁ ଥାନାର ଦ୍ୱାରସ୍ଥ ହୋଇଥିବା ଅଭିଯୋଗକାରୀଙ୍କୁ ଦୂର୍‌ଦୂର୍‌ ମାର୍‌ମାର୍‌ କରାଯାଉଛି। ମାନସିକ ନିର୍ଯାତନା ମିଳୁଛି। ଗତ ୪ମାସ ହେଲା ଜିଲା ପୋଲିସ ମୁରବୀବିହୀନ ହୋଇପଡ଼ିଥିବାବେଳେ ଆଇନଶୃଙ୍ଖଳା ଭୁଶୁଡ଼ି ପଡ଼ିଛି। ସାଧାରଣଙ୍କୁ ନ୍ୟାୟ ନ ଦେଇ ବର୍ଦ୍ଦି ବଦନାମ ହେଉଥିବାବେଳେ ଜନଅସନ୍ତୋଷ ବଢ଼ିବାରେ ଲାଗିଛି।
ଜିଲାର ଅଧିକାଂଶ ଥାନାରେ ଅଧିକାରୀ, କର୍ମଚାରୀଙ୍କ ମନମାନି ଚାଲିଛି। ଅଭିଯୋଗକାରୀଙ୍କୁ ଖରାପ ଆଚରଣ ପ୍ରଦର୍ଶନ, ମାଡ଼ ମରାଯିବା, ଏତଲା ନ ରଖିବା ଭଳି ଘଟଣାରେ ବର୍ଷକ ଭିତରେ ୬ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ତନ୍ମଧ୍ୟରୁ ୫ଜଣ ନିଲମ୍ବିତ ହୋଇଥିବାବେଳେ ଜଣଙ୍କୁ ବଦଳି କରାଯାଇଛି, ଯାହା ପୋଲିସ ବିଭାଗର ଗୁମର ଖୋଲିଦେଇଛି। ଲୋକଙ୍କୁ ନ୍ୟାୟ ଦେବାକୁ ଆରମ୍ଭ ହୋଇଛି ମୋ ସରକାର। ଅଧିକାରୀମାନେ ଟେଲିଫୋନ ସହାୟତାରେ ସିଧାସଳଖ ଲୋକଙ୍କ ସହିତ ଯୋଡ଼ି ହୋଇ ସମସ୍ୟା ବୁଝିବା ଏହାର ଲକ୍ଷ୍ୟ। ହେଲେ ଢେଙ୍କାନାଳ ଜିଲାରେ ଏହି ମହତ୍‌ ଉଦ୍ଦେଶ୍ୟ ବାଟବଣା ହୋଇଥିବା ବୁଦ୍ଧିଜୀବୀ ଅଭିଯୋଗ କରିଛନ୍ତି।
ଏ ସଂକ୍ରାନ୍ତରେ ଢେଙ୍କାନାଳ ଜିଲା ଦାୟିତ୍ୱରେ ଥିବା ଅନୁଗୋଳ ଏସ୍‌ପି ଜଗମୋହନ ମୀନା କୁହନ୍ତି, ପୋଲିସ ଲୋକଙ୍କ ବିଶ୍ୱାସଭାଜନ ହେବା ପାଇଁ ‘ଆମ ପୋଲିସ’ ଏବଂ ‘ମୋ ସରକାର’ କାର୍ଯ୍ୟକ୍ରମ ଚାଲିଛି। ଲୋକଙ୍କୁ ସିଧାସଳଖ ଫୋନ୍‌ କରି ସମସ୍ୟା ବୁଝାଯାଉଛି। ଥାନାକୁ ଆସୁଥିବା ଲୋକଙ୍କୁ ଉତ୍ତମ ବ୍ୟବହାର ପ୍ରଦର୍ଶନ ଲାଗି ନିର୍ଦ୍ଦେଶନାମା ରହିଛି। ଯଦି ଏଥିରେ କିଛି ବ୍ୟତିକ୍ରମ ହୋଇଛି, ତେବେ ତଦନ୍ତ କରାଯିବ।

ଦୁର୍ବ୍ୟବହାର କରାଯାଉଛି
ବିଭାଗର ପଦସ୍ଥ ଅଧିକାରୀଙ୍କ ବ୍ୟବହାର ପାଇଁ ପୋଲିସ ଉପରୁ ବିଶ୍ୱାସ ତୁଟିଯାଇଛି। ଏଫଆଇଆର୍‌ ନକଲ ମାଗିଲେ ଦିଆଯାଉନି। ଅଭିଯୋଗକାରୀଙ୍କୁ ଦୁର୍ବ୍ୟବହାର ପ୍ରଦର୍ଶନ କରାଯାଉଛି। ଥାନାରେ ଲାଗିଥିବା ସିସିଟିଭି କ୍ୟାମେରାରେ ଭଏସ୍‌ ରେକର୍ଡିଂ ସୁବିଧା ରହିଲେ ପୋଲିସ ଅଧିକାରୀଙ୍କ ଅସଲ ମୁଖା ପଦାକୁ ଆସିବ।
ପ୍ରିୟବ୍ରତ ଗଡ଼ନାୟକ, ସୂଚନା ଅଧିକାର ଅଭିଯାନ ଆବାହକ, ଢେଙ୍କାନାଳ

ମୁହଁ ଖୋଲୁନାହାନ୍ତି ଜନପ୍ରତିନିଧି
ଢେଙ୍କାନାଳ ଜିଲାରେ ଆଇନଶୃଙ୍ଖଳା ବିପର୍ଯ୍ୟସ୍ତ ହୋଇପଡ଼ିଛି। ଅଭିଯୋଗକାରୀଙ୍କୁ କଠୋର ଏବଂ ଅଭିଯୁକ୍ତଙ୍କୁ କୋହଳ ମନୋଭାବ ପୋଷଣ କରାଯାଉଛି। ୪ମାସ ହେଲା ଏସ୍‌ପି ପଦବୀ ଖାଲି ପଡ଼ିଥିବାରୁ ଅଭିଯୋଗ କରିବା ବି ସମ୍ଭବ ହେଉନାହିଁ। ସ୍ଥାନୀୟ ଜନପ୍ରତିନିଧି ମଧ୍ୟ ଏ ଦିଗରେ ମୁହଁ ଖୋଲୁନାହାନ୍ତି।
-ଟଙ୍କଧର ବେହେରା, ଆଇନଜୀବୀ

ଆଇନଶୃଙ୍ଖଳା ବିପର୍ଯ୍ୟସ୍ତ

ଢେଙ୍କାନାଳ ଜିଲାରେ ଆଇନଶୃଙ୍ଖଳା ବିପର୍ଯ୍ୟସ୍ତ ହୋଇପଡ଼ିଛି। ପୋଲିସର ଅବହେଳା, ପ୍ରଭାବଶାଳୀ ଅଭିଯୁକ୍ତଙ୍କୁ କୋହଳ ମନୋଭାବ ଏବଂ ଲାଞ୍ଚଖୋର ମନୋବୃତ୍ତି ଲାଗି ଏପରି ସମସ୍ୟା ଉପୁଜୁଥିବା ବାରମ୍ବାର ଅଭିଯୋଗ ହେଉଛି। ହେଲେ ଏଥିପ୍ରତି ଉଚ୍ଚପଦସ୍ଥ ଅଧିକାରୀ ଗୁରୁତ୍ୱ ଦେଉନାହାନ୍ତି। କେତେକ ପ୍ରମୁଖ ମାମଲା ଉପରେ ଦୃଷ୍ଟି ପକାଇଲେ ଏହା ବାରି ହୋଇପଡୁଛି। କିଛିଦିନ ତଳେ ସନ୍ତାନଙ୍କ ଦ୍ୱାରା ନିର୍ଯାତିତ ଜଣେ ବିଧବା ନ୍ୟାୟ ପାଇଁ ସଦର ଥାନାର ଦ୍ୱାରସ୍ଥ ହୋଇଥିଲେ। ତେବେ ପୋଲିସ ଅଭିଯୋଗ ରଖିବା ବଦଳରେ ଗାଳିଗୁଲଜ କରି ତାଙ୍କୁ ଥାନାରୁ ବାହାର କରିଦେଇଥିଲା। ନ୍ୟାୟ ପାଇଁ ପୀଡ଼ିତାଙ୍କୁ ହାଇକୋର୍ଟ ଯିବାକୁ ପଡ଼ିଥିଲା। ଅଦାଲତଙ୍କ ନିର୍ଦ୍ଦେଶନାମାକୁ ମଧ୍ୟ ପୋଲିସ ଅଣଦେଖା କରି ହରଡ଼ଘଣାରେ ପଡ଼ିଥିଲା। ଗତ ମଙ୍ଗଳବାର ବାଇକ୍‌ ଚୋରି ଅଭିଯୋଗ ନେଇ ଟାଉନ ଥାନାର ଦ୍ୱାରସ୍ଥ ହୋଇଥିବା ଜଣେ ଅଭିଯୋଗକାରୀ ମଧ୍ୟ ପୋଲିସ ଦୁର୍ବ୍ୟବହାରର ଶିକାର ହୋଇଥିଲେ। ଏଭଳି ଘଟଣା ଯୋଗୁ ସାଧାରଣ ଲୋକ ଥାନା ବାରଣ୍ଡା ମାଡ଼ିବାକୁ ଭୟ କଲେଣି। କଙ୍କଡ଼ାହାଡ଼ ଥାନାରେ ଯୁବକଙ୍କୁ ଥାର୍ଡ ଡିଗ୍ରୀ, ଭାପୁର ଫାଣ୍ଡି ଇଲାକାରେ ମାନସିକ ନିର୍ଯାତନାର ଶିକାର ହୋଇଥିବା ଜଣେ ନାବାଳିକା ଆତ୍ମହତ୍ୟା କରିବା ମାମଲାରେ ପୋଲିସର ଅସହଯୋଗ, ଚୋରା ପଥର ଗାଡ଼ି ଜବତ ଘଟଣାରେ ଗଁଦିଆ ତହସିଲଦାରଙ୍କୁ ଯୋରନ୍ଦା ଫାଣ୍ଡିରେ ଦୁର୍ବ୍ୟବହାର ପ୍ରଦର୍ଶନ, ନିହଲପ୍ରସାଦ ଥାନା ଅଞ୍ଚଳରେ ଚୋରା ପଥର ବ୍ୟବସାୟୀଙ୍କୁ ଅହେତୁକ ଅନୁକମ୍ପା ଏସବୁ ପ୍ରମୁଖ ମାମଲାରେ ପୋଲିସର ଅପାରଗତା ପଦାରେ ପଡ଼ିଛି। ଢେଙ୍କାନାଳ ସହରରୁ ଘନଘନ ଚୋରି, ହୁଣ୍ଡି ଭାଙ୍ଗି ଲୁଟ୍‌ ଘଟଣାରେ ଅଦ୍ୟାବଧି ଅଭିଯୁକ୍ତ ଗିରଫ ହୋଇନାହାନ୍ତି। ଭୁଶୁଡ଼ି ପଡ଼ିଥିବା ଆଇନଶୃଙ୍ଖଳା ସଜାଡ଼ିବାକୁ ପୋଲିସ ଆଗଭର ଦେଖାଉ ନ ଥିବାବେଳେ ଅଭିଯୋଗକାରୀଙ୍କ ପ୍ରତି କଠୋର ଆଚରଣ ଖାକିକୁ କଳଙ୍କିତ କରୁଛି। ଏଥିପ୍ରତି ରାଜ୍ୟ ପୋଲିସ ମହାନିର୍ଦ୍ଦେଶକ ଗୁରୁତ୍ୱ ଦେବାକୁ ବିଭିନ୍ନ ମହଲରେ ଦାବି ହେଉଛି।

 


Enter your email to get our daily news in your inbox.

All Right Reserved By Dharitri.Com

ସମାଜ ଲାଗି ଉଦାହରନ୍‌ ପାଲଟିଛନ୍‌ ଅଜିତ

ଭବାନୀପାଟଣା,୧୫।୧୦(ଡି.ଏନ୍‌.ଏ.)- କଳାହାଣ୍ଡି ଜିଲା ଭବାନୀପାଟଣା ସଦର ଶିବ ମନ୍ଦିର ପଡ଼ାର ଅଜିତ କଟ୍ଟା। ସେ ନିହାତି ଗରିବ୍‌, ପେସାରେ ଝନେ ସାଇକେଲ ମେକାନିକ୍‌। ହେଲେ ହୁରୁଦ୍‌...

ମହଙ୍ଗା ପଡ଼ିଲା ଦ୍ୱିତୀୟ ବିବାହ: ବାହାବେଦିରୁ ଥାନାକୁ ଗଲେ ବର

କଟକ ଅଫିସ,୨୭ା୨: ୩ ବର୍ଷ ତଳେ ପାଠ ପଢାଉଥିବାବେଳେ ନିଜ ଛାତ୍ରୀଙ୍କ ପ୍ରେମରେ ପଡ଼ିଥିଲେ। ପରେ ତାଙ୍କୁ କୋର୍ଟରେ ବିବାହ କରିଥିଲେ। ଉଭୟଙ୍କୁ ସ୍ବାମୀ-ସ୍ତ୍ରୀ ଭାବେ...

ମା’କୁ ଖୋଜୁଛି ଛୁଆ ହାତୀ

କେନ୍ଦୁଝର,୧୯ା୬ (ସ୍ବ.ପ୍ର./ଡି.ଏନ.ଏ.):କେନ୍ଦୁଝର ବନଖଣ୍ଡ ଭୂୟାଁ ଓ ଜୁଆଙ୍ଗ ପୀଢ ବନାଞ୍ଚଳ କାଞ୍ଜିପାଣି ଜଙ୍ଗଲରେ ଗୋଠରେ ଥିବା ମା’ଠାରୁ ଅଲଗା ହୋଇ ବାଟବଣା ହୋଇ ଏଣେତେଣେ ବୁଲୁଥିବା...

୨୦୨୩ରୁ କାର୍ଯ୍ୟକ୍ଷମ ହେବ ତାଳଚେର ସାର କାରଖାନା

ଭୁବନେଶ୍ୱର, ୨୧।୧(ବ୍ୟୁରୋ): କୃଷକଙ୍କୁ ଯଥା ସମୟରେ ଉପଯୁକ୍ତ ଦରରେ ସାର ଯୋଗାଇଦେବାକୁ କେନ୍ଦ୍ର ସରକାରଙ୍କ ସାର ବିଭାଗ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଛି। ଏହି...

ନକଲି ସାର୍ଟିଫିକେଟ ଦେଇ ଅଙ୍ଗନଓ୍ବାଡି ସହାୟିକା ବହିଷ୍କୃତ

ଧାମନଗର, ୪।୧୨(ଡି.ଏନ.ଏ.): ଭଦ୍ରକ ଜିଲା ଧାମନଗର ବ୍ଲକ କାଶିମପୁର(୧) ଅଙ୍ଗନଓ୍ବାଡି କେନ୍ଦ୍ରର ସହାୟିକା ବିମଳା ଦାସଙ୍କୁ ନକଲି ସାର୍ଟଫିକେଟ ଦେଇ ଚାକିରି ଆବେଦନ କରିଥିବାରୁ ବହିଷ୍କୃତ...

ଆଜିଠୁ ବିଧାନସଭା

ଭୁବନେଶ୍ୱର,୧ା୧୨(ବ୍ୟୁରୋ): ବିଧାନସଭାର ଶୀତ ଅଧିବେଶନ ବୁଧବାରଠାରୁ ଆରମ୍ଭ ହେବ। ଏହା ୩୧ ତାରିଖ ଯାଏ ଚାଲିବ। ଏଥିରେ ମୋଟ ୨୬ଟି କାର୍ଯ୍ୟ ଦିବସ ରହିଛି। ସେଥିରେ...

ଅନୁଗୋଳରେ ମୋବାଇଲ ଅବକାରୀ ବିଭାଗର ଚଢ଼ାଉ: ୯ଶହ ଲିଟର ଦେଶୀ ମହୁଲି ଜବତ, ୨ ଗିରଫ

ଅନୁଗୋଳ ଅଫିସ,୨୨।୫: ଅନୁଗୋଳ ମୋବାଇଲ ଅବକାରୀ ବିଭାଗ ବୁଧବାର ଚଢ଼ାଉ କରି ୯ଶହ ଲିଟର ଦେଶୀ ମହୁଲି ଜବତ କରିଛି। ଜରାସିଂହାରୁ ଚୋରାରେ ଏହି ଦେଶୀ...

କ୍ୱାରାଣ୍ଟାଇନ୍‌ ସେଣ୍ଟରର ଖର୍ଚ୍ଚ ହିସାବ ମାଗିଲେ ସରକାର

ଭୁବନେଶ୍ୱର,୧୩ା୬(ବ୍ୟୁରୋ) : ରାଜ୍ୟରେ ମହାମାରୀ କରୋନା କାୟା ବିସ୍ତାର କରି ଚାଲିଥିବା ବେଳେ ଏହାର ମୁକାବିଲା ପାଇଁ ସରକାରଙ୍କ ପକ୍ଷରୁ ବିଭିନ୍ନ ଜିଲାରେ ଟିଏମ୍‌ସି ବା...

Advertisement
Archives

Model This Week