Posted inଭଦ୍ରକ

କାଳିଆ ଟଙ୍କା ଫେରାଇବାକୁ ୩,୮୧୪ ହିତାଧିକାରୀଙ୍କୁ ନୋଟିସ୍‌

ଭଦ୍ରକ ଅଫିସ, ୨୮ା୭-ରାଜ୍ୟ ସରକାରଙ୍କ ଜନହିତକର ଯୋଜନା ମଧ୍ୟରୁ କାଳିଆ ଯୋଜନା ଏକ ଲୋକାଭିମୁଖୀ ତଥା କୃଷି ଓ କୃଷକ ସଶକ୍ତୀକରଣ ଯୋଜନା ଭାବେ ବେଶ୍‌ ଲୋକାଦୃତ ହୋଇଥିଲା। ହେଲେ ଏବେ ଏହି ଯୋଜନାକୁ ନେଇ ଲୋକେ ଅସନ୍ତୋଷ ବ୍ୟକ୍ତ କଲେଣି। ଯୋଗ୍ୟ ଓ ଅଯୋଗ୍ୟ ହିତାଧିକାରୀଙ୍କୁ ନେଇ ଦୋଛକିରେ ରାଜ୍ୟ ସରକାର। ସରକାରୀ ଭାବେ ଚାଷୀଙ୍କୁ ନିର୍ବାଚନ ପୂର୍ବରୁ ଯୋଗ୍ୟ କହି ଟଙ୍କା ଦେଲେ, ଏବେ ଅଯୋଗ୍ୟ କହି ଟଙ୍କା ଫେରାଇବା ପାଇଁ ନୋଟିସ୍‌ ଜାରି କରିବା ପରେ ଚାଷୀ ମହଲରେ ଅସନ୍ତୋଷ ଦେଖାଦେଇଛି।
ଭଦ୍ରକ ଜିଲାରେ ଏବେ ମୋଟ ୩, ୮୧୪ ଚାଷୀଙ୍କୁ ଅଯୋଗ୍ୟ କୁହାଯାଇ ଟଙ୍କା ଫେରାଇବା ପାଇଁ ନୋଟିସ୍‌ ଜାରି ହୋଇଛି। ଭଦ୍ରକ ବ୍ଲକର ୫୧୫, ଭଣ୍ଡାରିପୋଖରୀର ୩୩୨, ବନ୍ତର ୪୪୯, ବାସୁଦେବପୁରର ୭୮୧, ତିହିଡ଼ିର ୩୫୭, ଚାନ୍ଦବାଲିର ୯୦୮, ଧାମନଗରର ୪୭୨ଜଣଙ୍କୁ ଜିଲା କୃଷି ବିଭାଗ ପକ୍ଷରୁ ଟଙ୍କା ଫେରସ୍ତ ପାଇଁ ନୋଟିସ୍‌ ଜାରି କରାଯାଇଛି। ଏହି ଯୋଜନାର ସର୍ତ୍ତ ମୁତାବକ ଯେଉଁ ପରିବାରର ନିଜସ୍ବ ଜମି ନ ଥିବ, ସେମାନେ କୃଷି କାମରେ ୬ମାସରୁ ଅଧିକ ସମୟ ନିୟୋଜିତ ହୋଇ ପରିବାର ପୋଷଣ କରୁଥିବେ, ଭୂମିହୀନ କୃଷି ଶ୍ରମିକ ପରିବାର ଅନ୍ତର୍ଭୁକ୍ତ ହୋଇ କାଳିଆ ଯୋଜନାରେ ହିତାଧିକାରୀ ହୋଇପାରିବେ ବୋଲି ସରକାରୀ ସ୍ତରରେ ସ୍ଥିର କରାଯାଇଥିଲା। କିନ୍ତୁ ଲୋକେ ଅଯୋଗ୍ୟ ହୋଇ ମଧ୍ୟ ଏହି ତାଲିକାରେ ମାଧ୍ୟମରେ ଫାଇଦା ଉଠାଇଥିଲେ। ସରକାରଙ୍କ କୃଷି ଓ କୃଷକ ସଶକ୍ତୀକରଣ ବିଭାଗ ତରଫରୁ କାଳିଆ ୱେବପୋର୍ଟାଲରେ ଏହାର ତାଲିକା ଉପଲବ୍ଧ କରାଯାଇଥିଲା। ସେତେବେଳେ ପଞ୍ଚାୟତରେ ନୋଟିସ୍‌ ମଧ୍ୟ ଲାଗିଥିଲା। ଯେଉଁମାନେ ଏହି ତାଲିକାରେ ନ ଥିଲେ ସେମାନେ ଆବେଦନ ମଧ୍ୟ କରିଥିଲେ। ଏବେ କିନ୍ତୁ ଜିଲା କୃଷି ଅଧିକାରୀଙ୍କ କାର୍ଯ୍ୟାଳୟରୁ ଅଯୋଗ୍ୟ ଭାବେ ନୋଟିସ୍‌ ମିଳିଛି ଯେଉଁଥିରେ ଏକ ମାସ ମଧ୍ୟରେ ପାଇଥିବା ଟଙ୍କା ଫେରସ୍ତ ପାଇଁ ସମୟ ଦିଆଯାଇଛି। କିଏ ଗୋଟିଏ କିସ୍ତି ୫ହଜାର ପାଇଛି ତ ଅନ୍ୟ କିଏ ୨ କିସ୍ତି ୧୦ହଜାର ଟଙ୍କା ପାଇଛନ୍ତି। କିନ୍ତୁ ଏବେ କରୋନା ମହାମାରୀ ସମୟରେ ଟଙ୍କା ଫେରସ୍ତ କରିବା ପାଇଁ ବହୁ ଚାଷୀ ଅମଙ୍ଗ। ସେମାନେ କୁହନ୍ତି ଟଙ୍କା ମିଳିଛି, ଖର୍ଚ୍ଚ କରିସାରିଛୁ । କିନ୍ତୁ କରୋନା ସମୟରେ ଆମେ ଟଙ୍କା ଫେରାଇପାରିବୁ ନାହିଁ। ଏମିତି ଆଉ କେତେଜଣ ହିତାଧିକାରୀ କହିଛନ୍ତି ଯେ, ଆମେ ଆବେଦନ କରିଥିଲୁ କାଳିଆ ଯୋଜନାରେ ଗୋଟିଏ କିସ୍ତିରେ ୫ ହଜାର ଟଙ୍କା ବ୍ୟାଙ୍କ ଖାତାକୁ ଆସିଛି । କିନ୍ତୁ ଏବେ ଟଙ୍କା ଫେରାଇବା ପରିସ୍ଥିତିରେ ଆମେ ନାହୁଁ। କରୋନା ପାଇଁ ରୋଜଗାର ବନ୍ଦ, ଟଙ୍କା ଆଣିବୁ କେଉଁଠୁ ବୋଲି ଓଲଟା ପ୍ରଶ୍ନ କରିଛନ୍ତି। କାଳିଆ ଯୋଜନା ହିତାଧିକାରୀଙ୍କୁ ଟଙ୍କା ଦେବା ପୂର୍ବରୁ ଯୋଗ୍ୟ ଅଯୋଗ୍ୟ ବିଚାର କାହିଁକି କରାଗଲା ନାହିଁ ବୋଲି ଚାଷୀ ରମେଶ ନାୟକ କୁହନ୍ତି। ଯେଉଁମାନେ ସେତେବେଳେ ଯୋଗ୍ୟ କରିଥିଲେ ଆଉ ଏବେ ଅଯୋଗ୍ୟ କଲେ ସେମାନଙ୍କ ବିରୋଧରେ ପ୍ରଥମେ କାର୍ଯ୍ୟାନୁଷ୍ଠାନ ନିଆଯାଉ ବୋଲି ପଦ୍ମପୁର ଗାଁର ହରଗୋବିନ୍ଦ ନାୟକ ଓ ନଗେନ୍ଦ୍ର ଖୁଣ୍ଟିଆ କୁହନ୍ତି। ଜିଲା କୃଷି ଅଧିକାରୀ କିରଣ କୁମାର ପରିଡ଼ା କୁହନ୍ତି ଏହି ତାଲିକା ରାଜ୍ୟ ସରକାରଙ୍କ ପକ୍ଷରୁ ସ୍ଥିରୀକୃତ କରାଯାଇଛି। ଏଣୁ ଚାଷୀମାନେ ପାଇଥିବା ଟଙ୍କା ଫେରସ୍ତ କରି କାଳିଆ ତାଲିକାରୁ ବାଦ୍‌ ପଡ଼ିବାକୁ କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ଭଦ୍ରକରେ ଭାଇର ଆତ୍ମହତ୍ୟା ଖବର ଶୁଣି ଜୀବନ ହାରିଲା ଭଉଣୀ

ଭୁବନେଶ୍ୱର,୨।୩: ଏକ ଆଶ୍ଚର୍ଯ୍ୟଜନକ ଘଟଣା କ୍ରମେ ଭଦ୍ରକ ଜିଲାରେ ଭାଇ ଭଉଣୀ ଗୋଟିଏ ଦିନରେ ଆତ୍ମହତ୍ୟା କରିଛନ୍ତି। ରିପୋର୍ଟ ଅନୁଯାୟୀ ପ୍ରଥମେ ଭାଇ ଆତ୍ମହତ୍ୟା କରିଥିଲେ...

ଭଦ୍ରକ ରାଜନୀତିରେ ହଲଚଲ: ପଦ୍ମ ଧରିବେ ରାଜୁ ଦାସ

୨୦୨୪ ସାଧାରଣ ନର୍ବାଚନକୁ ନେଇ ରାଜନୀତି ଏବେ ସରଗରମ। ନିର୍ବାଚନ ଯେତେ ପାଖେଇ ଆସୁଛି, ସେତେ ସରଗରମ ହେବାରେ ଲାଗିଛି ରାଜ୍ୟ ରାଜନୀତି । ଏହାରି...

ଭାଜପା ଫୋକସ୍‌ରେ ଭଦ୍ରକ ଲୋକ ସଭା ଆସନ

ଭଦ୍ରକ,୨।୩ (ସନାତନ ରାଉତ): ୨୦୧୯ ନିର୍ବାଚନରେ ଅଳ୍ପ ବ୍ୟବଧାନରେ ଭାଜପା ଭଦ୍ରକ ସଂରକ୍ଷିତ ଲୋକ ସଭା ଆସନ ହରାଇଥିଲା। ଏଥର ଦଳ ଏହି ନିର୍ବାଚନମଣ୍ଡଳୀ ଉପରେ...

ଅଷ୍ଟମ ଶ୍ରେଣୀ ଛାତ୍ରୀଙ୍କୁ ବଳାତ୍କାର: ବନ୍ଧା ହେଲେ ବୃଦ୍ଧ 

ତିହିଡି,୧।୩(ସଞ୍ଜିତ ବଳ): ଭଦ୍ରକ ଜିଲା ତିହିଡ଼ି ଥାନା ଅଞ୍ଚଳର ଜଣେ ଅଷ୍ଟମ ଶ୍ରେଣୀ ଛାତ୍ରୀଙ୍କୁ ବଳାତ୍କାର କରାଯାଇଥିବା ନେଇ ଥାନାରେ ଅଭିଯୋଗ ହୋଇଛି। ଛାତ୍ରୀଙ୍କ ବାପା...

ଇଞ୍ଜିନିୟରିଂ କଲେଜ ପାଣ୍ଠି ଅନିୟମିତତା ମାମଲାରେ ବିଧାୟକଙ୍କୁ ଆଠ ଘଣ୍ଟା ଜେରା କଲା ଇଡି

ଭୁବନେଶ୍ୱର,୨୮ା୨: ଭଦ୍ରକର ବରପଡା ଇଞ୍ଜିନିୟରିଂ କଲେଜରେ ହୋଇଥିବା ଆର୍ଥିକ ଅନ୍ୟାୟ ତଥା ପରିଚାଳନାଗତ ଅନିୟମିତତା ଘଟଣାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)ର ଅଧିକାରୀମାନେ ଓଡିଶାର ପୂର୍ବତନ ମନ୍ତ୍ରୀ ତଥା...

୩ ଜିଲାର ଜିଲାପାଳଙ୍କୁ ସର୍ତ୍ତମୂଳକ ସମନ ଜାରି କଲେ ଏନ୍‌ଏଚ୍‌ଆର୍‌ସି

କେନ୍ଦୁଝର,୨୮ା୨(ନରେଶ ଚନ୍ଦ୍ର ପଟ୍ଟନାୟକ): ଜାତୀୟ ମାନବାଧିକାର କମିଶନ(ଏନ୍‌ଏଚ୍‌ଆର୍‌ସି) କେନ୍ଦୁଝର, ମୟୂରଭଞ୍ଜ ଓ ଭଦ୍ରକ ଜିଲାପାଳଙ୍କୁ ସର୍ତ୍ତମୂଳକ ସମାନ କରି ଏପ୍ରିଲ ୧୦ ତାରିଖ ପୂର୍ବାହ୍ନ ୧୧ଟାରେ...

ମୁକ୍ତିକାନ୍ତ-ଅଭିମନ୍ୟୁ କଥା କଟାକଟି

ଭଦ୍ରକ,୨୭।୨(ସନାତନ ରାଉତ):ଅମୃତ ଭାରତ ଷ୍ଟେଶନ ଯୋଜନାରେ ରେଳ ଷ୍ଟେଶନଗୁଡ଼ିକର ପୁନର୍ବିକାଶ ପାଇଁ ସୋମବାର ଭର୍ଚୁଆଲରେ ପ୍ରଧାନମନ୍ତ୍ରୀଙ୍କ ଦ୍ୱାରା ଭିତ୍ତିପ୍ରସ୍ତର ସ୍ଥାପନ କରାଯାଇଛି। ଏହି ଅବସରରେ ଭଦ୍ରକ...

ଚିକିତ୍ସା ଅବହେଳାରୁ ଗର୍ଭବତୀଙ୍କ ଜୀବନ ଗଲା

ଭଦ୍ରକ,୨୭।୨(ସନାତନ ରାଉତ):ଚିକିତ୍ସା ଅବହେଳାରୁ ଜଣେ ଗର୍ଭବତୀଙ୍କ ଜୀବନ ଚାଲିଗଲା। ବାରମ୍ବାର ଗୁହାରି ସତ୍ତ୍ୱେ ଡାକ୍ତର ଓ ନର୍ସ ସେମାନଙ୍କ କଥା ଶୁଣି ନ ଥିଲେ। ଚିକିତ୍ସାରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri