ନୂଆଦିଲ୍ଲୀ,୬।୧: ଚାଇନାରେ ହ୍ୟୁମାନ ମେଟାପ୍ନୁମୋଭାଇରସ ମାମଲା ରିପୋର୍ଟ ହୋଇଛି। ଏହି ଭାଇରସ ଶ୍ୱାସକ୍ରିୟା ଦ୍ୱାରା ସଂକ୍ରମିତ ହୋଇ ବ୍ୟାପିବାରେ ଲାଗିଛି। ଏଯାଏ ୨ଟି ଶିଶୁ ଆକ୍ରାନ୍ତ ହୋଇଥିବା ଚିହ୍ନଟ ହୋଇଛନ୍ତି। କହିରଖୁଛୁ କି, ବିଶେଷତଃ ୩ମାସ ଓ ୮ମାସର ପିଲାମାନଙ୍କଠାରେ ଏହି ଜୀବାଣୁ ଚିହ୍ନଟ ହୋଇଛି। ଅନେକ ଗଣମାଧ୍ୟମ ରିପୋର୍ଟରେ ଦର୍ଶାଯାଇଛି ଯେ ଚାଇନାରେ ମାନବ ମେଟାପ୍ନୁମୋଭାଇରସ କାରଣରୁ ବହୁ ସଂଖ୍ୟକ ଶିଶୁ ସଂକ୍ରମିତ ହେଉଛନ୍ତି। ଯଦିଓ ଚୀନ ଏହି ରିପୋର୍ଟଗୁଡିକୁ ନିଶ୍ଚିତ କରିନାହିଁ, କିନ୍ତୁ ଭାଇରସ ସଂକ୍ରମଣର ଇତିହାସକୁ ଅନୁଧ୍ୟାନ କଲେ ଚାଇନା ଠାରୁ ଏସବୁ ବ୍ୟାପୁଛି ବୋଲି ଆଶଙ୍କା କରାଯାଉଛି। ଏହି ସମୟରେ, ଏହା ମଧ୍ୟ କୁହାଯାଉଛି ଯେ ଚାଇନାରେ କେବଳ ମାନବ ମେଟାପ୍ନୁମୋଭାଇରସ ନୁହେଁ, ଅନ୍ୟାନ୍ୟ ଅନେକ ରୋଗ ମଧ୍ୟ ଦେଖାଯାଇଛି।
ଚାଇନାରେ ଏହି ଭାଇରସ ବୃଦ୍ଧି ପାଉଥିବା ଦୃଷ୍ଟିରେ ରଖି ଭାରତର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ମଧ୍ୟ ଏହି ରୋଗ ସମ୍ପର୍କରେ ସତର୍କ କରାଇଛି। ଏହି ଜୀବାଣୁ ଉପରେ ନଜର ରଖିବାକୁ ମନ୍ତ୍ରଣାଳୟ ଜାତୀୟ ରୋଗ ନିୟନ୍ତ୍ରଣ କେନ୍ଦ୍ରକୁ କହିଛି। ଏହାରି ଭିତରେ, WHO ସହିତ ଜଡିତ ଏକ ଏଜେନ୍ସିରୁ ଏସୂଚନା ମିଳିଛି ଯେ ୧୬-୨୨ ଡିସେମ୍ବରରେ ଚାଇନାରେ ହ୍ୟୁମାନ ମେଟାପ୍ନୁମୋଭାଇରସ ମାମଲା ବଢିଛି। କିନ୍ତୁ ଏହାରି ଭିତରେ ରାଇନୋଭାଇରସ ଏବଂ ରେସ୍ପଟୋରି ସିନ୍ସିଟିଆଲ ଭାଇରସ (RSV) ମଧ୍ୟ ରେକର୍ଡ କରାଯାଇଛି। ଏହି ସମସ୍ତ ଭାଇରସ ଶ୍ୱାସକ୍ରିୟାକୁ ଆକ୍ରାନ୍ତ କରିବା ସହ ଅଧିକ ପିଲାମାନଙ୍କଠାରେ ଦେଖାଯାଉଛି।
ରେସ୍ପଟୋରି ସିନ୍ସିଟିଆଲ ଭାଇରସ ଏହା ଏମିତି ପ୍ରକାର ଭାଇରସ ଯାହା ଶ୍ୱାସ ସମ୍ବନ୍ଧୀୟ ରୋଗ କରାଇଥାଏ। ଏହି ଜୀବାଣୁ ଥଣ୍ଡା ଏବଂ କାଶ କରିବା ସହ ଗୁରୁତରବସ୍ଥାରେ ଫୁସଫୁସକୁ ସଂକ୍ରମିତ କରାଏ। ଶୀତଦିନେ ଏହି ଜୀବାଣୁ ଅଧିକ ବ୍ୟାପିଥାଏ।
