ପୁଲକିତ କରୁନି ପାର୍ବଣ

ଅନୁଗୋଳ ଅଫିସ, ୧୧ା୯ – ପୁଲକିତ କରେ ପାର୍ବଣ। ଆନନ୍ଦ, ଉତ୍ସାହରେ ଭରିଦିଏ ମନ। କିନ୍ତୁ କୋଭିଡ୍‌ ମହାମାରୀ କାରଣରୁ ଗତବର୍ଷ ପରି ଚଳିତବର୍ଷ ମଧ୍ୟ ଏହି ଉତ୍ସବ ଋତୁ ଆରମ୍ଭରୁ କେଉଁଠି ନାହିଁ ଉତ୍ସାହ କି ଉଦ୍ଦୀପନା। ସରକାର କଟକଣାକୁ କଡ଼ାକଡ଼ି କରିଥିବାରୁ ଶୁକ୍ରବାର ଅନୁଷ୍ଠିତ ପାର୍ବଣର ପ୍ରଥମ ପୂଜା ଗଜାନନଙ୍କ ଆବାହନ କେବଳ ବିଧି ରକ୍ଷା ପୂର୍ବକ ପାଳନ କରାଯାଇଛି। ପାଲ ଘେରାଯାଇ ମଣ୍ଡପକୁ ଆବଦ୍ଧ କରାଯାଇଥିବା ବେଳେ ସାଜସଜ୍ଜା କରାଯାଇ ନାହିଁ। ସାଉଣ୍ଡ କି ବାଜା ବ୍ୟବସ୍ଥା ହୋଇନାହିଁ। ଭକ୍ତମାନଙ୍କ ଦର୍ଶନକୁ ସମ୍ପୂର୍ଣ୍ଣ ବାରଣ କରାଯାଇଥିବାରୁ ଅନୁଗୋଳର ସମସ୍ତ ପୂଜାସ୍ଥଳ ଖାଁ ଖାଁ ଲାଗୁଛି। ଆସନ୍ତା ବର୍ଷ ଯଦି କରୋନାରୁ ମୁକ୍ତି ମିଳେ ତା’ହେଲେ ଧୁମ୍‌ଧାମ୍‌ରେ ପାର୍ବଣ ପାଳନ କରାଯିବ ବୋଲି ସହରବାସୀ ଆଶା ବାନ୍ଧିଛନ୍ତି।
ଅନୁଗୋଳ ଜିଲାର ବିଭିନ୍ନ ସ୍ଥାନରେ ବେଶ୍‌ ଜାକଜମକରେ ଗଣେଶ ପୂଜା ପାଳନ କରାଯାଇଥାଏ। ବିଶେଷକରି ତାଳଚେର ସହରର ଏହା ଗଣପର୍ବ। ଦୀର୍ଘ ୧୨ ଦିନ ଧରି ତାଳଚେରର ଶତାଧିକ ମଣ୍ଡପରେ ବଡ଼ ଆଡମ୍ବରରେ ଏହି ପୂଜା ହୋଇଥାଏ। ସାଜସଜ୍ଜାଠାରୁ ସାଂସ୍କୃତିକ କାର୍ଯ୍ୟକ୍ରମରେ ସହର ଯେପରି ଦୁଲୁକିଉଠେ। ମିନାବଜାର, ଦୋଳି, ମେଳା ଆଦିରେ ଦୈନିକ ସହସ୍ରାଧିକ ଶ୍ରଦ୍ଧାଳୁଙ୍କ ଗହଳି ଜମେ। ସେହିପରି ଅନୁଗୋଳ ସହରର ୫୦ରୁ ଊର୍ଦ୍ଧ୍ୱ ସ୍ଥାନରେ ବିଘ୍ନନାଶକଙ୍କୁ ଆବାହନ କରାଯାଏ। କିନ୍ତୁ ଗତବର୍ଷ କରୋନା ସଂକ୍ରମଣ ସ୍ଥିତି ଅଧିକ ଥିବାରୁ ଜିଲାରେ ପାର୍ବଣର ଏହି ଆଦ୍ୟ ପର୍ବ ସମ୍ପୂର୍ଣ୍ଣ ପାଣିଚିଆ ହୋଇଯାଇଥିଲା। ପରମ୍ପରା ରକ୍ଷା ପାଇଁ କେଉଁଠି ଫଟୋ ପୂଜା ହୋଇଥିଲା ତ ଆଉ କେଉଁଠି ଆବଦ୍ଧ ମଣ୍ଡପରେ ଗଜାନନଙ୍କୁ ବସାଯାଇଥିଲା। ଚଳିତବର୍ଷ ଜିଲାରେ କୋଭିଡ୍‌ ସଂକ୍ରମିତଙ୍କ ସଂଖ୍ୟା ନିୟନ୍ତ୍ରଣରେ ରହିଥିଲେ ମଧ୍ୟ ଦ୍ୱିତୀୟ ଲହରର ଭୟାବହତାକୁ ଅଙ୍ଗେ ନିଭାଇଥିବା ରାଜ୍ୟ ସରକାର ପାର୍ବଣ ଗାଇଡ୍‌ଲାଇନରେ ସେପରି କୋହଳ ମନୋଭାବ ଦେଖାଇନାହାନ୍ତି। ଏପରି କି ମୂର୍ତ୍ତି ନିର୍ମାଣ କଟକଣାକୁ ମଧ୍ୟ କଡ଼ାକଡ଼ି କରି ତୃତୀୟ ଲହର ପାଇଁ ସାବଧାନ ରହିବାକୁ ବାର୍ତ୍ତା ଦେଇଛନ୍ତି। କମିଟି କର୍ମକର୍ତ୍ତା, ପୂଜକ, କର୍ତ୍ତାଙ୍କୁ ନେଇ ମାତ୍ର ୭ ଜଣ ମଣ୍ଡପରେ ରହିପାରିବେ ବୋଲି ନିର୍ଦ୍ଦେଶ ଥିବାରୁ ଏତେବଡ଼ ପୂଜା ବିନା ଆଡ଼ମ୍ବରରେ ଶେଷ ହୋଇଛି। କେତୋଟି ସ୍ଥାନରେ ସନ୍ଧ୍ୟାରେ ଭସାଣି କାର୍ଯ୍ୟକ୍ରମ ମଧ୍ୟ ଶେଷ କରାଯାଇଥିବା ସୂଚନା ମିଳିଛି। ଭସାଣି ବେଳେ ଶୋଭାଯାତ୍ରା ହୋଇପାରିବ ନାହିଁ ବୋଲି ସରକାରଙ୍କ ପକ୍ଷରୁ କୁହାଯାଇଥିବାରୁ ଜିଲା ପ୍ରଶାସନ ଏହା ଉପରେ କଡ଼ା ନଜର ରଖିଛି। କେଉଁଠି ଯେପରି ଏହାର ଉଲ୍ଲଂଘନ ନ ହୁଏ ସେ ନେଇ ସତର୍କ କରାଇ ଦିଆଯାଇଛି।
କୋଭିଡ୍‌ ଗଲେ ଫେରିବ ଉତ୍ସାହ
ସରକାରଙ୍କ କଟକଣା ମଧ୍ୟରେ ଚଳିତବର୍ଷ ଗଣେଶ ପୂଜା ପାଳନ କରାଯାଇଛି। କୋଭିଡ୍‌ ସମୟ ହୋଇଥିବରୁ ବିନା ଆଡ଼ମ୍ବରରେ ପୂଜା କରାଯାଇଛି। ଜୀବନ ଥିଲେ କେତେ ପାର୍ବଣ ଆସିବ। ତେଣୁ ସରକାର କରିଥିବା ନିୟମକୁ ମାନି ସମସ୍ତେ ପୂଜା ପାଳନ କରନ୍ତୁ।
-ରଶ୍ମି ରଞ୍ଜନ ସାହୁ, ଅନୁଗୋଳ
ପୂଜା ସମ୍ପୂର୍ଣ୍ଣ ଫିକା ପଡ଼ିଛି
ଦୁଇ ବର୍ଷ ହେଲାଣି ପାର୍ବଣ ସମ୍ପୂର୍ଣ୍ଣ ଫିକା ପଡ଼ୁଛି। ସରକାରଙ୍କ କଡ଼ା କଟକଣା ପାଇଁ କୌଣସି ପୂଜା ଜାକଜମକରେ କରାଯାଉ ନାହିଁ। କେବଳ ବିଧି ରକ୍ଷା ପାଇଁ ବିଭିନ୍ନ ସ୍ଥାନରେ ମୂର୍ତ୍ତି ପୂଜା କରାଯାଉଛି। କେବେ କୋଭିଡ୍‌ ଯିବ ଓ ଆମେ ଉତ୍ସବ ମନାଇବୁ ତାହାକୁ ଅପେକ୍ଷା।
-ସୋନାଲି ଥମ୍ବ, ଛାତ୍ରୀ, ଅନୁଗୋଳ
କେବଳ ବିଧି ରକ୍ଷା କରାଯାଉଛି
ପୂର୍ବବର୍ଷ ଅପେକ୍ଷା ଚଳିତବର୍ଷ କୋଭିଡ୍‌ ସଂକ୍ରମଣ ସାମାନ୍ୟ ହ୍ରାସ ପାଇଛି। ସେଥିପାଇଁ ସରକାର ନିୟମରେ ଟିକେ କୋହଳ କରିଛନ୍ତି। କିନ୍ତୁ ପାର୍ବଣ କଟକଣା ଉଲ୍ଲଂଘନ ହେଲେ ଲକ୍‌ଡାଉନ ଫେରିବ ବୋଲି ସତର୍କ କରାଯାଇଥିବାରୁ କେବଳ ବିଧି ରକ୍ଷା କରାଯାଉଛି।
-ପବିତ୍ର ଭଞ୍ଜ, ଅନୁଗୋଳ
ଖୁସି ଛଡ଼ାଇ ନେଇଛି କରୋନା
ଦୁଇବର୍ଷ ହେଲା କୋଭିଡ୍‌ ଲୋକଙ୍କ ମନରୁ ଖୁସି ଛଡ଼ାଇ ନେଇଛି। ବିଶେଷକରି ପାର୍ବଣ ସମୟକୁ ଲୋକେ ଖୁବ୍‌ ଆନନ୍ଦ, ଉତ୍ସାହର ସହ ପାଳନ କରିଥାନ୍ତି। କିନ୍ତୁ ତୃତୀୟ ଲହରର ଭୟ ତାହା ଚଳିତବର୍ଷ କରିବାକୁ ଦେଇନାହିଁ। କଟକଣାକୁ କଠୋର କରାଯାଇଛି।
-ମୋନାଲିସା ନାୟକ, ଛାତ୍ରୀ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ଆଜି ନକଲି ଡାକ୍ତରଙ୍କ ପଲିଗ୍ରାଫ ଟେଷ୍ଟ

ଭୁବନେଶ୍ୱର,୧୬।୩(ବ୍ୟୁରୋ): ନକଲି ଡାକ୍ତର ରମେଶ ସ୍ବାଇଁଙ୍କ ବୁଧବାର ପଲିଗ୍ରାଫ ଟେଷ୍ଟ ହେବ । ପୋଲିସ ବିଭିନ୍ନ ଦିଗକୁ ନେଇ ସ୍ବତନ୍ତ୍ର ପ୍ରଶ୍ନ ତିଆରି କରିଛି ।...

CORONAVIRUS UPDATE: ଯାଜପୁରରେ ଆଉ ୫ ଆକ୍ରାନ୍ତ ଚିହ୍ନଟ: ତଥ୍ୟ ଜାରିକଲେ ରାଜ୍ୟ ସରକାର

ଭୁବନେଶ୍ୱର,୨।୫ (ବ୍ୟୁରୋ): ଯାଜପୁର ଜିଲାରେ ପୁଣି ୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଫଳରେ ଜିଲାରେ ଆକ୍ରାନ୍ତଙ୍କ ସଂଖ୍ୟା ୪୫ରେ ପହଞ୍ଚିଛି। ଏହାକୁ ମିାଶଇ ରାଜ୍ୟରେ...

CORONAVIRUS UPDATE: ରାଜ୍ୟରେ ପୁଣି ୮୬ ପଜିଟିଭ୍‌ ଚିହ୍ନଟ: ଆକ୍ରାନ୍ତଙ୍କ ସଂଖ୍ୟା ୧୧୮୯ରେ ପହଞ୍ଚିଲା

ଭୁବନେଶ୍ୱର,୨୨ା୫(ବ୍ୟୁରୋ): ରାଜ୍ୟରେ ଶୁକ୍ରବାର ପୁଣି ୮୬ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୧୧୮୯ରେ ପହଞ୍ଚିଥିବା ରାଜ୍ୟ ସ୍ବାସ୍ଥ୍ୟ...

୨ ହାତୀଙ୍କ ମୃତଦେହ ଠାବ: କାଟି ନେଲେ ଦାନ୍ତ ଓ ଶୁଣ୍ଢ

ଯୋଡା/କେନ୍ଦୁଝର,୧୪।୬(ଡି.ଏନ.ଏ.)(ସ୍ବ.ପ୍ର)-କେନ୍ଦୁଝର ଜିଲା ଚମ୍ପୁଆ ରେଞ୍ଜ ଯୋଡ଼ା ଫରେଷ୍ଟ ସେକ୍ସନ ଅଧିନସ୍ଥ ବୈତରଣୀ ରିଜର୍ଭ ଫରେଷ୍ଟରେ ରବିବାର ଦୁଇଟି ହାତୀଙ୍କ ମୃତଦେହ ଠାବ କରାଯାଇଛି। ମୃତହାତୀଙ୍କ ମଧ୍ୟରେ...

ଓଡ଼ିଶାରୁ ୧୧୦ ନମୂନା, ୨ ପଜିଟିଭ୍‌; ୩୮୬୧ଜଣ ବିଦେଶ ଫେରନ୍ତା ପଞ୍ଜିକୃତ

ଭୁବନେଶ୍ୱର,୨୪।୩(ବ୍ୟୁରୋ): ସ୍ବାସ୍ଥ୍ୟବିଭାଗର ସୂଚନା ମୁତାବକ ମଙ୍ଗଳବାର ଅପରାହ୍ନ ସୁଦ୍ଧା ରାଜ୍ୟରୁ ମୋଟ ୧୧୦ଟି ନମୂନା ପରୀକ୍ଷଣ ପାଇଁ ପଠାଯାଇଛି। ସେଥିରୁ ପୂର୍ବବତ ୨ଟି ନମୂନା ପଜିଟିଭ...

କୃଷିଜାତ ସାମଗ୍ରୀ ପରିବହନରେ ଚାଷୀଙ୍କୁ ଯେପରି ଅସୁବିଧା ନ ହୁଏ: ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ

ଭୁବନେଶ୍ୱର,୧୪।୪(ବ୍ୟୁରୋ): ଲକ୍‌ଡାଉନ୍‌ ସମୟରେ ଚାଷୀମାନେ ଯେପରି ସେମାନଙ୍କର ଉତ୍ପାଦିତ ସାମଗ୍ରୀର ପରିବହନ ତଥା କୃଷି କାର୍ଯ୍ୟରେ କୌଣସି ଅସୁବିଧା ନ ହେବ ସେଥିପ୍ରତି ସ୍ବତନ୍ତ୍ର ଦୃଷ୍ଟିଦେବାକୁ...

୨୦୩୦ ସୁଦ୍ଧା ୧୦୦ ନିୟୁତ ଟନ୍‌ କୋଇଲା ବାଷ୍ପୀକରଣ ଲକ୍ଷ୍ୟ

ଭୁବନେଶ୍ୱର, ୨୮।୬(ବ୍ୟୁରୋ): ଭାରତରେ ୨୦୩୦ ସୁଦ୍ଧା ୧୦୦ ନିୟୁତ ଟନ୍‌ କୋଇଲା ବାଷ୍ପୀକରଣ ଲକ୍ଷ୍ୟ ରଖାଯାଇଛି। ଏଥିଲାଗି କୋଇଲା ମନ୍ତ୍ରଣାଳୟ ପକ୍ଷରୁ ଜାତୀୟ ମିଶନ ଦସ୍ତାବିଜ୍‌...

ଏକକ ଷାଣ୍ମାସିକ ପରୀକ୍ଷାରେ ବିଭ୍ରାଟ: ବ୍ଲାକବୋର୍ଡରେ ଲେଖାଗଲା ପ୍ରଶ୍ନ

ଭୁବନେଶ୍ୱର (ବ୍ୟୁରୋ)/ ପୁରୀ ଅଫିସ/ ଗୋପ, (ଡି.ଏନ.ଏ)୨ା୧୧: ରାଜ୍ୟରେ ପ୍ରଥମରୁ ଅଷ୍ଟମ ପର୍ଯ୍ୟନ୍ତ ଏକକ ଷାଣ୍ମାସିକ ପରୀକ୍ଷା ଶୁକ୍ରବାରଠାରୁ ଆରମ୍ଭ ହୋଇଛି। କିନ୍ତୁ ପ୍ରଥମ ଦିନରେ...

Advertisement
Archives

Model This Week