ୟୁରୋପ ମହାଦେଶର ଉତ୍ତର ଭାଗରେ ଥିବା ଏକ ଦେଶ ହେଉଛି ନରଓ୍ବେ। ଜାଣିବା ଏହି ଦେଶ ସମ୍ପର୍କରେ କିଛି ରୋଚକ ତଥ୍ୟ…
ଏହି ଦେଶର ଉତ୍ତର ଭାଗରେ ଶୀତଋତୁରେ ଆଦୌ ସୂର୍ଯ୍ୟୋଦୟ ହେଉ ନ ଥିବା ବେଳେ ଗ୍ରୀଷ୍ମଋତୁରେ ସୂର୍ଯ୍ୟାସ୍ତ ହୋଇ ନ ଥାଏ। ଏହି କାରଣରୁ ନରଓ୍ବେକୁ ‘ମଧ୍ୟରାତ୍ରିର ସୂର୍ଯ୍ୟ’ ବୋଲି କୁହାଯାଏ।
ରୋରୋସ୍ ହେଉଛି ଏହି ଦେଶର ସବୁଠୁ ଥଣ୍ଡା ସ୍ଥାନ, ଯେଉଁଠାରେ ତାପମାତ୍ରା -୫୦ଂ ସେଲ୍ସିଅସ୍।
ଏହି ଦେଶରେ ପୁରୁଷମାନେ ଦୁଇଟି ନାମକୁ ସର୍ବାଧିକ ପସନ୍ଦ କରନ୍ତି, ତାହା ହେଉଛି ଅଡ୍ ଏବଂ ଇଭେନ୍।
ଏହି ଦେଶରେ ହେଲ୍ ବା ନର୍କ ନାମକ ଏକ ସହର ରହିଛି।
ନରଓ୍ବେର ରାଜଧାନୀ ଓସ୍ଲୋଠାରେ ପ୍ରତିବର୍ଷ ନୋବେଲ ଶାନ୍ତି ପୁରସ୍କାର ପ୍ରଦାନ ସମାରୋହ ଆୟୋଜନ କରାଯାଇଥାଏ।
ସେଠାକାର ବାସିନ୍ଦାମାନଙ୍କ ଇନ୍କମ୍ ରେକର୍ଡ ପବ୍ଲିକରେ ଜଣାଯାଇଥାଏ।
ଏହି ଦେଶରେ ଘରେ ଟିଭି ରଖିବା ଲାଗି ଲାଇସେନ୍ସ କରିବାକୁ ପଡ଼ିଥାଏ। ଆଉ ଏ ବାବଦରେ ୪୮୦.୬୬ ଡଲାର ବାର୍ଷିକ ଶୁଳ୍କ ମଧ୍ୟ ପଇଠ କରିବାକୁ ହୋଇଥାଏ।
ପୃଥିବୀର ସବୁଠୁ ଲମ୍ବା ଟନେଲ୍ ଲାଏଡ୍ରାଲ୍ ଏହି ଦେଶରେ ରହିଛି। ୧୫ ମାଇଲ ବିଶିଷ୍ଟ ଏହି ଟନେଲ୍ ନିର୍ମାଣ କରିବା ଲାଗି ପ୍ରାୟ ୧ ବିଲିଅନ୍ ବା ୧୧୦ ମିଲିନ୍ ଡଲାର ଖର୍ଚ୍ଚ ହୋଇଛି।
ଏହି ଦେଶରେ ୫୦,୦୦୦ରୁ ଅଧିକ ସଂଖ୍ୟକ ଦ୍ୱୀପ ଦେଖିବାକୁ ମିଳେ।
ଏଫ୍ଏମ୍ ରେଡିଓ ସେବା ବନ୍ଦ କରିବାରେ ନରଓ୍ବେ ହେଉଛି ପୃଥିବୀର ପ୍ରଥମ ସହର। ଏଠାରେ ଏଫ୍ଏମ୍ ବଦଳରେ ଡିଜିଟାଲ୍ ଅଡିଓ ବ୍ରଡକାଷ୍ଟିଂ (ଡିଏବି) ବ୍ୟବହାର କରାଯାଉଛି।
ଏହି ଦେଶରେ ୧୨ ବର୍ଷରୁ କମ୍ ପିଲାଙ୍କୁ ବିଜ୍ଞାପନରେ ନେବା ବେଆଇନ।
